ബോളിവുഡ് ചിത്രം 'പരം സുന്ദരി' കേരളത്തെയും മലയാളികളെയും വളരെ മോശമായി ചിത്രീകരിക്കുന്നുവെന്ന് സംവിധായകന്‍ രഞ്ജിത്ത് ശങ്കര്‍. തുഷാര്‍ ജലോട്ട സംവിധാനം ചെയ്ത ചിത്രത്തില്‍ ജാന്‍വി കപൂര്‍ നായികയായെത്തുന്നു. കേരളത്തെക്കുറിച്ചുള്ള തെറ്റിദ്ധാരണാജനകമായ അവതരണമാണ് സിനിമയുടെ പ്രധാന പ്രശ്‌നമെന്ന് അദ്ദേഹം ചൂണ്ടിക്കാട്ടി.
'മൊബൈല്‍ ഡേറ്റയോ, ഇന്റര്‍നെറ്റോ, പരിണാമമോ ഇല്ലാത്ത ഒരു സ്ഥലമായാണ് സിനിമയില്‍ കേരളത്തെ കാണിക്കുന്നത്. എന്നാല്‍ യാഥാര്‍ത്ഥ കേരളം ഇതിനേക്കാള്‍ വളരെ മുന്നോട്ട് പോയിരിക്കുന്നു. കാലത്തിനനുസരിച്ച് സിനിമകളും മാറേണ്ട സമയം അതിക്രമിച്ചിരിക്കുന്നു,' രഞ്ജിത്ത് ശങ്കര്‍ സാമൂഹിക മാധ്യമങ്ങളില്‍ കുറിച്ചു. റൊമാന്റിക് കോമഡി വിഭാഗത്തിലുള്ള ഈ ചിത്രത്തില്‍ ജാന്‍വി കപൂര്‍ ഒരു മലയാളി പെണ്‍കുട്ടിയുടെ വേഷത്തിലാണ് എത്തുന്നത്.
ചിത്രത്തിന്റെ ട്രെയിലറുകളും ഗാനങ്ങളും പുറത്തിറങ്ങിയപ്പോള്‍ മുതലേ ജാന്‍വിയുടെ മലയാളം ഡയലോഗുകളും ബോളിവുഡിന്റെ മലയാളി സങ്കല്‍പ്പവും വ്യാപകമായ ട്രോളുകള്‍ക്ക് ഇരയായിരുന്നു. ഇതിന് പിന്നാലെയാണ് സംവിധായകന്റെ രൂക്ഷ വിമര്‍ശനം.
നേരത്തെ, ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിച്ച നടന്‍ രണ്‍ജി പണിക്കര്‍ ഈ വിമര്‍ശനങ്ങളെ പ്രതിരോധിച്ചിരുന്നു. സിനിമ മലയാളികളെ അപമാനിക്കാനോ മോശമായി ചിത്രീകരിക്കാനോ ഉദ്ദേശിച്ചുള്ളതല്ലെന്ന് അദ്ദേഹം പറഞ്ഞിരുന്നു. 'ഇതൊരു വിനോദ ചിത്രമാണ്. മറ്റു ഭാഷകള്‍ പറയുമ്പോള്‍ ഉണ്ടാകുന്ന പ്രശ്‌നങ്ങളെപ്പോലെയാണ് മലയാളം പറഞ്ഞപ്പോഴും ഉണ്ടായിട്ടുള്ളത്. ഇതിന്റെ ലക്ഷ്യം മലയാളികളല്ല, അതിനാല്‍ ഇതിന് വംശീയപരമായ യാതൊരു ഉദ്ദേശ്യവുമില്ല,' രണ്‍ജി പണിക്കര്‍ വ്യക്തമാക്കിയിരുന്നു.
Premium Lifestyle and Entertainment website
കേച്ചേരിയ്ക്ക് അടുത്ത പട്ടിക്കര എന്ന കുഗ്രാമത്തില്‍ നിന്നും സിനിമയിലേക്ക് ബസ്സ് പിടിക്കുമ്പോള്‍, നെഞ്ചില്‍ ജ്വലിച്ചുനിന്നത് അഭിനയത്തോടുള്ള അടങ്ങാത്ത മോഹം;സിനിമയില്‍ ബന്ധങ്ങളോ പരിചയക്കാരോ ഇല്ല'; സിനിമ ജീവിതത്തിലെ അനുഭവങ്ങള്‍ പങ്കുവെച്ച് ഇര്‍ഷാദ് അലിയുടെ കുറിപ്പ്
റൂമില്‍ സ്റ്റൂള്‍ ഉണ്ടായിരുന്നില്ല; കഴുത്തില്‍ ചെയിന്‍ മുറുകിയ പാട്;സുശാന്തിന്റെ കഴുത്തിലുണ്ടായിരുന്നത് തുണി മുറുകിയ അടയാളമല്ല; വെളിപ്പെടുത്തലുകളുമായി സഹോദരി