പൊലീസിന് നല്‍കിയ പരാതി പിന്‍വലിക്കാന്‍ നടന്‍ അഞ്ചുകോടി രൂപ വാഗ്ദാനം ചെയ്തു;  നടന്‍ രാജ് തരുണിനെതിരെ വീണ്ടും ആരോപണങ്ങളുമായി നടി ലാവണ്യ

തെലുങ്ക് നടന്‍ രാജ് തരുണിനെതിരെ നടി ലാവണ്യ പരാതി നല്‍കിയത് ടോളിവുഡിലെ പ്രധാന വാര്‍ത്തകളിലൊന്നായിരുന്നു. തങ്ങള്‍ ഒരുമിച്ച് ജീവിക്കുമ്പോള്‍ തന്നെ രാജ് തരുണിനു സഹനടിയുമായി രഹസ്യബന്ധമുണ്ടായിരുന്നെന്നും, തന്നെ വഞ്ചിച്ചുവെന്നുമായിരുന്നു ലാവണ്യ പരാതി നല്‍കിയത്. ഇപ്പോള്‍ നടനെതിരെ വീണ്ടും ആരോപണങ്ങളുമായി രംഗത്തെത്തിയിരിക്കുകയാണ് താരം.

താന്‍ നല്‍കിയ പരാതി പിന്‍വലിക്കാന്‍ അഞ്ച് കോടി രൂപ വാഗ്ദാനം ചെയ്തുവെന്നാണ് ലാവണ്യയുടെ ആരോപണം.കഴിഞ്ഞ പത്തുവര്‍ഷമായി തങ്ങള്‍ ലിവിംഗ് റിലേഷന്‍ഷിപ്പിലായിരുന്നുവെന്നും നടന്‍ സഹതാരവുമായി പ്രണയത്തിലായതോടെ തന്നെ വഞ്ചിച്ചുവെന്നാണ് ലാവണ്യയുടെ പരാതി. ''പത്ത് വര്‍ഷമായി ഞങ്ങള്‍ പ്രണയത്തിലായിരുന്നു. ഒരുമിച്ച് ജീവിച്ചു വരികയായിരുന്നു. എന്നാല്‍ രാജ് തരുണ്‍ ഞാനുമായുള്ള ബന്ധം പരസ്യമാക്കാന്‍ തയ്യാറായില്ല.''

എന്നാല്‍ മുംബൈ സ്വദേശിയായ ഒരു നടിയുമായി അദ്ദേഹം പ്രണയത്തിലായി. ഞങ്ങള്‍ അമ്പലത്തില്‍ വച്ച് വിവാഹിതരായതാണ്. നിയമപരമായി രജിസ്റ്റര്‍ ചെയ്യാമെന്ന് രാജ് തരുണ്‍ സമ്മതിച്ചതുമാണ്. സഹതാരവുമായി ബന്ധം തുടങ്ങിയപ്പോള്‍ എന്നെ ഒഴിവാക്കി'' എന്നാണ് ലാവണ്യ പറയുന്നത്.

അതേസമയം, ലാവണ്യയുടെ പരാതിയില്‍ പ്രതികരണവുമായി നേരത്തെ രാജ് തരുണ്‍ രംഗത്തെത്തിയിരുന്നു. തനിക്കെതിരേയുള്ള ആരോപണം ഞെട്ടലുണ്ടാക്കുന്നതാ ണെന്നും നിരാശാജനകമാണെന്നും രാജ് തരുണ്‍ പറഞ്ഞു. പത്ത് വര്‍ഷം താനും ലാവണ്യയും ഒരുമിച്ചു ജീവിച്ചു എന്നത് സത്യമാണ്.

എന്നാല്‍ പരസ്പര ധാരണയോടെ വേര്‍പിരിയുകയായിരുന്നു. അവരെ തെറ്റിദ്ധരിപ്പിക്കു ന്നതിനോ വഞ്ചിക്കുന്നതിനോ താനൊന്നും ചെയ്തിട്ടില്ല എന്നായിരുന്നു രാജ് തരുണ്‍ പറഞ്ഞത്. മാത്രമല്ല മയക്കുമരുന്ന് കേസില്‍ ലാവണ്യ അറസ്റ്റിലായിട്ടുണ്ടെന്ന് രാജ് പൊലീസിനോട് പറഞ്ഞിരുന്നു. 45 ദിവസത്തോളംജയിലില്‍ കിടന്നെങ്കിലും രാജ് തിരിഞ്ഞു നോക്കിയില്ലെന്നും ലാവണ്യ പരാതിയില്‍ പറയുന്നുണ്ട്.