മരക്കാര്‍ ഞാന്‍ അവസരം തിരക്കി നടന്നിരുന്ന കാലത്ത് ചെയ്തത്; കഥാപാത്രത്തെ എങ്ങനെ മനോഹരമാക്കാം എന്നാണ് ചിന്തിക്കാറുള്ളത് പരിഹാസങ്ങള്‍ എന്നെ ബാധിച്ചിട്ടില്ല: വീണ നന്ദകുമാര്‍

സിനിമ ആരാധകര്‍ക്കിടയില്‍ കഴിഞ്ഞ വര്‍ഷം ശ്രദ്ധയാകര്‍ഷിച്ച നടിയാണ് വീണ നന്ദകുമാര്‍. താരം കെട്ടിയോളാണെന്റെ മാലാഖ എന്ന ചിത്രത്തില്‍ അവതരിപ്പിച്ച കഥാപാത്രം വളരെയധികം പ്രക്ഷകപ്രീതി നേടുകയും ചെയ്തു. താരം തന്റെതായ നിലപാടുകള്‍ തുറന്ന് പറയുന്നതില്‍ ഒരു മടിയും കാണികാറില്ല. എന്നാൽ ഇപ്പോൾ മരക്കാര്‍ അറബിക്കടലിന്റെ സിംഹം എന്ന ചിത്രം പുറത്തിറങ്ങിയ സമയത്ത് തനിക്ക് ഒരുപാട് പരിഹാസങ്ങള്‍ കേള്‍ക്കേണ്ടി വന്നുവെന്ന് തുറന്ന് പറയുകയാണ് താരം.

താന്‍ സിനിമകളില്‍ അവസരം തിരക്കി നടന്നിരുന്ന കാലത്ത് ചെയ്ത കഥാപാത്രമാണ് മരക്കാറിലേത്. ആ സിനിമ ചെയ്തതില്‍ തനിക്ക് വിഷമം തോന്നിയിട്ടില്ല. പരിഹാസങ്ങള്‍ തന്നെയോ തന്റെ പിന്നീടുള്ള സിനിമാ ജീവിതത്തെയോ ബാധിച്ചിട്ടില്ല.മരക്കാര്‍ ചെയ്ത ശേഷമാണ് കെട്ട്യോളാണെന്റെ മാലാഖയും ഭീഷ്മ പര്‍വവുമൊക്കെ തനിക്ക് ലഭിച്ചത്. തന്റെ കഥാപാത്രത്തെ എങ്ങനെ മനോഹരമാക്കാം എന്നാണ് ചിന്തിക്കാറുള്ളത്. സഹതാരങ്ങളോട് മത്സരിക്കാറില്ല. 

ഒരാളെ കാസ്റ്റ് ചെയ്യുന്നതിന് മുമ്പ് തന്നെ ഇയാള്‍ ഇങ്ങനെയായിരിക്കും ഇതാണ് ക്യാരക്ടര്‍ അങ്ങനെയുള്ള കാര്യങ്ങളെക്കുറിച്ച് കൃത്യമായ ധാരണയുണ്ടാവും അണയറപ്രവര്‍ത്തകര്‍ക്ക്. കിട്ടുന്ന കഥാപാത്രം എങ്ങനെ വ്യത്യസ്തമായി ചെയ്യാം എന്നാണ് ചിന്തിക്കാറുള്ളത്. പേഴ്‌സണലി അത് കണക്റ്റ് ചെയ്യാന്‍ പറ്റുന്നുണ്ടോ എന്നാണ് നോക്കാറുള്ളത്. നായികാ റോള്‍ തന്നെയാണ് ഫോക്കസ് ചെയ്യുന്നത്. അല്ലാത്ത ക്യാരക്ടേഴ്‌സ് കിട്ടിയാലും ചെയ്യും. ഓരോന്നിലും ബെസ്റ്റ് കൊടുത്താല്‍ മാത്രമേ നമുക്ക് വളരാന്‍ പറ്റുകയുള്ളൂ എന്നാണ് വീണ ദി ക്യൂവിനോട് പ്രതികരിച്ചിരിക്കുന്നത്.