ക്ലീന്‍ യു സര്‍ട്ടിഫികറ്റുമായി ചാക്കോച്ചന്‍ ചിത്രം  'തട്ടുംപുറത്ത് അച്യുതന്‍' ഡിസംബര്‍ 22 ന് തീയേറ്ററുകളിലേക്കെത്തുന്നു..!

മലയാളികളുടെ ഇഷ്ടതാരം കുഞ്ചാക്കോ ബോബന്റെ പുതിയ ചിത്രം ഡിസംബര്‍ 22 ന് തീയേറ്ററുകളിലേക്ക്. ലാല്‍ ജോയ് സംവിധാനം ചെയ്ത ചിത്രത്തിന് ക്ലീന്‍ യു സര്‍ട്ടിഫിക്കറ്റാണ് ലഭിച്ചിരിക്കുന്നത്. ഗ്രാമീണ പശ്ചാത്തലത്തില്‍ കഥ പറയുന്ന പ്രണയ ഹാസ്യ  കുടുംബ ചിത്രമാണ്  'തട്ടുംപുറത്ത് അച്യുതന്‍'. പുതുമുഖമാണ് നായിക. വിജയരാഘവന്‍, നെടുമുടി വേണു,ഹരീഷ് കണാരന്‍, കൊച്ചു പ്രേമന്‍, രാജേഷ്  എന്നിവരും മുഖ്യവേഷങ്ങളിലെത്തുന്നുണ്ട്.

'എല്‍സമ്മ എന്ന ആണ്‍കുട്ടി', 'പുള്ളിപ്പുലികളും ആട്ടിന്‍കുട്ടിയും' എന്ന ചിത്രത്തിന് ശേഷം ലാല്‍ ജോസ് കുഞ്ചാക്കോ ബോബനെ നായകനാക്കി ഒരുക്കുന്ന ചിത്രം കൂടിയാണിത്. ഈ രണ്ട് ചിത്രങ്ങളുടെയും തിരക്കഥ ഒരുക്കിയ സിന്ധുരാജ് തന്നെയാണ് തട്ടുംപുറത്ത് അച്യുതന്റേയും തിരക്കഥ ഒരുക്കിയിരിക്കുന്നത്. 

പുള്ളിപ്പുലികളുടെ നിര്‍മ്മാതാവായ ഷെബിന്‍ ബക്കര്‍ തന്നെയാണ് ഈ ചിത്രത്തിന്റെയും നിര്‍മ്മാണം.ഒരു വര്‍ഷത്തെ ഇടവേളയ്ക്ക് ശേഷമാണ് ലാല്‍ ജോസ് പുതിയ സിനിമയുടെ പ്രവര്‍ത്തനങ്ങളില്‍ സജീവമാകുന്നത്.