നൈറ്റിയിട്ട് അഹാന ബാല്‍ക്കണിയില്‍; ഡാന്‍സ് സൂപ്പറെന്ന് ആരാധകര്‍

സമൂഹമാധ്യമങ്ങളില്‍ ഏറെ ആരാധകരുള്ള താര കുടുംബമാണ് കൃഷ്ണകുമാറിന്റേത്. മക്കളായ അഹാനയും ഇഷാനിയും ദിയയും ഹന്‍സികയും പാട്ടും ഡാന്‍സുമായി ഓണ്‍ലൈന്‍ പ്ലാറ്റ്ഫോമുകളില്‍ സജീവമാണ്. നാലു പേരും ഒരുമിച്ചുള്ള പെര്‍ഫോമന്‍സ് വിഡിയോകള്‍ ആരാധകര്‍ക്കിടയില്‍ ചര്‍ച്ചയാകാറുണ്ട്. രണ്ടു ദിവസം മുമ്പാണ്, 'പെര്‍ഫക്ട് ഓകെ' ചലഞ്ചുമായി കൃഷ്ണകുമാറും മകള്‍ ദിയ കൃഷ്ണയും എത്തിയത്. വീഡിയോ വൈറലായതിനു പിന്നാലെ ഇപ്പോഴിതാ, അഹാനയാണ് അടുത്തതായി എത്തിയിരിക്കുന്നത്.

വീടിന്റെ മുന്‍വശത്തു നിന്ന് റിങ്ക റിങ്ക പാട്ടിനാണ് അഹാന നൃത്തം ചെയ്തിരിക്കുന്നത്. പിങ്ക് നൈറ്റി അണിഞ്ഞുള്ള താരത്തിന്റെ ഡാന്‍സ് ഇതിനോടകം തന്നെ ആരാധകര്‍ വൈറലാക്കി കഴിഞ്ഞു. അഹാന തന്നെയാണ് തന്റെ ഇന്‍സ്റ്റഗ്രാം പേജില്‍ വീഡിയോ അപ്ലോഡ് ചെയ്തിരിക്കുന്നത്. സൈബറിടത്തിലെ നിറസാന്നിധ്യമായ അഹാന താരപുത്രിമാരില്‍ ഏറെ ശ്രദ്ധ നേടിയ ആളാണ്. താരം പങ്കുവെക്കുന്ന ചിത്രങ്ങളും വിശേഷങ്ങളും വീഡിയോകളുമൊക്കെ ഏറെ ശ്രദ്ധ നേടാറുമുണ്ട്. ദിവസങ്ങള്‍ക്കു മുമ്പ് അഹാന പങ്കുവച്ച പുത്തന്‍ ചിത്രങ്ങളും ആരാധകര്‍ ഏറ്റെടുത്തിരുന്നു.

മലയാളി സിനിമാ പ്രേക്ഷകരുടെ പ്രിയങ്കരിയായ അഹാന കൃഷ്ണ ലൂക്ക, പതിനെട്ടാം പടി എന്നീ ചിത്രങ്ങളിലൂടെ സിനിമാ രംഗത്തെ തന്റെ സാന്നിധ്യം ഉറപ്പിച്ചിരുന്നു. ഇനി രണ്ട് സിനിമകളാണ് അഹാനയുടേതായി റിലീസിനൊരുങ്ങുന്നത്. തിരക്കൊഴിയുമ്പോഴൊക്കെ കുടുംബത്തോടൊപ്പം സമയം ചെലവഴിക്കാറുള്ള അഹാനയ്ക്ക് ഷൂട്ടിംഗിനിടയില്‍ കോവിഡ് ബാധിച്ചതും വാര്‍ത്തകളില്‍ ഇടം പിടിച്ചിരുന്നു,