ഭക്ഷണം കഴിക്കുന്നതിന് മുന്‍പ് പ്രാര്‍ത്ഥിച്ച് വിശാല്‍; തൊട്ടടുത്തിരുന്ന യോഗി ബാബുവിന്റെ കിടിലന്‍ എക്‌സ്പ്രഷന്‍; വീഡിയോ വൈറലാക്കി സോഷ്യല്‍ മീഡിയ

സിനിമാ താരങ്ങള്‍ എന്ത് ചെയ്താലും സോഷ്യല്‍ മീഡിയകളില്‍ അത് ട്രെന്‍ഡിങ് ആവാറുണ്ട്. അത്തരത്തില്‍ ഒരു വീഡിയോ ആണ് ഇപ്പോള്‍ ചര്‍ച്ചയാകുന്നത്. യോഗിബാബുവും വിശാലും ഭക്ഷണം കഴിക്കുന്നതിനിടെ വിശാല്‍ പ്രാര്‍ത്ഥിക്കുന്നതും, ഇത് കണ്ട് യോജിബാബുവിന്റെ മുഖത്ത് ഒരു റിയാക്ഷന്‍ വരുന്നതുമാണ് വിഡിയോയില്‍ ഉള്ളത്. സമൂഹ മാധ്യമങ്ങളില്‍ രസകരമായ ഈ വീഡിയോ ഇപ്പോള്‍ ട്രെന്‍ഡിങ് ആയികൊണ്ടിരിക്കുകയാണ്.

രത്‌നം എന്ന സിനിമയുടെ ഷൂട്ടിങ്ങിന് ഇടെയാണ് സംഭവം നടന്നതെന്നാണ് തമിഴ് മാധ്യമങ്ങള്‍ റിപ്പോര്‍ട്ട് ചെയ്യുന്നത്. എക്സില്‍ പ്രചരിച്ച വിഡിയോയ്ക്ക് നിരവധി കമന്റുകളാണ് വന്നുകൊണ്ടിരിക്കുന്നത്. രസകരമായ കമന്റും അതോടൊപ്പം തന്നെ വിദ്വേഷം നിറഞ്ഞ കമന്റും വീഡിയോയ്ക്ക് താഴെ വരുന്നുണ്ട്. യോഗി ബാബുവിനെ അനുകൂലിച്ചുകൊണ്ട് പലരും അഭിപ്രായം പറയുമ്പോള്‍, വിശാലിന്റെ വിശ്വാസത്തെ പുച്ഛിക്കുന്ന തരത്തിലുള്ള മുഖഭാവമാണ് യോഗി ബാബുവിന്റേത് എന്നും വിമര്‍ശങ്ങള്‍ ഉയരുന്നു.

തമിഴകത്തെ ഇപ്പോഴത്തെ തിരക്കിട്ട ഹാസ്യ നടനാണ് യോഗി ബാബു. രത്‌നത്തിന് പുറമേ വിജയ് നായകനാകുന്ന ദ ഗോട്ട് അടക്കം ചിത്രങ്ങളിലും യോഗി ബാബു അഭിനയിക്കുന്നുണ്ട്. മാര്‍ക്ക് ആന്റണി എന്ന ചിത്രത്തിന്റെ വിജയത്തിന് ശേഷം വിശാല്‍ നായകനായി എത്തുന്ന ചിത്രമാണ് രത്‌നം. ഇതിന്റെ ഷൂട്ടിംഗ് അന്തിമഘട്ടത്തിലാണ്.