രണ്ട് മൂര്‍ത്തികളുടെ സാന്നിധ്യത്തില്‍ കന്യക സങ്കല്‍പ്പത്തില്‍ ഒരു ക്ഷേത്രം

''ക്ഷയത്തില്‍ നിന്ന് അഥവാ നാശത്തില്‍ നിന്ന് ത്രാണനം ചെയ്യിക്കുന്നത് ഏതാണോ അതാണ് ക്ഷേത്രം ''എന്ന് പറയുന്നത് . ഒരോ ക്ഷേത്രങ്ങളിലും വിവിധതരം പ്രതിഷ്ഠകളാണ് ഉളളതും . എന്നാല്‍ ഏവരും സര്‍വ്വസാധാരണമായി കാണുന്ന ക്ഷേത്രങ്ങളില്‍ നിന്ന് വ്യത്യസ്തമായൊരു ക്ഷേത്രമാണ്  കന്യക സങ്കല്‍പ്പത്തിലൊരു ക്ഷേത്രം . തിരുവനന്തപുരം ജില്ലയിലെ നെടുമങ്ങാട് നിന്ന് 20 കിലോമീറ്റര്‍ അകലെ കന്യാകുളങ്ങര സ്ഥിതി ചെയ്യുന്ന ശ്രീ ധര്‍മ്മ ശാസ്താ ക്ഷേത്രം .  600 വര്‍ഷത്തോളം പളക്കമുളള ഈ ക്ഷേത്രത്തില്‍  രണ്ടു മൂര്‍ത്തിയുടെ സാന്നിധ്യമാണ് ഉളളത്  സുബ്രമണ്യ സ്വാമിയുടെയും ശാസ്താവിന്റെയും . മുന്‍കാലങ്ങളില്‍ ക്ഷേത്രക്കുളത്തിന് ഏറെ പ്രാധാന്യം നല്‍കി വരുകയും ചെയ്തിരുന്നു . എന്നാല്‍ ഇന്ന് ക്ഷേത്രത്തിലെ കുളം നശിച്ച് കിടക്കുകയുമാണ് .

''പണ്ടുകാലത്ത് ഒരു പെണ്‍കുട്ടിയും കുടുംബവും ക്ഷേത്രത്തിന് അടുത്ത് പാര്‍ത്തിരുന്നു എന്നും കാലങ്ങള്‍ ഏറെ ആയിട്ടും ആ കുടുംബത്തിലെ പെണ്‍കുട്ടിക്ക് വിവാഹം നടക്കാതിരുന്നപ്പോള്‍ നാട്ടുകാര്‍ ചേര്‍ന്ന് ആ പെണ്‍കുട്ടിയെ കെട്ടാകുമരി എന്ന് വിളിച്ച് ആക്ഷേപിക്കുകയും ചെയ്തിരുന്നു . എന്നാല്‍  ശാസ്താവില്‍ ഏറെ ഭക്തയായിരുന്ന  കുട്ടി കളിയാക്കലുകള്‍ സഹിക്കവയ്യാതെ ക്ഷേത്ര സന്നിധിയില്‍ എത്തി പ്രാര്‍ത്ഥിച്ച ശേഷം ക്ഷേത്ര കുളത്തിലേക്ക് ഏടുത്ത് ചാടുകയും തൊട്ടടുത്ത ദിവസം തന്നെ  ഒരു ശില ക്ഷേത്രക്കുളത്തില്‍ ഉയര്‍ന്ന് വരുകയും ചെയ്തു എന്നാണ് പറയപ്പെടുന്നത് . കന്യകയുടെ സാന്നിധ്യം ഏറെ ഉളളത് കൊണ്ടും  കുളത്തിന് കരയിലെ ക്ഷേത്രമായതുകൊണ്ടുമാണ് കന്യാകുളങ്ങര ക്ഷേത്രം'' ഈ ക്ഷേത്രം അറിയപ്പെടുകയും ചെയ്തു . 

അമൃത കലശം കയ്യിലേന്തിയ ശാസ്താവിന്റെ സാനിധ്യമാണ് ക്ഷേത്രത്തിലെ മറ്റൊരു പ്രത്യേകത . അത് കൊണ്ട് തന്നെ ക്ഷേത്രത്തില്‍ നടന്നു വരുന്ന പൂജ വിധികളിലും ഏറെ വൈവിധ്യങ്ങളാണ് ഉളളത് . അതോടൊപ്പം തന്നെ ശ്രീബുദ്ധന്റെ കാലത്തെ ശില്പമാണ് ഇവിടെ പ്രതിഷ്ഠയായിട്ടുള്ളത്.  നിരവധി ആളുകള്‍ ആണ് ശനി ദോഷ നിവാരണത്തിനും നീരാഞ്ജനം നടത്തുന്നതിനുമായി നിത്യേനെ ക്ഷേത്രത്തില്‍ എത്തുന്നത് . എന്നാല്‍ ക്ഷേത്രത്തിലെ മറ്റൊരു പ്രത്യകതയായി കണക്കാകുന്നത് യുദ്ധത്തിന് തയ്യാറായി നില്‍ക്കുന്ന ഭാവമാണ് സുബ്രമണ്യ സ്വാമിയുടെ പ്രതിഷ്ഠയ്ക്ക് ഉളളത് എന്നുമാണ് .