വിഷ്ണു വിശാല്, ഐശ്വര്യ ലക്ഷ്മി എന്നിവരെ പ്രധാന കഥാപാത്രങ്ങളാക്കി ചെല്ല അയ്യാവു സംവിധാനം ചെയ്ത സ്പോര്സ് ഡ്രാമ ചിത്രം 'ഗാട്ട കുസ്തി 2' ജൂലൈ 3 ന് ആഗോള റിലീസായി തിയേറ്ററുകളിലെത്തും. ചിത്രം കേരളത്തിലെ തീയേറ്ററുകളില് എത്തിക്കുന്നത് E4 എന്റര്ടെയിന്മെന്റ് ആണ്. വമ്പന് ഹിറ്റായ ആദ്യ ഭാഗത്തിന്റെ തുടര്ച്ച ആയാണ് രണ്ടാം ഭാഗം എത്തുന്നത് എന്നാണ് ചിത്രത്തിന്റെ ടീസര് ഉള്പ്പെടെയുള്ളവ സൂചിപ്പിക്കുന്നത്. വേല്സ് ഫിലിം ഇന്റര്നാഷ്നലും വിഷ്ണു വിശാല് സ്റ്റുഡിയോസും ചേര്ന്നാണ് ചിത്രം നിര്മ്മിക്കുന്നത്.
വിഷ്ണു വിശാല്, ഐശ്വര്യ ലക്ഷ്മി എന്നിവര് അവതരിപ്പിക്കുന്ന വീരയുടെയും കീര്ത്തിയുടെയും അവരുടെ മകളുടെയും ഇടയില് ഉണ്ടാകുന്ന സംഭവ വികാസങ്ങളാണ് ചിത്രത്തിലൂടെ അവതരിപ്പിക്കുന്നത്. ഇതിനോടകം പുറത്ത് വന്ന ചിത്രത്തിലെ ഗാനങ്ങള് എല്ലാം തന്നെ സൂപ്പര് ഹിറ്റുകളായിട്ടുണ്ട്. ഐശ്വര്യ ലക്ഷ്മിയുടെ ഗംഭീര പ്രകടനമായിരുന്നു ചിത്രത്തിന്റെ ആദ്യ ഭാഗത്തിന്റെ ഹൈലൈറ്റ്. മലയാളിയായ പെണ്കുട്ടിയായാണ് ഐശ്വര്യ ചിത്രത്തില് വേഷമിട്ടത്.
ഹരീഷ് പേരടി, ശ്രീജ രവി, കരുണാസ്, കാളി വെങ്കട് എന്നിവരാണ് രണ്ടാം ഭാഗത്തിന്റെയും താരനിരയിലുള്ള ചിത്രത്തിന്റെ ആദ്യ ഭാഗത്തില് നിന്നുള്ള മറ്റ് അഭിനേതാക്കള്. രമ്യ കൃഷ്ണന്, മോക്ഷ എന്നിവരാണ് രണ്ടാം ഭാഗത്തില് പുതുതായി എത്തിയ താരങ്ങള്. യോഗി ബാബു, കരുണാകരന്, മുനിസ്കാന്ത്, സാറ എന്നിവരും ചിത്രത്തില് വേഷമിട്ടിട്ടുണ്ട്.
നിര്മ്മാണം: ഡോക്ടര് ഇഷാരി കെ ഗണേഷ്, വിഷ്ണു വിശാല്, കോ പ്രൊഡ്യൂസേഴ്സ് : ശുഭ്ര, ആര്യന് രമേശ്, ഇഷാന് സക്സേന, ഛായാഗ്രഹണം: കെ.എം. ഭാസ്കരന്, സംഗീതം: ഷോണ് റോള്ഡന് , എഡിറ്റര്: ഭരത് വിക്രമന്, ആര്ട്ട് ഡയറക്ടര്: ജയചന്ദ്രന്, കോസ്റ്റ്യൂം ഡിസൈനര്: രുചി മുനൊത്ത്, സബ്ടൈറ്റില്: സാജിദ് അലി, പബ്ലിസിറ്റി ഡിസൈനര് : വിയാക്കി, മാര്ക്കറ്റിംഗ് ആന്ഡ് പ്രൊമോഷന് : സിദ്ധാര്ഥ് ശ്രീനിവാസ്, പ്രൊഡക്ഷന് എക്സിക്യൂട്ടീവ് : ബി ജയ് ഗണേഷ്, എ ആര് ചന്ദ്രമോഹന്, എക്സിക്യൂട്ടീവ് പ്രൊഡ്യൂസര്: സീതാറാം, ക്രിയേറ്റീവ് പ്രൊഡ്യൂസര് : ശ്രാവന്തി സായ്നാഥ്, പിആര്ഒ : ശബരി
Premium Lifestyle and Entertainment website
പരിചയമുള്ള ആളുകളോടാണോടോ ഇങ്ങനെയുള്ള വൃത്തികേട് പറയുന്നത്; വിമര്ശിച്ചുള്ള കമന്റ് വന്നാല് മറുപടി നല്കാറുണ്ട്; പക്ഷെ അസഭ്യം പറഞ്ഞാല് അത് ശരിയല്ല; ഫേസ്ബുക്ക് പരസ്യത്തിന് താഴെ മോശം കമന്റിട്ടയാള്ക്കെതിരെ പരാതി നല്കി ലക്ഷ്മി മേനോന്; പൂട്ടി സൈബര് സെല്
ഏഴ് വര്ഷത്തെ കാത്തിരിപ്പിന് അവസാനം; 'ഇറ്റ്സ് എ ബോയ്'; അഭിശ്രീ കുടുംബത്തിലേക്ക് പുതിയ അതിഥി; അച്ഛനും അമ്മയുമായ സന്തോഷം പങ്കുവെച്ച് ബിഗ് ബോസ് താരം അഭിലാഷും ഭാര്യ ശ്രീക്കുട്ടിയും