തമിഴ് സിനിമയില്‍ വ്യത്യസ്തമായ കഥാപറച്ചിലിലൂടെ ശ്രദ്ധ നേടിയ സംവിധായകന്‍ പ്രഭു ജയറാം, തന്റെ ഡെബ്യൂ ചിത്രമായ ''എന്നങ്ക സാര്‍, ഉങ്ഗ സട്ടം'' വഴി OTT ലോകത്ത് വലിയ ഹിറ്റൊരുക്കിയ ശേഷമാണ് പുതിയ ചിത്രം 'My Dear Sister' മായി എത്തുന്നത്. അരുണ്‍ നിധി - മംത മോഹന്‍ദാസ് ജോടിയെ ഒന്നിപ്പിക്കുന്ന മൈ ഡിയര്‍ സിസ്റ്റര്‍ ന്റെ മനോഹരമായ ഫസ്റ്റ് ലുക്ക് പോസ്റ്റര് അണിയറ പ്രവര്‍ത്തകര്‍ പുറത്തുവിട്ടു.
പോസ്റ്ററില്‍, നീതി തുലാസിനെ പ്രതീകാത്മകമായി അവതരിപ്പിച്ചുകൊണ്ട്, ഇരുവരും ഇരിക്കുന്നതും അവരുടെ ഇടയില്‍ നിലകൊള്ളുന്ന ആശയവ്യത്യാസങ്ങളും ബന്ധത്തിലെ ടെന്‍ഷനുകളും വളരെ കലാ പരമായി ചിത്രീകരിച്ചിരിക്കുന്നു. പോസ്റ്ററില്‍ ഉള്‍പ്പെടുത്തിയിരിക്കുന്ന 'Justice Has No Gender' എന്ന ടാഗ്ലൈന്‍ ചിത്രത്തിന്റെ മുഖ്യ ആശയത്തെ ശക്തമായി സൂചിപ്പിക്കുന്നു.
പ്രഭു ജയറാം എഴുതിയും സംവിധാനം ചെയ്തിരിക്കുന്ന ഈ സിനിമ ഒരു കുടുംബബന്ധത്തിന്റെ ഗഹനമായ വികാരങ്ങളെയും, സഹോദരനും സഹോദരിയുമായുള്ള ആശയതര്‍ക്കങ്ങളെയും, സമൂഹം നിര്‍മിച്ചിട്ടുള്ള ജെന്‍ഡര്‍-സ്റ്റീരിയോറ്റൈപ്പുകളെയും സ്പര്‍ശിക്കുന്ന കഥയാണ് എന്നു പോസ്റ്റര് വ്യക്തമാക്കുന്നു.
അറുല്‌നിധി - മംമ്ത മോഹന്‍ദാസ് പ്രധാന വേഷങ്ങളിലെത്തുന്ന ഈ ചിത്രത്തിന്റെ പ്രഖ്യാപനം തന്നെ ഒരു വ്യത്യസ്ത വിസ്വല്‍ പ്രമോയോടെയാണ് നടന്നു പോയത്. ഷൂട്ടിംഗ് സെറ്റിലുണ്ടായ സ്വാഭാവികമായൊരു ഫണ്‍ മൊമെന്റ് ക്യാമറയില്‍ പകര്‍ത്തി, അതിനെ തന്നെ പ്രമോഷണല്‍ വീഡിയോയായിട്ടാണ് അണിയറപ്രവര്‍ത്തകര്‍ പുറത്തിറക്കിയത്. സംഗീതം നിര്‍വഹിക്കുന്നത് 'ബൈസണ്‍' ചിത്രത്തിലെ വിജയത്തോടെ ശ്രദ്ധ നേടിയ നിവാസ് പ്രസന്നയാണ്.
സംവിധായകന്‍ പ്രഭു ജയറാം പറയുന്നതനുസരിച്ച്,
''ചിത്രത്തിന്റെ കഥാതന്തു പ്രധാന കഥാപാത്രമായ പച്ചൈ കൃഷ്ണന്‍ - കടുത്ത പുരുഷാധികാരവാദി - തന്റെ മൂത്ത സഹോദരിയായ നിര്‍മലാദേവി എന്ന പ്രതിബദ്ധ ഫെമിനിസ്റ്റുമായുള്ള ആശയപരമായ സംഘര്‍ഷത്തെ ചുറ്റിപ്പറ്റിയതാണ്. ചിത്രീകരണ സമയത്ത് അരുള്‍നിതി - മംതാ മോഹന്‍ദാസ് എന്നിവര്‍ തമ്മിലുണ്ടായ യഥാര്‍ത്ഥ ജീവിതത്തിലെ ഹാസ്യപരമായ ഇടപെടലുകളില്‍ നിന്ന് പ്രചോദനം ഉള്‍ക്കൊണ്ടാണ് ടൈറ്റില്‍ പ്രമോഷണല്‍ മെറ്റീരിയലില്‍ തെയ്യാറാക്കിയിട്ടുള്ളത്.
പാഷന്‍ സ്റ്റുഡിയോസിന്റെ നിര്‍മ്മാതാവ് സുധന്‍ സുന്ദരം പറഞ്ഞു -
'വ്യത്യസ്തവും അര്‍ത്ഥപൂര്‍ണ്ണവുമായ കഥാപാത്രങ്ങളെ തിരഞ്ഞെടുത്ത് അഭിനയിക്കുന്ന കലാകാരന്മാരുമായി സഹകരിക്കുന്നത് ഞങ്ങള്‍ക്കൊരു അഭിമാനമാണ്. തിരക്കഥകളുടെ തിരഞ്ഞെടുപ്പില്‍ പ്രത്യേകം ശ്രദ്ധ പുലര്‍ത്തുന്ന അരുള്‍നിതി, ഈ ഹൃദ്യമായ കഥയിലൂടെ വീണ്ടും തന്റെ അഭിനയ വൈവിധ്യം തെളിയിച്ചിരിക്കുകയാണ്. മംതാ മോഹന്‍ദാസ് - പറയേണ്ടതില്ല, അതുല്യമായ ആഴവും വ്യക്തിത്വവുമുള്ള കലാകാരിയാണ്.
ചിത്രത്തിന്റെ പോസ്റ്റ്-പ്രൊഡക്ഷന്‍ പ്രവര്‍ത്തനങ്ങള്‍ അവസാനഘട്ടത്തിലേക്ക് എത്തിച്ചേരുകയാണ്. ഇന്ന് പുറത്തിറങ്ങിയ ഫസ്റ്റ് ലുക്ക് പോസ്റ്ററില്‍ സഹോദരങ്ങളെ തുല്യമായ പ്രാധാന്യത്തോടെയാണ് അവതരിപ്പിച്ചിരിക്കുന്നത്. ഇത് ചിത്രത്തിന്റെ മുഖ്യ ഉള്ളടക്കത്തെയും - സാമൂഹികമായും കുടുംബജീവിതത്തിലും ലിംഗസമത്വത്തിന്റെ ആവശ്യകതയെയും - വ്യക്തമാക്കുന്നുവെന്നതാണ് പ്രത്യേകത. പാഷന്‍ സ്റ്റുഡിയോസും ഗോള്‍ഡ്‌മൈന്‍സ് മീഡിയയും സംയുക്തമായി നിര്‍മ്മിക്കുന്ന ഈ ചിത്രത്തില്‍, മംത മോഹന്‍ദാസ് സങ്കീര്‍ണ്ണമായ വികാരങ്ങളുള്ള ശക്തയായ സ്ത്രീ കഥാപാത്രത്തെയാണ് അവതരിപ്പിക്കുന്നത്. തമിഴ്, തെലുങ്ക്, മലയാളം എന്നീ മൂന്നു ഭാഷകളില്‍ ഒരുമിച്ച് പുറത്തിറങ്ങുന്ന സിനിമയെന്ന പ്രത്യേകതയും ചിത്രത്തിന് ഉണ്ട്.
Premium Lifestyle and Entertainment website
എന്റെ ജീവന് വേണ്ടി എല്ലാവരും പ്രാര്‍ത്ഥിക്കുക; ഞാന്‍ ഇപ്പോ ഒട്ടും ഓക്കെയല്ല; എല്ലാം ഒരു ട്രോമപോലെ തോന്നുന്നു; ബിഗ് ബോസിലേക്ക് രണ്ടാമത് പ്രവേശിക്കുന്ന വീഡിയോ പുറത്തുവിട്ട് മസ്താനി; കാത്തിരുന്നതെന്ന് ട്രോളന്മാര്‍