ശങ്കരന്റെ ഗൗരി എന്നു പറഞ്ഞാല്‍ മിനിസ്‌ക്രീന്‍ പ്രേക്ഷകര്‍ക്ക് മറ്റ് ആമുഖങ്ങളൊന്നും വേണ്ട നടി വീണാ നായരെ പരിചപ്പെടുത്തുവാന്‍. ഇപ്പോഴിതാ, വീണയെ ഏറെക്കാലത്തെ പ്രണയത്തിനൊടുവില്‍ വൈഷ്ണവ് എന്ന യുവാവ് സ്വന്തമാക്കിയിരിക്കുകയാണ്. ലളിതമായ ചടങ്ങില്‍ ക്ഷേത്രമുറ്റത്തു വച്ചാണ് വീണയുടെ കഴുത്തില്‍ വൈഷ്ണവ് താലി കെട്ടിയത്. ലളിതമായിട്ടാണ് വധുവായി വീണ ഒരുങ്ങിയതും. പനിനീര്‍പ്പൂവിന്റെ ഭംഗിയെന്നാണ് നടിയെ കണ്ട് ആരാധകര്‍ പറഞ്ഞത്. അതിനു ശേഷം സീരിയല്‍ സുഹൃത്തുക്കള്‍ക്കും ബന്ധുക്കള്‍ക്കുമായി വിവാഹമണ്ഡപത്തില്‍ വച്ച്ും ചടങ്ങുകള്‍ നടത്തിയിരുന്നു.
ഇന്നലെ രാത്രി നടന്ന ഹല്‍ദി ആഘോഷ ചിത്രങ്ങളും വീഡിയോകളും ശ്രദ്ധ നേടുന്നതിനു പിന്നാലെയാണ് വിവാഹ വിശേഷവും എത്തിയിരിക്കുന്നത്. മഞ്ഞപ്പൂക്കളാലും വര്‍ണനിറങ്ങളാലും അലങ്കരിച്ച വേദിയില്‍ വച്ച സ്വര്‍ണ നിറമുള്ള താമരപ്പൂവില്‍ ഇരുന്നായിരുന്നു ആഘോഷങ്ങളെല്ലാം. മഞ്ഞ സ്ലീവ് ലെസ് ചുരിദാറില്‍ സുന്ദരിയായി ഇരുന്ന വീണയുടെ കൂട്ടുകാരെല്ലാം തന്നെ ആഘോഷത്തിന് എത്തിയിരുന്നു. വീണ ഹല്‍ദി ആഘോഷത്തില്‍ മുഴുകിയപ്പോള്‍ നടിയെ വിവാഹം കഴിക്കാന്‍ പോകുന്ന കക്ഷി ബാച്ചിലര്‍ പാര്‍ട്ടി ആഘോഷത്തിലും ആയിരുന്നു. സ്വാതന്ത്ര്യത്തിന്റെ അവസാന ദിനം എന്നു കുറിച്ചാണ് വരന്‍ വൈഷ്ണവ് ആഘോഷചിത്രങ്ങള്‍ പങ്കുവച്ചത്.
ഏഷ്യാനെറ്റില്‍ സംപ്രേക്ഷണം ചെയ്ത ഗൗരീശങ്കരം എന്ന ഒരൊറ്റ സീരിയലിലൂടെ പ്രേക്ഷക മനസു കവരുകയും ഇപ്പോള്‍ ഫ്ളവേഴ്സിലെ പഞ്ചാഗ്‌നിയിലൂടെ അമൃതയായും തിളങ്ങുന്ന നടിയാണ് വീണാ നായര്‍. താരപ്രശസ്തിയുടെ ഉന്നതിയില്‍ നില്‍ക്കവേയാണ് ജീവിതത്തിന്റെ അടുത്ത ഘട്ടത്തിലേക്ക് നടി നടക്കുന്നത്. ഗൗരീശങ്കരത്തില്‍ അഭിനയിച്ചു കൊണ്ടിരിക്കെയായിരുന്നു വീണയുടെ വിവാഹ നിശ്ചയം നടന്നത്. 2024 സെപ്റ്റംബറിലായിരുന്നു വിവാഹനിശ്ചയം. നിശ്ചയം കഴിഞ്ഞ് ഏഴു മാസം തികയവേയാണ് വിവാഹത്തിലേക്കും എത്തുന്നത്. പ്രണയ വിവാഹമാണ് വീണയുടേത്. കുടുംബാംഗങ്ങള്‍ മാത്രം പങ്കെടുത്ത ഒരു ചെറിയ ചടങ്ങിലായിരുന്നു വിവാഹനിശ്ചയം. വിവാഹവും അതുപോലെ ആയിരിക്കുമോ, അതോ ഗംഭീര ആഘോഷമാക്കുമോ എന്നറിയാനുള്ള കാത്തിരിപ്പിലാണ് ആരാധകര്‍.
അതേസമയം തൃശ്ശൂരുകാരിയായാണ് വീണ ജനിച്ചതെങ്കിലും പഠിച്ചതും വളര്‍ന്നതും എല്ലാം മുംബൈയിലായിരുന്നു. തൃശൂരിലെ പ്രേംകുമാര്‍ - ശ്രീലത ദമ്പതികളുടെ മകളായിട്ടായിരുന്നു ജനനം. ബിസിനസ് മാനേജ്‌മെന്റ് ബിരുദധാരിയാണ്. ഒരു മികച്ച ക്ലാസിക്കല്‍ ഡാന്‍സറായ വീണ ടിക് ടോക് വീഡിയോകള്‍ നിരവധി ചെയ്യാറുണ്ടായിരുന്നു. അങ്ങനെയാണ് സിനിമാ രംഗത്തേക്ക് പ്രവേശിച്ചത്. ഒരിക്കല്‍ നാടോടിക്കാറ്റ് മൂവിയിലെ മോഹന്‍ലാല്‍ - ശോഭന റൊമാന്റിക് സീന്‍ ടിക് ടോക്ക് ചെയ്ത് വൈറലായതാണ് വീണയ്ക്ക് സിനിമാഭിനയത്തിലേയ്ക്ക് കടക്കാന്‍ പ്രചോദനമായത്. ആകാശഗംഗ 2 എന്ന ചിത്രത്തിലേയ്ക്ക് അഭിനേതാക്കളെ ആവശ്യമുണ്ടെന്നറിഞ്ഞ വീണ മണിച്ചിത്രത്താഴിലെ ശോഭന അവതരിപ്പിച്ച നാഗവല്ലിയുടെ ഒരു രംഗം അഭിനയിച്ച വീഡിയോ സംവിധായകന്‍ വിനയന് അയച്ചുകൊടുക്കുകയും അത് ഇഷ്ടപ്പെട്ട സംവിധായകന്‍ വീണയെ ആ സിനിമയില്‍ നായികയായി തിരഞ്ഞെടുക്കുകയും ചെയ്തു. ആകാശഗംഗ 2 വില്‍ ആരതി വര്‍മ്മ എന്ന നായിക കഥാപാത്രത്തെയാണ് വീണ അവതരിപ്പിച്ചത്.
പ്രണയവിലാസം എന്ന ചിത്രത്തില്‍ അര്‍ജ്ജുന്‍ അശോകനൊപ്പം റിഹാനാ എന്ന കഥാപാത്രത്തേയും അവതരിപ്പിച്ചിരുന്നു. പിന്നാലെയാണ് ഗൗരീശങ്കരത്തിലേക്ക് നായികയായി എത്തിയത്. ഗൗരീശങ്കരം സീരിയല്‍ അവസാനിച്ച ശേഷമാണ് വീണ പഞ്ചാഗ്‌നിയിലേക്ക് എത്തിയത്. നേരത്തെ ലീമാ ബാബു എന്ന സീരിയല്‍ നടിയായിരുന്നു അമൃത എന്ന കഥാപാത്രത്തെ അവതരിപ്പിച്ചിരുന്നത്. എന്നാല്‍ തികച്ചും സ്വകാര്യമായ കാരണങ്ങളാല്‍ ലിമ പഞ്ചാഗ്‌നിയില്‍ നിന്നും ക്വിറ്റ് ചെയ്തപ്പോഴാണ് ആ വേഷത്തിലേക്ക് വീണ എത്തിയത്. വിവാഹ നിശ്ചയം കഴിഞ്ഞ് മാസങ്ങള്‍ക്കിപ്പുറം വിവാഹ വിശേഷവും അറിയിച്ചെത്തിയ വീണയ്ക്ക് വിവാഹാശംസകള്‍ അറിയിക്കുകയാണ് ആരാധകര്‍ ഇപ്പോള്‍. വൈഷ്ണവ് എന്ന ഛോട്ടാ ബാഹുബലിയെയാണ് വീണ വിവാഹം കഴിക്കാന്‍ ഒരുങ്ങുന്നത്. ഏറെക്കാലത്തെ പ്രണയ സാഫല്യം കൂടിയാണ് ഇവരുടെ വിവാഹം. എന്തായാലും വീണയുടെ വിവാഹവിശേഷങ്ങള്‍ കൂടുതല്‍ അറിയാനുള്ള കാത്തിരിപ്പിലാണ് ആരാധകര്‍.
Premium Lifestyle and Entertainment website
പ്രശസ്ത ബോളിവുഡ് നടന്‍ മനോജ് കുമാര്‍ അന്തരിച്ചു; മരണം ഹൃദയസംബന്ധമായ അസുഖത്തെത്തുടര്‍ന്ന് ചികിത്സയിലിരിക്കെ 
കായലില്‍ ഇട്ടത് മാലിന്യമല്ല; എറിഞ്ഞത് മുറ്റത്ത് വീണ് കിടന്ന മാങ്ങ; വീട്ടില്‍ നില്ക്കുന്ന സഹോദരി ചെയ്തത് തെറ്റ് തന്നെ; അണ്ണാന്‍ കടിച്ചൊരു മാങ്ങയ്ക്കും മാങ്ങാണ്ടിക്കും 25,000 രൂപ പിഴ ചരിത്രത്തില്‍ ആദ്യമായിട്ടായിരിക്കും; പിഴ അടച്ചത് മാതൃകയാവാന്‍; പ്രതികരിച്ച് എം ജി ശ്രീകുമാര്‍ 
എല്ലാവില്ലന്മാര്‍ക്കും ഹിന്ദുപ്പേരാണ്, ചരിത്രത്തെ വളച്ചൊടിച്ചു'; മതത്തെ വച്ചും വര്‍ഗീയത വിറ്റും സിനിമയെ വളര്‍ത്താന്‍ നോക്കിയാല്‍ അത് ചിലപ്പോള്‍ എവിടെയെങ്കിലുമൊക്കെ പിഴയ്ക്കും; എമ്പുരാന്‍ സിനിമക്കെതിരെ നടി സോണിയ മല്‍ഹാര്‍ 
കാണാന്‍ ഭംഗിയില്ലെന്നും ക്യാമറയില്‍ കാണുമ്പോള്‍ സൗന്ദര്യം കുറവാണെന്നും പറഞ്ഞ് അവസരങ്ങള്‍ നഷ്ടപ്പെട്ടു; സ്‌കിന്‍ കെയര്‍ ഉപയോഗിച്ചപ്പോള്‍ ആണ് കുറച്ച് മാറ്റം വന്നത്; തുടക്കകാലത്ത് അസോസിയേറ്റ് ഡയറക്ടറില്‍ നിന്നും നേരിട്ടത് മോശം പെരുമാറ്റം; അമൃത നായര്‍ പങ്ക് വച്ചത്
കൊച്ചി കായലിലേക്ക് മാലിന്യം വലിച്ചെറിഞ്ഞത് എംജി ശ്രീകുമാറല്ല; ആരാണ് എറിഞ്ഞതെന്ന് ദൃശ്യങ്ങളില്‍ വ്യക്തമല്ല; വീട്ടു ജോലിക്കാരിയാണെന്ന് പഞ്ചായത്ത് അധികൃതര്‍; ഗായകനും ഭാര്യയും വീട്ടിലുണ്ടായിരുന്നില്ല; നോട്ടീസ് കിട്ടിയതും ഗായകന്‍ പിഴ അടച്ചത് തന്റെ വീട് ആയതിനാല്‍; ആ വൈറല്‍ വീഡിയോയ്ക്ക് പിന്നില്‍ സംഭവിച്ചത്