സിനിമ തനിക്ക് സമ്മാനിച്ച, തന്നെ സിനിമ പാഠങ്ങള് പഠിപ്പിച്ച തന്റെ ആത്മസുഹൃത്തിന് വിട പറഞ്ഞ് സംവിധായകന് പ്രിയദര്ശന്.' കഥ അന്വേഷിക്കാന് ശ്രീനിക്ക് മനുഷ്യ ഹൃദയങ്ങള് മാത്രം മതിയായിരുന്നു. സ്വയം നോക്കി ചിരിക്കാന് ശ്രീനിയെപ്പോലെ മറ്റൊരാള് ഇനിയുണ്ടാവില്ല.....ചിന്തകളിലും പ്രവര്ത്തികളും പുലര്ത്തിയിരുന്ന നന്മ, അതായിരുന്നു ശ്രീനിയുടെ വ്യക്തിമുദ്ര'-പ്രിയദര്ശന് കുറിച്ചു.
പ്രിയദര്ശന്റെ കുറിപ്പിന്റെ പൂര്ണരൂപം: എല്ലാത്തിനെയും ചിരിയിലൂടെ കണ്ട പ്രിയപ്പെട്ട ശ്രീനി, സ്നേഹം നിറഞ്ഞ ഒരു പുഞ്ചിരി പോലെ മാഞ്ഞു. കഥ അന്വേഷിക്കാന് ശ്രീനിക്ക് മനുഷ്യ ഹൃദയങ്ങള് മാത്രം മതിയായിരുന്നു. സ്വയം നോക്കി ചിരിക്കാന് ശ്രീനിയെപ്പോലെ മറ്റൊരാള് ഇനിയുണ്ടാവില്ല.
ഒന്നിച്ച് സ്വപ്നം കണ്ട് സിനിമയില് എത്തിയവരാണ് ഞങ്ങള്. സിനിമയ്ക്ക് പുറത്തായിരുന്നു ഞങ്ങളുടെ ബന്ധം കൂടുതലും. കഥാചര്ച്ചകളും, ഇണക്കങ്ങളും, പിണക്കങ്ങളുമായി എത്രയോ പകലും രാത്രികളും. ചിന്തകളിലും പ്രവര്ത്തികളും പുലര്ത്തിയിരുന്ന നന്മ, അതായിരുന്നു ശ്രീനിയുടെ വ്യക്തിമുദ്ര.
എന്തുപറഞ്ഞാലും അവസാനം ഒരു ഉച്ചത്തിലുളള ചിരിയില് അവസാനിപ്പിക്കുന്ന ശ്രീനിയേട്ടന് ഇതാദ്യമായി എന്നെ കരയിപ്പിക്കുകയാണെന്ന് മഞ്ജു പറയുന്നു. പലതരത്തിലും തലത്തിലും കാലത്തെ അതീജീവിക്കുകയാണ് ശ്രീനിവാസനെന്നും അനുശോചന കുറിപ്പില് മഞ്ജു വാര്യര് പറയുന്നു. ഇല്ലാതാകുന്നത് ശരീരം മാത്രമാണെന്നും ആ പേര് ഇനിയും ഇവിടെ ജീവിക്കുെമന്നും മഞ്ജു വാര്യര് പറയുന്നു.
' കാലാതിവര്ത്തിയാകുക എന്നതാണ് ഒരു കലാകാരന് ഈ ഭൂമിയില് അവശേഷിപ്പിക്കാനാകുന്ന ഏറ്റവും മനോഹരമായ അടയാളം. എഴുത്തിലും അഭിനയത്തിലും സംവിധാനത്തിലും ശ്രീനിയേട്ടന് അത് സാധിച്ചു. അങ്ങനെ, ഒരുതരത്തില് അല്ല പലതരത്തിലും തലത്തിലും അദ്ദേഹം കാലത്തെ അതിജീവിക്കുന്നു. വ്യക്തിപരമായ ഓര്മകള് ഒരുപാട്. എന്തുപറഞ്ഞാലും അവസാനം ഒരു ഉച്ചത്തിലുള്ള ചിരിയില് അവസാനിപ്പിക്കുന്ന ശ്രീനിയേട്ടന് ഇതാദ്യമായി എന്നെ കരയിപ്പിക്കുകയാണ്. പക്ഷേ ഇല്ലാതാകുന്നത് ഒരു ശരീരം മാത്രമാണെന്നും ആ പേര് ഇനിയും പല കാലം പലതരത്തില് ഇവിടെ ജീവിക്കും...'', മഞ്ജു വാര്യര് ഫേസ്ബുക്കില് കുറിച്ചു.
Premium Lifestyle and Entertainment website
ക്രിസ്മസ് മുഖമുദ്രകള്
സീ കേരളം ഡ്രാമ ജൂനിയേഴ്സ് സീസണ് 2 ഓഡീഷനുകള് പ്രഖ്യാപിച്ചു