2019 ഓസ്‌കറിലേക്ക് ഇന്ത്യയുടെ ഔദ്യോഗിക എന്‍ട്രിയായി റിമാ ദാസിന്റെ വില്ലേജ് റോക്ക്സ്റ്റാര്‍. 2017ല്‍ പുറത്തിറങ്ങിയ ആസാമീസ് ചിത്രം, മികച്ച ഫീച്ചര്‍ ചിത്രത്തിനുള്ള ദേശീയ പുരസ്‌കാരവും നിരവധി അന്താരാഷ്ട്ര പുരസ്‌കാരങ്ങളും നേടിയിട്ടുണ്ട്. മികച്ച ബാലതാരം, മികച്ച ലൊക്കേഷന്‍ സൗണ്ട് റെക്കോര്‍ഡിസ്റ്റ്, മികച്ച എഡിറ്റിംഗ് എന്നീ ദേശീയ പുരസ്‌കാരങ്ങളും ചിത്രത്തിന് ലഭിച്ചിരുന്നു.
റിമ ജനിച്ചുവളര്‍ന്ന ചയ്‌ഗോന്‍ ഗ്രാമത്തില്‍ തന്നെയാണ് വില്ലേജ് റോക്സ്റ്റാര്‍ ചിത്രീകരിച്ചിരിക്കുന്നത്. സ്വന്തമായി ഒരു ഗിറ്റാര്‍ വാങ്ങാനും റോക്ബാന്‍ഡ് തുടങ്ങാനും സ്വപ്നം കാണുന്ന പെണ്‍കുട്ടിയുടെ കഥയാണ് സിനിമ പറയുന്നത്.
ആസാമിന്റെ ജീവിതം തുറന്നുകാണിക്കുന്ന ചിത്രം കൂടിയാണ് വില്ലേജ് റോക്ക്സ്റ്റാര്‍. ആസാമില്‍ അടിക്കടി വരുന്ന പ്രളയം, മഴക്കെടുതി, ഗ്രാമങ്ങളിലെ പട്ടിണി തുടങ്ങി നിരവധി കാര്യങ്ങള്‍ സിനിമയില്‍ ചര്‍ച്ച ചെയ്യുന്നുണ്ട്. മൂന്ന് വര്‍ഷമാണ് റിമ സിനിമ ചിത്രീകരിക്കാനായി എടുത്തത്. ചിത്രത്തില്‍ ഭാനിത എന്ന പെണ്‍കുട്ടിയാണ് കേന്ദ്രകഥാപാത്രത്തെ അവതരിപ്പിച്ചിരിക്കുന്നത്.
Premium Lifestyle and Entertainment website
നടി സബീറ്റ പിറന്നാൾ ആഘോഷിച്ചത് ഇങ്ങനെ; ചക്കപ്പഴത്തിലെ അമ്മൂമ്മയോടൊപ്പം സന്തോഷത്തോടെ കേക്ക് മുറിച്ചു; സ്നേഹം തുളുമ്പുന്ന വീഡിയോ പങ്കുവച്ച് താരം
മൂകാംബിക അമ്മയെ തൊഴുത് ഒഴിഞ്ഞ മനസ്സുമായി സരസ്വതി മണ്ഡപത്തിലിരിക്കുമ്പോള്‍ വന്ന ആദ്യത്തെ ഫോണ്‍;കൊച്ചിന്‍ ഹനീഫ ലൈഫ് ടൈം അച്ചീവ്‌മെന്റ്റ് അവാര്‍ഡ് ലഭിച്ച സന്തോഷം ഹരിഷ് പേരടി കുറിച്ചതിങ്ങനെ