ഇന്റിമേറ്റ് സീനുകളില്‍ അയാള്‍ എന്നോട് മോശമായാണ് പെരുമാറിയത്; തമിഴ് സൂപ്പര്‍ താരം അര്‍ജ്ജുനെതിരെ കൂടുതല്‍ വെളിപ്പെടുത്തലുകളുമായി ശ്രുതി ഹരിഹരന്‍

തമിഴ് സൂപ്പര്‍ താരം അര്‍ജുനെതിരെ കൂടുതല്‍ വെളിപ്പെടുത്തലുകളുമായി നടി ശ്രുതി ഹരിഹരന്‍ വീണ്ടും രംഗത്ത്. നിപുണന്‍ എന്ന സിനിമയുടെ സെറ്റില്‍ വെച്ച് അര്‍ജുന്‍ തന്നോട് മോശമായി പെരുമാറിയെന്ന് ശ്രുതി കുറച്ചു നാളുകള്‍ക്ക് മുമ്പ് മീടു വിലൂടെ ആരോപിച്ചിരുന്നു.ആ ആരോപണത്തെക്കുറിച്ചുള്ള കൂടുതല്‍ വെളിപ്പെടുത്തലുകളാണ് താരം കഴിഞ്ഞ ദിവസം നടത്തിയത്.നിപുണന്‍ എന്ന സിനിമയില്‍ അര്‍ജുന്റെ ഭാര്യയുടെ വേഷമാണ് ഞാന്‍ ചെയ്തത്. ഇന്റിമേറ്റ് സീനുകളില്‍ അയാള്‍ എന്നോട് മോശമായാണ് പെരുമാറിയത്. നേരത്തെ പലര്‍ക്കൊപ്പവും അത്തരം രംഗങ്ങള്‍ ഞാന്‍ ചെയ്തിട്ടുണ്ട്. അപ്പോഴൊന്നും എനിക്ക് ഇങ്ങനെ തോന്നിയിട്ടില്ല. ഈ വ്യക്തിയുടെ ഉദ്ദേശം മോശമാണെന്ന് എനിക്ക് തോന്നി.' ശ്രുതി പറയുന്നു.

എന്തു കൊണ്ടാണ് ഇപ്പോള്‍ ഇതു പറയുന്നത് എന്തുകൊണ്ട് ഞാന്‍ ഇത് നേരത്തേ പറഞ്ഞില്ല എന്ന് പലരും ചോദിക്കുന്നുണ്ട്. ശരിയാണ് അന്നേ എനിക്ക് പറയാമായിരുന്നു. ഞാന്‍ സംവിധായകനോട് പറയുകയും ചെയ്തിരുന്നു. പക്ഷേ സിനിമയോടുള്ള സ്‌നേഹം കൊണ്ടും ഞാന്‍ കാരണം ഒരു പ്രതിസന്ധി ഉണ്ടാകരുതല്ലോ എന്നോര്‍ത്തും സഹകരിച്ചു.പക്ഷേ ഞാന്‍ അസ്വസ്ഥയായിരുന്നു. സ്ത്രീകള്‍ ഇപ്പോഴും ഇതേക്കുറിച്ച് സംസാരിക്കാന്‍ തയ്യാറാകത്തത് എന്നെ വിഷമിപ്പിക്കുന്നു. ഒരുപാട് ആലോചിച്ചതിന് ശേഷമാണ് എല്ലാം തുറന്ന് പറഞ്ഞത്. ഇപ്പോള്‍ എനിക്ക് മനസ്സമാധാനം ഉണ്ട്. ' ശ്രുതി പറഞ്ഞു.

നിപുണന്‍ സിനിമയിലെ ഒരു രംഗത്തില്‍ അര്‍ജുന്റെ കഥാപാത്രം ശ്രുതിയെ ആലിംഗനം ചെയ്യുന്നുണ്ട്. ആ സമയത്ത് അര്‍ജുന്‍ മോശമായ രീതിയില്‍ തന്നെ സ്പര്‍ശിച്ചുവെന്നാണ് താരം ആരോപിക്കുന്നത്....