ഹൈദരാബാദില് നടക്കുന്ന നാലാമത് ഇന്ഡിവുഡ് ഫിലിം കാര്ണിവലില് അവാര്ഡുകള് നേടി മുന്നില് മലയാള സിനിമ. മേളയില് മികച്ച നടനുള്ള അവാര്ഡിന് രഞ്ജി പണിക്കര് അര്ഹനായി. ഭയാനകം എന്ന ചിത്രത്തിലെ അഭിനയത്തിനാണ് അവാര്ഡ്. തെലുങ്ക് ചിത്രം മഹാനടിയിലെ അഭിനയത്തിന് കീര്ത്തി സുരേഷിന് മികച്ച നടിയ്ക്കുള്ള അവാര്ഡ് ലഭിച്ചു. ഇന്ത്യന് സിനിമയെ രാജ്യാന്തര നിലവാരത്തിലേക്കുയര്ത്തുക എന്ന ലക്ഷ്യത്തോടെ നടത്തുന്ന ഒന്നാണ് ഇന്ഡിവുഡ് ഫിലിം കാര്ണിവല്.
മികച്ച സഹനടിമാര്ക്കുള്ള അവാര്ഡ് സുഡാനി ഫ്രം നൈജീരിയയില് അഭിനയിച്ച സാവിത്രി ശ്രീധരന്, സരസ ബാലുശ്ശേരി എന്നിവര് നേടി. മികച്ച തിരക്കഥയ്ക്കുള്ള അവാര്ഡ് സുഡാനി ഫ്രം നൈജീരിയയുടെ സംവിധായകന് സക്കരിയ ഏറ്റുവാങ്ങി. ജിയോ ബേബി സംവിധാനം ചെയ്ത കുഞ്ഞുദൈവം മികച്ച കുട്ടികളുടെ ചിത്രത്തിനുള്ള അവാര്ഡ് നേടി. മികച്ച സംഗീത സംവിധാനത്തിനുള്ള അവാര്ഡ് റെക്സ് വിജയന് ലഭിച്ചു (ചിത്രം- മായാനദി ). മികച്ച ഛായാഗ്രഹണത്തിനുള്ള അവാര്ഡ് 'പറയിലൂടെ ലിറ്റില് സ്വയംപിന് ലഭിച്ചു.
മികച്ച സംവിധായകനുള്ള ഇന്ഡിവുഡ് അക്കാദമി അവാര്ഡ് രാജ്കുമാര് ഹിറാനി നേടി. ഹിന്ദി ചിത്രമായ സഞ്ജുവിന്റെ സംവിധാനത്തിനാണ് അവാര്ഡ്. ഫിലിം കാര്ണിവല് ഷെയ്ക്ക് സാലം ബിന് സുല്ത്താന് ബിന് സാകര് അല്കാസിമി ഉദ്ഘാടനം ചെയ്തു. 50 രാജ്യങ്ങളില്നിന്നുള്ള നൂറോളം ചിത്രങ്ങളാണ് ഫിലിംഫെസ്റ്റിവലില് പ്രദര്ശിപ്പിക്കുന്നത്.
Premium Lifestyle and Entertainment website
മമ്മൂട്ടിക്ക് പദ്മഭൂഷണ് തിളക്കം; കുടുംബാംഗങ്ങള്ക്കൊപ്പം എത്തി രാഷ്ട്രപതിയില് നിന്നും പുരസ്കാരം ഏറ്റുവാങ്ങി താരം; ചടങ്ങിനുശേഷം കുടുംബാംഗങ്ങള്ക്കൊപ്പം പ്രധാനമന്ത്രിയുമായി കൂടിക്കാഴ്ച; ചിത്രങ്ങള് പങ്കുവെച്ച് നരേന്ദ്ര മോദി 
മൂന്ന് സംസ്ഥാനങ്ങളിലായി നാല് വോട്ടര് തിരിച്ചറിയല് കാര്ഡുകള്; തമിഴ്നാട്ടിലെ വേളാച്ചേരിയില് മാത്രം രണ്ട് വോട്ടുകള്; മൂന്ന് തവണ സമന്സ് അയച്ചിട്ടും ഹാജരായില്ല; നടന് പ്രകാശ് രാജിനെതിരേ ജാമ്യമില്ലാ വാറന്റ് പുറപ്പെടുവിച്ച് കോടതി