മേയ്ക്കപ്പ് എളുപ്പത്തില്‍ തുടച്ചുമാറ്റാന്‍ ബേബി ഷാംപുവും ബേബി വൈപ്പസും; മുഖത്തെയും കണ്ണിലെയും മേക്കപ്പ് നീക്കം ചെയ്യാന്‍ 5 വഴികള്‍

വിരുന്നുകള്‍ക്കും കല്യാണതതിനുമൊക്കെ പോയി വന്നാല്‍ ഏറ്റവും ബുദ്ധിമുട്ടുളള കാര്യം മേയ്ക്കപ്പ് മാറ്റുന്നതാവും. ക്ഷീണിച്ച് വീട്ടിലെത്തി പിന്നീട് കണ്ണിലെ മസ്‌കാരയും ഐലൈനറുമൊക്കെ തുടച്ചു മാറ്റാന്‍ മണിക്കൂറുകളുടെ പരിശ്രമം വേണം. എന്നാല്‍ ചില പൊടിക്കൈകളിലൂടെ മുഖത്തെ മേക്കപ്പ് എളുപ്പത്തില്‍ മാറ്റാം.

1. ബേബി ഷാംപൂ - ബേബി ഷാംപൂ കുഞ്ഞുങ്ങള്‍ക്ക് മാത്രമുള്ളതാണെന്ന് ആരാണ് പറഞ്ഞത്?. ഐ ലൈനര്‍, മസ്‌കാര, ഐ ഷാഡോ എന്നിവ നീക്കം ചെയ്യാന്‍ ബേബി ഷാംപൂ ഉപയോഗിക്കാം.
2. ബേബി വൈപ്‌സ് - ബേബി ഷാംപൂ മാത്രമല്ല ബേബി വൈപ്പുകളും മേക്കപ്പ് നീക്കം ചെയ്യാന്‍ നല്ല മാര്‍ഗ്ഗമാണ്. വൈപ്പുകള്‍ ഉപയോഗിക്കുകയും തുടര്‍ന്ന് മുഖം വെള്ളം ഉപയോഗിച്ച് മൃദുവായി കഴുകുകയും ചെയ്യുക.
 3. ഫേഷ്യല്‍ മോയ്ചറൈസര്‍ - കോട്ടണ്‍ ഉപയോഗിച്ച് മോയ്‌സചറൈസര്‍ കണ്ണിന് മുകളില്‍ തേയ്ക്കുകയും തുടര്‍ന്ന് സോപ്പ് ഉപയോഗിച്ച് നന്നായി കഴുകുകയും ചെയ്യുക. മികച്ച ഫലം കിട്ടാന്‍ ചൂട് വെള്ളം ഉപയോഗിക്കുക.
 4. ഓയില്‍ - ഏത് തരം ഓയിലും ഉപയോഗിക്കാമെങ്കിലും ഒലിവ് ഓയിലും ബദാം ഓയിലുമാണ് മേക്കപ്പ് നീക്കം ചെയ്യാനുത്തമം. അവ ചര്‍മ്മത്തിന് പോഷണം നല്കാനും ഉത്തമമാണ്.
5. പെട്രോളിയം ജെല്ലി - കണ്ണിന് മുകളില്‍ മൃദുവായി പെട്രോളിയം ജെല്ലി പുരട്ടുകയും കോട്ടണ്‍ ഉപയോഗിച്ച് മേക്കപ്പ് നീക്കം ചെയ്യുകയും ചെയ്യാം.