വിജയ് നായകനായി 2002-ല്‍ പുറത്തിറങ്ങിയ 'യൂത്ത്' എന്ന ചിത്രത്തിലെ സൂപ്പര്‍ഹിറ്റ് ഗാനമായ 'ആള്‍ത്തോട്ട ഭൂപതി'ക്ക് സിമ്രാന്‍ ചുവടുവെച്ച വീഡിയോ സോഷ്യല്‍ മീഡിയയില്‍ തരംഗമാകുന്നു. ചിത്രം തീയേറ്ററുകളില്‍ എത്തി 24 വര്‍ഷങ്ങള്‍ക്കു ശേഷമാണ് നടി ഈ ഗാനത്തിലെ ചുവടുകള്‍ വീണ്ടും പുനരാവിഷ്‌കരിക്കുന്നത്.
ലണ്ടനില്‍ വെച്ച് സഹനര്‍ത്തകര്‍ക്കൊപ്പമാണ് സിമ്രാന്‍ ഈ ഗാനം അവതരിപ്പിച്ചത്. '24 വര്‍ഷങ്ങള്‍ക്ക് ശേഷം ലണ്ടന്‍കാര്‍ക്കൊപ്പം താളം പിടിക്കുന്നു' എന്ന അടിക്കുറിപ്പോടെയാണ് നടി വീഡിയോ പങ്കുവെച്ചത്. നിലവില്‍ ഇന്‍സ്റ്റഗ്രാമില്‍ മാത്രം ഈ വീഡിയോയ്ക്ക് മൂന്ന് മില്യണിലധികം കാഴ്ചക്കാരെ ലഭിച്ചിട്ടുണ്ട്. നിരവധി പ്രമുഖ താരങ്ങളും സിനിമാ രംഗത്തുള്ളവരും ആരാധകരും വീഡിയോക്ക് അഭിനന്ദനങ്ങളുമായി രംഗത്തെത്തിയിട്ടുണ്ട്.
ചിന്മയിയുടെ 'ഐക്കോണിക്' എന്ന പ്രശംസ ഏറെ ശ്രദ്ധിക്കപ്പെട്ടു. മറ്റുചിലര്‍ സിമ്രാനെ ഒരു ഇതിഹാസമായി വിശേഷിപ്പിക്കുകയും വിജയ്യോടൊപ്പം വീണ്ടും ഈ ഗാനത്തിന് ചുവടുവെക്കാന്‍ അവസരമുണ്ടാകുമെന്ന പ്രതീക്ഷ പങ്കുവെക്കുകയും ചെയ്തു. ഈ ഗാനം ഇപ്പോഴും പ്രേക്ഷക ഹൃദയങ്ങളില്‍ എത്രത്തോളം സ്വാധീനം ചെലുത്തുന്നുണ്ടെന്ന് ആരാധകരുടെ പ്രതികരണങ്ങള്‍ വ്യക്തമാക്കുന്നു.
സിമ്രാന്‍ ഒരു മികച്ച നര്‍ത്തകിയാണെന്നും ഈ പാട്ടിനോടുള്ള അവരുടെ ആവേശം ഒരിക്കലും അവസാനിക്കുന്നില്ലെന്നും പലരും കമന്റ് ചെയ്തു. പലരും ഈ ഗാനവുമായി ബന്ധപ്പെട്ട തങ്ങളുടെ പഴയ ഓര്‍മ്മകളും പങ്കുവെക്കുന്നുണ്ട്. 'മാഡം, നിങ്ങള്‍ ഒരു ഇതിഹാസമാണ്. നിങ്ങളും വിജയ് സാറും ഒരിക്കല്‍ കൂടി ഈ ഗാനത്തിന് ഒരുമിച്ച് നൃത്തം ചെയ്യുമെന്ന് പ്രതീക്ഷിക്കുന്നു'വെന്നാണ് മറ്റൊരാള്‍ പ്രതികരിച്ചത്.
Premium Lifestyle and Entertainment website
ഉപ്പും മുളകിലേക്ക് ലെച്ചുവിന്റെ ഭര്‍ത്താവായി എത്തുക പുതിയ താരം; ഡെയ്ന്‍ ഡേവിസിന് പകരം സിദ്ധാര്‍ത്ഥായി എത്തുക തട്ടിംമുട്ടിയിലൂടെ ശ്രദ്ധ നേടിയ സിദ്ധാര്‍ത്ഥ് പ്രഭുവോ? ചര്‍ച്ചയായി പ്രമോ വീഡിയോ
തൊലിയുടെ നിറമോ, രൂപ സൗന്ദര്യമോ അല്ല; കലയില്‍ മുഴുകാനുള്ള അഭിനയത്തോടുള്ള സമര്‍പ്പമാണ് മാനദണ്ഡം; വിവാദങ്ങള്‍ക്ക് മറുപടിയുമായി മാരി സെല്‍വരാജ്