അമ്മയ്ക്കും മാതൃ രാജ്യത്തിനും വേണ്ടി ജീവിക്കുന്ന എന്നെപ്പോലുള്ള ഒരാൾക്ക് എങ്ങനെ ഒരു സ്ത്രീ വിരുദ്ധനാകാൻ കഴിയും: രജിത് കുമാർ

ബിഗ് ബോസ് സീസണ്‍ 2  വിലൂടെ പ്രേക്ഷക മനസ്സിൽ  ഇടം നേടിയ ഒരാളാണ് രജിത്ത് സാര്‍.  മറ്റാര്‍ക്കും ബിഗ്‌ബോസ് ഹൗസില്‍ അവകാശപെടാനില്ലാത്ത ക്വാളിഫിക്കേഷനുകളായിരുന്നു  അദ്ദേഹത്തിനുളളത്.  സഹപ്രവര്‍ത്തകരും സുഹൃത്തുകളും ബുദ്ധി രാക്ഷസനെന്ന് വിളിക്കുന്ന അദ്ദേഹത്തിന് ഏറെ  പ്രക്ഷക പിന്തുണയായിരുന്നു ലഭിച്ചിരുന്നതും. എന്നാൽ സ്ത്രീകളുടെ വസ്ത്ര ധാരണരീതിയെക്കുറിച്ച് വിവാദപരമായ ചില പരാമർശങ്ങൾ  മുന്നേ നടത്തിയിരുന്നു. എന്നാൽ ഇപ്പോൾ  രജിത് കുമാർ തന്റെ ജീവിതത്തെക്കുറിച്ചും അഭിപ്രായങ്ങളെക്കുറിച്ചും തുറന്ന് പറയുകയാണ്.

"ഞാൻ ഒരു സ്ത്രീ വിരുദ്ധനാണെന്ന് കേട്ട് ചാനലുകളിലും യൂട്യൂബിലും ഒരു സ്ത്രീ വിദ്വേഷി ആയി പലരും എന്നെ അവതരിപ്പിച്ചു. മുൻവിധിയോടെയുള്ള ആ മനോഭാവത്തോടെ അവർ എന്നോട് പെരുമാറിയിരിക്കാം. എന്നാൽ ഞാൻ ഒരിക്കലും ഒരു സ്ത്രീയോടും മോശമായി സംസാരിച്ചിട്ടില്ല. അമ്മയ്ക്കും മാതൃ രാജ്യത്തിനും വേണ്ടി ജീവിക്കുന്ന എന്നെപ്പോലുള്ള ഒരാൾക്ക് എങ്ങനെ ഒരു സ്ത്രീ വിരുദ്ധനാകാൻ കഴിയും? സ്ത്രീകളെ ബഹുമാനിക്കുകയും ആരാധിക്കുകയും ചെയ്യുമ്പോൾ അഭിവൃദ്ധിയുണ്ടാകുമെന്ന് വിശ്വസിക്കുന്ന ഒരു വ്യക്തിയാണ് ഞാൻ.

ഞാൻ സ്ത്രീകളെയും പെൺകുട്ടികളെയും സ്നേഹിക്കുന്നു. വിവാഹം കഴിക്കാനും കുടുംബത്തോടൊപ്പം താമസിക്കാനും ഞാൻ ആഗ്രഹിക്കാത്തതിന് ചില കാരണങ്ങളുണ്ട്. ഒരുപാട് സ്വപ്നങ്ങളുമായി ഞാൻ 2001 ൽ വിവാഹിതനായി. പക്ഷെ ഞങ്ങൾ തമ്മിൽ നല്ല യോജിപ്പില്ലായിരുന്നു . സിമന്റ് ശക്തമായി ഉപയോഗിച്ച് രണ്ട് ഇഷ്ടികകൾ ഉറപ്പിക്കുന്നത് പോലെ ഒരു ബന്ധത്തെ ശക്തമാക്കുന്ന നിരവധി ഘടകങ്ങളുണ്ട്. പക്ഷെ ഞങ്ങൾക്കിടയിൽ അത് കാണുന്നില്ല.

എന്റെ ഭാര്യ ഗർഭിണിയായെങ്കിലും രണ്ടുതവണ ഗർഭം അലസൽ സംഭവിച്ചതിനാൽ ഈ ബന്ധം ശരിയാകി ല്ലെന്ന് എനിക്ക് തോന്നി. ഇനി മുന്നോട്ട് പോയാൽ ഇരുവരുടെയും ജീവിതം നശിപ്പിക്കേണ്ടി വന്നാലോ എന്ന് കരുതി ഞങ്ങൾ വേർപിരിഞ്ഞു.

പിന്നീട് അവൾ പുനർവിവാഹം ചെയ്തു ഒരു കുഞ്ഞ് ജനിച്ചു. എന്നാൽ പ്രസവ സമയത്ത് അവൾ മരിച്ചു. അപ്പോഴും ഞാൻ അവളെ കൊന്നു എന്ന് ആളുകൾ കുറ്റപ്പെടുത്തി. അവർ ഇപ്പോഴും എന്നെ സ്ത്രീ വിരുദ്ധനെന്ന് വിളിക്കുന്നു. ഒരു സ്ത്രീയെ വിവാഹം കഴിച്ചാൽ കാര്യങ്ങൾ മാറുമെന്ന് ഞാൻ കരുതി. അതിനാൽ ഞാൻ വിവാഹം കഴിക്കാൻ തയ്യാറാണ്." രജിത് കുമാർ തുറന്ന് പറയുന്നു .