അവാര്‍ഡ് ലഭിച്ചതില്‍ സന്തോഷമുണ്ട്; ഇതിനുമുമ്പും പുരസ്‌കാരം ലഭിച്ചിട്ടുണ്ട്; പക്ഷേ ഈ പുരസ്‌കാരം എന്റെ മരണപ്പെട്ട പിതാവിന് സമര്‍പ്പിക്കുന്നു; നടന്‍ ഷമ്മി തിലകന്‍  

49-ാമത് ചലച്ചിത്ര അവാര്‍ഡ് പ്രഖ്യാപിച്ചപ്പോള്‍ മികച്ച ഡബ്ബിങ് ആര്‍ട്ടിസ്റ്റുനുളള പുരസ്‌കാരം കരസ്ഥമാക്കിയത് നടന്‍ ഷമ്മി തിലകനായിരുന്നു. ഒടിയന്‍ എന്ന ചിത്രത്തില്‍ നടന്‍ പ്രകാശ് രാജിന് ശബ്ദം നല്‍കിയതിലൂടെയാണ് ഷമ്മിയ്ക്ക് ഈ അവാര്‍ഡ് ലഭിച്ചത്. ഇതിനും മുന്‍പും തനിയ്ക്ക് നിരവധി അവാര്‍ഡ് ലഭിച്ചിട്ടുണ്ടെന്നും എന്നാല്‍ ഈ പുരസ്‌കാരം അച്ഛന്‍ തിലകനായി സമര്‍പ്പിക്കുന്നവെന്നും താരം പറഞ്ഞു. പ്രമുഖ മാധ്യമത്തിനു നല്‍കിയ അഭിമുഖത്തിലാണ് താരം ഇക്കാര്യം പറഞ്ഞത്

അവാര്‍ഡ് ലഭിച്ചതില്‍ സന്തോഷമുണ്ട്. ഈ സിനിമ ചെയ്യാന്‍ കാരണം എന്റെ അച്ഛനാണ്. അച്ഛനോടുള്ള താല്‍പര്യത്താല്‍ ഞാന്‍ ചെയ്തതാണത്. അച്ഛനു സമര്‍പ്പിക്കുന്നു. പുരസ്‌കാരം ലഭിക്കാനായോ മറ്റെന്തെങ്കിലും നേട്ടത്തിനുവേണ്ടി ചെയ്തതല്ല ആ ചിത്രം എന്നും ഷമ്മി തിലകന്‍ പ്രതികരിച്ചു. ആ ഡബ്ബിങ് ചെയ്തപ്പോള്‍ മനസില്‍ ഒരു കാര്യം തോന്നിയിരുന്നു അഹങ്കാരമാണെന്നൊക്കെ പറയാം, ഇതിനു ് അവാര്‍ഡ് തന്നില്ലെങ്കില്‍ പിന്നേതിനാണ് അവാര്‍ഡ് തരേണ്ടത് എന്ന ചിന്ത ഉണ്ടായിരുന്നു എന്നും ഷമ്മി കൂട്ടിച്ചേര്‍ത്തു.

ഒടിയന്‍ സിനിമയുടെ സംവിധായകന്‍ തന്നെ കെട്ടിപ്പിടിച്ച് ഉമ്മവെച്ച് പറഞ്ഞിട്ടുണ്ട് ആ ഡബ്ബിങ് കഴിഞ്ഞ ശേഷം, ചേട്ടാ ഇപ്പോഴാണ് പ്രകാശ് രാജിന്റെ ക്യാരക്ടര്‍ ക്യാരക്ടറായത് .പ്രകാശ് രാജ് മാത്രമല്ല ആ കഥാപാത്രത്തില്‍ അഭിനയിക്കുന്നത് രണ്ട് നടന്മാരാണെന്നും ശ്രീകുമാര്‍ പറഞ്ഞു. ആ ഒരു  സംഭവം ആലോചിക്കുമ്പോള്‍ ഇപ്പോഴും അഭിമാനം തോന്നുന്നു എന്നും ഷമ്മി വ്യക്തമാക്കി.