ഇന്ന് ഷഷ്‌ഠി; ഗുഹ പഞ്ചരത്‌ന സ്തോത്രം ജപിച്ചാൽ ഉണ്ടാകുന്ന ഗുണങ്ങൾ

സുബ്രമണ്യ ഭഗവാന് പ്രിയപ്പെട്ട ഒരു ദിനമാണ് ഷഷ്ഠി ദിനം. ഈ ദിനത്തിൽ ഭഗവാനെ ഭജിച്ച് കൊണ്ട് വ്രതം അനുഷ്‌ടിക്കുന്നതും ഏറെ ഗുണം ചെയ്യുന്നു. ഈ  ഈ  ദിനത്തിൽ  ഗുഹ പഞ്ചരത്‌ന സ്തോത്രം ജപിക്കുന്നത്  ഉദിഷ്‌ട സിദ്ധിക്കും പ്രയോജനം ചെയ്യുന്നു. പഠനത്തിൽ പിന്നോട്ട് നിൽക്കുന്ന കുട്ടികൾക്കും ഭവനം സ്വന്തമാക്കുവാൻ കഴിയാതെ വരുന്നവർക്കുമെല്ലാം ഇവ ഏറെ പ്രയോജനകമാണ്. ചൊവ്വയുടെ  ദോഷമുള്ളവർ , വിഷാദ രോഗികൾ , പ്രായം കഴിഞ്ഞിട്ടും വിവാഹം നടക്കാത്തവർ , കട ബാദ്ധ്യത യുള്ളവർ , മേടം , വൃശ്ചികം , ധനു , കർക്കിടകം തുടങ്ങിയവർ എല്ലാം  ഗുഹ പഞ്ചരത്‌നം  ജപിക്കുന്നത് ഏറെ ഗുണം ചെയ്യുന്നു. നിത്യേന ആറു തവണ സുബ്രഹ്മണ്യസ്വാമിയെ  മനസ്സിൽ സങ്കൽപ്പിച്ച് ശ്രദ്ധയോടെ ജപിക്കുക.
 
 ഗുഹ പഞ്ചരത്‌ന സ്തോത്രം

ഓങ്കാര-നഗരസ്ഥം തം 
നിഗമാന്ത-വനേശ്വരം 
നിത്യമേകം ശിവം ശാന്തം
  വന്ദേ ഗുഹം ഉമാസുതം

വാചാമഗോചരം സ്കന്ദം
ചിദുദ്യാന-വിഹാരിണം
 ഗുരുമൂര്‍ത്തിം മഹേശാനം 
വന്ദേ ഗുഹം ഉമാസുതം

സച്ചിദാനന്ദരൂപേശം 
സംസാരധ്വാന്ത-ദീപകം
സുബ്രഹ്മണ്യമനാദ്യന്തം
 വന്ദേ ഗുഹം ഉമാസുതം

സ്വാമിനാഥം ദയാസിന്ധും
 ഭവാബ്ധേഃ താരകം പ്രഭും
 നിഷ്കളങ്കം  ഗുണാതീതം  
വന്ദേ ഗുഹം ഉമാസുതം

നിരാകാരം നിരാധാരം  
നിര്‍വികാരം നിരാമയം 
നിര്‍ദ്വന്ദ്വം ച നിരാലംബം 
 വന്ദേ ഗുഹം ഉമാസുതം