സീ കേരളത്തിലെ പ്രണയവര്‍ണ്ണങ്ങള്‍ കഴിഞ്ഞതോടെ സീരിയല്‍ ഉപേക്ഷിച്ചു; അഭിനയം ഉപേക്ഷിച്ച് പോയത് ഇഷ്ട ജോലിക്കായി; എയര്‍ ഹോസ്റ്റര്‍ യൂണിഫോമണിഞ്ഞ് നില്ക്കുന്ന ചിത്രവുമായി സീരിയല്‍ നടി ശ്രീലക്ഷ്മി

2021-23 ഘട്ടത്തില്‍ സീ കേരളത്തില്‍ സംപ്രേക്ഷണം ചെയ്തിരുന്ന സീരിയലായിരുന്നു പ്രണയവര്‍ണ്ണങ്ങള്‍. ഫാഷന്‍ വ്യവസായിയായ സിദ്ധാര്‍ത്ഥിന്റെയും അദ്ദേഹത്തിന്റെ ക്രിയേറ്റീവ് ഹെഡ് അപര്‍ണയുടെയും പ്രണയകഥയാണ് ഇതില്‍ അവതരിപ്പിക്കുന്നത്. റിച്ചാര്‍ഡ് ജോസ് സിദ്ധാര്‍ത്ഥായി എത്തിയപ്പോള്‍ സ്വാതി നിത്യാനന്ദ് ആണ് അപര്‍ണയായി എത്തുന്നത്. ഇതില്‍ മറ്റൊരു പ്രധാന കഥാപാത്രത്തെ അവതരിപ്പിച്ചത് നടി ശ്രീലക്ഷ്മി നായര്‍ ആയിരുന്നു. ഈ സീരിയലിന് ശേഷം മറ്റൊരു സീരിയലിലും താരത്തെ കണ്ടിട്ടില്ല. എന്നാല്‍ സീരിയില്‍ ഉപേക്ഷിച്ച് പോയ താരത്തിന് പക്ഷേ ജീവിതത്തില്‍ മറ്റൊരു നേട്ടമാണ് തേടിയെത്തിയിരിക്കുന്നത്.

സീരിയല്‍ വിട്ട താരം മറ്റൊരു ജോലിയില്‍ പ്രവേശിച്ചിരിക്കുകയാണ്. ഇപ്പോള്‍ കൈ നിറയെ ശമ്പളവും അടിച്ച് പൊളി ജീവിതവുമായി മുന്നോട്ട് പോകുകയാണ് താരം. ഒരു സീരിയലില്‍ അഭിനയിച്ചതിന് ശേഷം ഒട്ടുമിക്ക താരങ്ങളും വീണ്ടും സീരിയലിലേക്ക് തന്നെയാണ് പോകുന്നത്. എന്നാല്‍ ഇതില്‍ നിന്നും വ്യത്യസ്ഥമായിരിക്കുകയാണ് ശ്രീലക്ഷ്മി. ഇന്‍ഡിഗോ ഫൈ്ളറ്റില്‍ എയര്‍ ഹോസ്റ്റേഴ്സായി ജോലി നേടിയിരിക്കുകയാണ്. എയര്‍ ഹോസ്റ്റേഴ്സ് യൂണിഫോമിലുള്ള ചിത്രങ്ങള്‍ താരം സോഷ്യല്‍ മീഡിയയില്‍ പങ്കുവെച്ചതോടെയാണ് ഇക്കാര്യം എല്ലാവരും അറിയുന്നത്. സീരിയല്‍ രംഗത്ത് തിളങ്ങി നടന്ന് പിന്നെയെല്ലാം മാറ്റിമറിച്ച ഇപ്പോള്‍ പുതിയ ജീവിതത്തിലേക്ക് ചേക്കേറുകയാണ്. വളരെക്കാലം സ്‌ക്രീനില്‍ കാണപ്പെട്ടിരുന്ന ശ്രീലക്ഷ്മി ഇപ്പോള്‍ ഇന്‍ഡിഗോ എയര്‍ലൈന്‍സില്‍ ജോലിയിലാണ്.

യൂണിഫോമിലൊരുങ്ങിയതായ ചിത്രങ്ങള്‍ സോഷ്യല്‍ മീഡിയയില്‍ പങ്കുവെച്ചതോടെയാണ് ശ്രീലക്ഷ്മിയുടെ പുതിയ തീരുമാനമെന്നത് സമൂഹമാധ്യമങ്ങളിലൂടെ എല്ലാവര്‍ക്കും അറിയുന്നത്. സാധാരണയായി സീരിയല്‍ രംഗത്ത് തിളങ്ങിയതിനു ശേഷം താരങ്ങള്‍ സിനിമയിലേക്കോ അല്ലെങ്കില്‍ മറ്റൊരു സീരിയലിലേക്കോ തിരിയുന്ന പ്രവണതയാണ് പതിവ്. എന്നാല്‍ ഈ താളത്തില്‍ നിന്നു വിട്ട്, ശ്രീലക്ഷ്മി തന്റെ ജീവിതത്തിലേക്ക് പുതിയൊരു സ്വപ്നം തിരഞ്ഞെടുക്കുകയായിരുന്നു. ഇപ്പോള്‍ ഇന്‍ഡിഗോ എയര്‍ലൈന്‍സില്‍ എയര്‍ ഹോസ്റ്റസ്സായി ജോലി ആരംഭിച്ചിരിക്കുന്നു. പുതിയ ജോലിയുടെ ഭാഗമായി മികച്ച വരുമാനം, സ്ഥിരത, യാത്രാ, വ്യക്തിഗത സ്വാതന്ത്ര്യം എന്നിവയുള്ള പുതുമയോടെ നിറഞ്ഞ ജീവിതം ആസ്വദിച്ചു കൊണ്ടിരിക്കുകയാണ്. നടിയായി സീരിയല്‍ രംഗത്തേക്ക് എത്തിയത് മോഡലിങ്ങിലൂടെയാണ്. മോഡലിങ്ങിനോടും ഫാഷന്‍ ഫോട്ടോ ഷൂട്ടുകളോടും ഉഗ്രന്‍ താത്പര്യം പുലര്‍ത്തിയിരുന്ന ശ്രീലക്ഷ്മി, അതുമായി ബന്ധപ്പെട്ട് നിരവധി ചിത്രങ്ങള്‍ സമൂഹമാധ്യമങ്ങളില്‍ പങ്കുവെക്കാറുമുണ്ട്. മോഡലിംഗിലൂടെയും ടാലന്റ് ഷോകളിലൂടെയും ലഭിച്ച പരിചയവും ആത്മവിശ്വാസവുമാണ് താരത്തെ വിനോദലോകത്തിലേക്ക് കൊണ്ടുവന്നത്. ഇന്നത് ഒരു പുതിയ ദിശയില്‍ മാറിയെങ്കിലും, വിശ്വാസപൂര്‍വ്വം മുന്നോട്ട് കൊണ്ടുപോകുകയാണ് ശ്രീലക്ഷ്മി.

'പ്രണയവര്‍ണ്ണങ്ങള്‍' എന്ന ജനപ്രിയ സീരിയലിലൂടെയാണ് ശ്രീലക്ഷ്മി പ്രേക്ഷകശ്രദ്ധ നേടുന്നത്. ആ സീരിയലില്‍ നെഗറ്റീവ് ഷേഡുള്ള ഒരു കഥാപാത്രത്തെ മികച്ച രീതിയില്‍ അവതരിപ്പിച്ചുതന്നെ താരമെന്ന നിലയില്‍ അവളെ അംഗീകരിക്കാന്‍ പ്രേക്ഷകര്‍ തയ്യാറായി. സീരിയല്‍ രംഗത്തേക്ക് എത്തിയതിനു മുന്‍പുതന്നെ സോഷ്യല്‍ മീഡിയയിലൂടെയും മോഡലിങ്ങിലൂടെയും ശ്രീലക്ഷ്മി ശ്രദ്ധ പിടിച്ചുപറ്റിയിരുന്നു. മോഡലിങ് മേഖലയോടായിരുന്നു ആദ്യകാലം മുതല്‍ ഏറെ താത്പര്യം, അതിലൂടെ വിവിധ കിരീടങ്ങളുടെയും നേട്ടങ്ങളുടെയും ഭാഗമാവുകയും ചെയ്തു. 'മിസ്സ് മലയാളി' മത്സരത്തില്‍ ഫസ്റ്റ് റണ്ണറപ്പായും, 2019ല്‍ 'മിസ് കേരള' ഫൈനലിസ്റ്റായും, 2020ലെ എംഎസ്ഐ കണ്‍ടെസ്റ്റില്‍ സെമിഫൈനലിസ്റ്റായും ശ്രീലക്ഷ്മി തിളങ്ങി. സീരിയലില്‍ അഭിനയിച്ചു കൊണ്ടിരിക്കുമ്പോഴും മോഡലിംഗ് തിരക്കിനും കാലമെടുത്തു, രണ്ട് രംഗങ്ങളിലും തുല്യമായ ആത്മാര്‍ഥതയും പ്രതിബദ്ധതയും കാണിച്ചതാണ് ശ്രീലക്ഷ്മിയെ മറ്റുള്ളവരില്‍ നിന്ന് വ്യത്യസ്തയാക്കുന്നത്. ഈ എല്ലാ അനുഭവങ്ങളും ചേര്‍ന്നാണ് ഇന്ന് പുതിയൊരു കരിയറിലേക്ക് അവര്‍ ശക്തമായി കടന്നുപോകുന്നത്.