വിവാഹത്തിന് മുന്‍പ് രണ്ട് തവണ ഐവിഎഫ് ചികിത്സയ്ക്ക് വിധേയയായി; വിവാഹത്തിന് മുന്‍പ് അമ്മയാകണമെന്ന് ആഗ്രഹം; ബോളിവുഡ് നടി സ്വര ഭാസ്‌കറിന്റെ വെളിപ്പെടുത്തല്‍ ഇങ്ങനെ

വിവാഹത്തിനു മുന്‍പ് അമ്മയാവാന്‍ വേണ്ടി ഐവിഎഫ് ചെയ്തിട്ടുണ്ടെന്ന് തുറന്നു പറഞ്ഞ് ബോളിവുഡ് നടി സ്വര ഭാസ്‌കര്‍. റിയാലിറ്റി ഷോ ആയ റൈസ് ആന്‍ഡ് ഫോള്‍ സീസണ്‍ 2ലായിരുന്നു താരത്തിന്റെ വെളിപ്പെടുത്തല്‍. വിവാഹം കഴിച്ചില്ലെങ്കിലും അമ്മയായി കുടുംബമായി ജീവിക്കാന്‍ ആഗ്രഹിച്ചിരുന്നു എന്നാണ് സ്വര ഭാസ്‌കര്‍ പറഞ്ഞത്.

വിവാഹം കഴിക്കുന്നതിന് മുമ്പ് തന്നെ താന്‍ അമ്മയാകാന്‍ ശ്രമിച്ചിരുന്നുവെന്നാണ് സ്വര പറയുന്നത്. ഇതിനായി രണ്ട് തവണ ഐവിഎഫ് ചികിത്സ നടത്തിയതായും സ്വര പറയുന്നു. വിവാഹം എന്നൊന്ന് ജീവിതത്തിലുണ്ടാകില്ലെന്ന് സ്വര തീരുമാനിച്ചിരുന്നു. പക്ഷെ അമ്മായാവുകയെന്നത് സ്വരയുടെ സ്വപ്നമായിരുന്നു.അങ്ങനെയാണ് വിവാഹം കഴിക്കാതെ തന്നെ സ്വര അമ്മയാകാന്‍ തീരുമാനിക്കുന്നത്. തന്റെ അച്ഛനേയും അമ്മയേയും സമ്മതിപ്പിച്ചതിനെക്കുറിച്ചും സ്വര സംസാരിക്കുന്നുണ്ട്.

''ഞാന്‍ ഐവിഎഫ് ചെയ്യാന്‍ ഓക്കെയായിരുന്നു. അച്ഛനേയും അമ്മയേയും സമ്മതിപ്പിച്ചിരുന്നു. എന്റെ കല്യാണം നടക്കില്ല, ഐവിഎഫിലൂടെ അമ്മയാകാമെന്ന് കരുതി. പാവം എന്റെ അച്ഛനും അമ്മയും ഇത് വലിയ വെല്ലുവിളിയാണ്, പക്ഷെ നിന്റെ ഇഷ്ടത്തിനൊപ്പം നില്‍ക്കുമെന്ന് പറഞ്ഞു'' എന്നാണ് സ്വര പറഞ്ഞത്.

പിന്നാലെ താന്‍ രണ്ട് തവണ ഐവിഎഫ് ചികിത്സ നടത്തിയെന്നാണ് താരം പറയുന്നത്. ''എനിക്ക് ഒരു കുഞ്ഞിനെ വേണമായിരുന്നു. ഞാന്‍ രണ്ട് തവണ ഐവിഎഫ് ചെയ്തു. പക്ഷെ പരാജയപ്പെട്ടു'' എന്നാണ് താരം പറയുന്നത്. പിന്നീട് 2023 ല്‍ രാഷ്ട്രീയ പ്രവര്‍ത്തകനായ ഫഹദ് അഹമദിനെ സ്വര വിവാഹം കഴിച്ചു. പിന്നാലെ 2023 സെപ്റ്റംബര്‍ 23 ഇരുവരുടേയും മകള്‍ റാബിയ രാമ അഹ്മദ് ജനിച്ചു.