അമ്പലത്തിലെ പൂജാരിയുമായി കടുത്ത പ്രണയത്തിലായിരുന്നു; മുസ്ലീം കുടുംബമാണെങ്കിലും മതം വീട്ടില്‍ വലിയ രീതിയിൽ പ്രശ്‌നമല്ലായിരുന്നു; തുറന്ന് പറഞ്ഞ് ലക്ഷ്മിപ്രിയ

മലയാള സിനിമ പ്രേമികൾക്ക് ഏറെ സുപരിചിതയായ താരമാണ് ലക്ഷ്മി പ്രിയ.   ബിഗ്‌ബോസ് മലയാളം നാലാം പതിപ്പിലെ മത്സരാര്‍ത്ഥിയായി താരം എത്തിയിരിക്കുകയാണ്. എന്നാൽ  ഇപ്പോള്‍ തന്റെ ആദ്യ പ്രണയത്തെ കുറിച്ച് തുറന്ന് പറഞ്ഞിരിക്കുകയാണ് നടി. താന്‍ മുസ്ലിം കുടുംബത്തിലാണ് ജനിച്ചതെന്നും ഹിന്ദു മത വിശ്വാസത്തോടുള്ള താത്പര്യം വളരെ ചെറുപ്പം മുതല്‍ ഉണ്ടായിരുന്ന കുട്ടിയായിരുന്നു താന്‍, അതിനാല്‍ ഒരു പൂജാരിയെ തന്നെയാണ് ആദ്യമായി പ്രേമിച്ചത് എന്നും ലക്ഷ്മി പ്രറയുന്നത്.

ലക്ഷ്മിപ്രിയയുടെ വാക്കുകള്‍, മത സൗഹാര്‍ദമുള്ള നാടാണ് ഞങ്ങളുടേത്. അവിടെ എല്ലാവര്‍ക്കും അമ്പലത്തില്‍ എല്ലാം പോകാം. അങ്ങനെ ഞാന്‍ എന്റെ എട്ടാം ക്ലാസ് മുതല്‍ അമ്പലത്തില്‍ പോകുമായിരുന്നു. അവിടെ വച്ചാണ് അയാളെ കണ്ടത്. അമ്പലത്തിലെ പൂജാരിയായിരുന്നു. എന്നും അമ്പലത്തില്‍ പോയി പോയി, ഞങ്ങള്‍ പ്രണയത്തിലായി.

ഒരിക്കല്‍ ഞാന്‍ നടന്ന് വരുമ്പോള്‍ അദ്ദേഹം സൈക്കിളും തള്ളിക്കൊണ്ട് പോകുന്നു. കൂടെ ഒരു ചേട്ടനും ഉണ്ട്. ഞാന്‍ പുറകില്‍ നിന്ന് അദ്ദേഹത്തെ വിലിച്ചു. അദ്ദേഹം ഒന്ന് തിരിഞ്ഞ് നോക്കി സൈക്കിളും എടുത്ത് പോയി. പിന്നാലെ ഓടി വിളിച്ചുവെങ്കിലും സൈക്കിള്‍ നിര്‍ത്താതെ അവരങ്ങ് പോയി. അതെനിക്ക് വലിയ അപമാനം ആയി. അതോടെ ഇനി ഈ ബന്ധം വേണ്ട എന്ന് ഞാന്‍ ഉറപ്പിച്ചു.

എന്റെ എല്ലാ കാര്യങ്ങളും ഞാന്‍ എന്റെ അപ്പച്ചിയോട് തുറന്ന് പറയും. അങ്ങനെ ഈ പ്രണയവും പറഞ്ഞിരുന്നു. വീട്ടില്‍ മതം വലിയ പ്രശ്നം ഒന്നും അല്ലാത്തത് കൊണ്ട് ഞങ്ങളുടെ പ്രണയം വളരെ നല്ല രീതിയില്‍ മുന്നോട്ട് പോയി. അദ്ദേഹത്തിന് ഒരു സൈക്കിള്‍ ഉണ്ടായിരുന്നു. ആ സൈക്കിളും തള്ളി അദ്ദേഹവും, കൂടെ ഞാനും ഒരുപാട് നടന്നിട്ടുണ്ട്.

എന്നാല്‍ പിന്നീട് ആണ് അദ്ദേഹം പറുന്നത്, അത് അദ്ദേഹത്തിന്റെ സ്വന്തം ചേട്ടനായിരുന്നു. ബ്രാഹ്‌മണനായ അദ്ദേഹം ഒരു മുസ്ലീം കുട്ടിയെ പ്രണയിക്കുന്ന കാര്യം കുടുംബത്തില്‍ പറഞ്ഞിട്ടില്ല, അതുകൊണ്ടാണ് അന്ന് കേള്‍ക്കാത്ത ഭാവം പോയത് എന്ന്. പക്ഷെ അതൊന്നും ഉള്‍ക്കൊള്ളാന്‍ എനിക്ക് കഴിഞ്ഞില്ല. പ്രണയം വേണ്ട എന്ന് ഞാന്‍അറത്തുമുറിച്ചു പറഞ്ഞു. അദ്ദേഹം പിന്നീട് താടിയും മുടിയുമൊക്കെ നീട്ടി, എന്നെ വിശ്വസിപ്പിയ്ക്കാന്‍ ഒരുപാട് നടന്നിരുന്നു. അപ്പച്ചിയോട് എല്ലാം വന്ന് സംസാരിച്ചു. പക്ഷെ ഞാന്‍ എന്റെ തീരുമാനത്തില്‍ നിന്നും പിന്മാറിയില്ല. ഇപ്പോള്‍ അദ്ദേഹം എന്റെ നല്ല സുഹൃത്തുക്കളില്‍ ഒരാളാണ്.