ഇഷ്ടനായികയെ കണ്ട സന്തോഷത്തില്‍ പൊട്ടികരഞ്ഞ് ആരാധകന്‍; തന്റെ പേര് കൈയ്യില്‍ പച്ച കുത്തിയത് കണ്ട് ഞെട്ടി നയന്‍സ്; സോഷ്യല്‍ മീഡിയയില്‍ തരംഗമായ വീഡിയോ കാണാം

മലയാളസിനിമാരംഗത്ത് അരങ്ങേറ്റം കുറിച്ച് തെന്നിന്ത്യന്‍ സിനിമാലോകം അടക്കി വാഴുന്ന നായികയാണ് നയന്‍താര. ലേഡി സൂപ്പര്‍ സൂപ്പര്‍ എന്ന് സിനിമാലോകം നയന്‍താരയ്ക്ക പേരിട്ടത് തന്നെ അതുകൊണ്ടാണ്. ഇഷ്ടനായികയോടുള്ള ആരാധകന്റെ സന്തോഷം വെളിവാക്കുന്ന വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ തരംഗമാകുന്നത്.
 

പുതിയ ചിത്രം കൊലമാവ് കോകിലയുടെ പ്രമോഷനുമായി ബന്ധപ്പെട്ട് ചാനല്‍ പരിപാടിയില്‍ നയന്‍താര പങ്കെടുത്തിരുന്നു. നയന്‍താരയുടെ കടുത്ത ആരാധകരെയായിരുന്നു പരിപാടിയില്‍ കാണികളായി ക്ഷണിച്ചിരുന്നത്. നയന്‍താരയെ നേരിട്ടുകണ്ട ആരാധകന്‍ പൊട്ടിക്കരയുകയായിരുന്നു. 

നയന്‍താരയ്ക്കും അത്രയും തീവ്രമായി സ്‌നേഹിക്കുന്ന ആരാധകന്‍ തന്നെ കണ്ടതിലുളള സന്തോഷം അടക്കാനാവാതെ പൊട്ടിക്കരഞ്ഞ വീഡിയോ ആണ് ഇപ്പോള്‍ വൈറലാകുന്നത്. ഇത് കണ്ട് വാ പൊളിച്ചിരിക്കുകയാണ് നയന്‍താര.  മാധ്യമങ്ങളിലോ ചാനലുകളിലോ പ്രത്യക്ഷപ്പെടാന്‍ മടിക്കുന്ന നയന്‍താര കൊലമാവ് കോകിലയെന്ന സിനിമയുടെ പ്രമോഷന് വേണ്ടി പങ്കെടുത്ത ചാനല്‍ പരിപാടിയിലാണ് ഈ സംഭവം.

.നയന്‍താരയുടെ കടുത്ത ആരാധകരെ പങ്കെടുപ്പിച്ചായിരുന്നു ചാനലില്‍ പരിപാടി ആസൂത്രണം ചെയ്തത്. ഈ കൂട്ടത്തിലുണ്ടായിരുന്ന ഒരാളാണ് നയന്‍താരയെ കണ്ട് പൊട്ടിക്കരഞ്ഞത്. തന്റെ പേര് കൈയ്യില്‍ പച്ച കുത്തിയത് കണ്ട് ശരിക്കും നയന്‍സ് അമ്പരന്നുപോയി.