ആലിയ ഭട്ടിനും രണ്‍ബിര്‍ കപൂറിനും റാഹയ്ക്കുമൊപ്പം ഹോളി ആഘോഷിച്ച് നടി നദിയ മൊയ്തു. തന്റെ ഹോളി ആഘോഷത്തിന്റെ വീഡിയോയാണ് നദിയ ഇപ്പോള്‍ സോഷ്യല്‍ മീഡിയയില്‍ പങ്കുവച്ചിരിക്കുന്നത്. എല്ലാവര്‍ക്കും ഹോളി ആശംസകള്‍ നേര്‍ന്നു കൊണ്ടാണ് നദിയ വീഡിയോ പങ്കുവച്ചിരിക്കുന്നത്.
നദിയ പങ്കുവച്ച ഹോളി ആഘോഷവീഡിയോയില്‍ രണ്‍ബീര്‍ കപൂറിനെയും ആലിയയേയും മകള്‍ റാഹയേയും കാണാം.രണ്‍ബീറിന്റെയും ആലിയയുടെയും കവിളില്‍ വര്‍ണ്ണപ്പൊടികള്‍ തേയ്ക്കുന്ന നദിയയെ ആണ് വീഡിയോയില്‍ കാണാനാവുക. നാനിയ്ക്ക് ഒപ്പം നില്‍ക്കുന്ന കുഞ്ഞു റാഹയേയും വീഡിയോയില്‍ കാണാം.
മുംബൈയില്‍ കുടുംബത്തോടൊപ്പം താമസിക്കുകയാണ് നദിയ. 1988 ല്‍ ഷിരിഷ് ഗോദ്‌ബോലെയുമായി വിവാഹിതയായ നദിയ 2007 കാലഘട്ടം വരെ വിദേശത്താണ് താമസിച്ചിരുന്നത്. പിന്നീട് 2008 ലാണ് മുംബൈയില്‍ തിരിച്ചെത്തിയത്. ഫാസിലിന്റെ സംവിധാനത്തില്‍ ഒരുങ്ങിയ 'നോക്കത്താ ദൂരത്ത് കണ്ണുംനട്ട്' എന്ന ചിത്രത്തിലൂടെയാണ് നദിയ സിനിമാലോകത്തെത്തുന്നത്.
മലയാളം, തമിഴ്, തെലുങ്ക് എന്നീ ഭാഷകളില്‍ അറുപത്തോളം സിനിമകളില്‍ നദിയ അഭിനയിച്ചിട്ടുണ്ട്. വിവാഹ ശേഷം വിദേശത്തേയ്ക്കു പോയ നദിയ പിന്നീട് 2004 ല്‍ പുറത്തിറങ്ങിയ തമിഴ് ചിത്രം 'എം കുമരന്‍ സണ്‍ ഓഫ് മഹാലക്ഷ്മി' യിലൂടെയാണ് തിരിച്ചുവരുന്നത്.'വണ്ടര്‍ വുമണ്‍' ആണ് അവസാനമായി പുറത്തിറങ്ങിയ നദിയയുടെ മലയാള ചിത്രം.
Premium Lifestyle and Entertainment website
ഞാന്‍ ചോദിച്ച പണം അവര്‍ തന്നു; ഗാനം ഒഴിവാക്കിയതൊന്നും എന്നെ ബാധിക്കുന്ന കാര്യമല്ല; 'മാര്‍ക്കോ' ഗാന വിവാദത്തില്‍ പ്രതികരിച്ച് ഡബ്സി
മതവികാരം വ്രണപ്പെടുത്തി എന്ന ആക്ഷേപം; ടര്‍ക്കിഷ് തര്‍ക്കം തിയേറ്ററില്‍ നിന്ന് പിന്‍വലിക്കുന്നതായി അണിയറ പ്രവര്‍ത്തകര്‍; തിയേറ്ററില്‍ പൊളിഞ്ഞുപോയ ഒരു സിനിമയെ രക്ഷപ്പെടുത്താന്‍ വേണ്ടി മനപൂര്‍വ്വം സൃഷ്ടിച്ചെടുത്ത ആരോപണമെന്ന് വി ടി ബല്‍റാം