ആദ്യ സിനിമ തിയേറ്ററുകളില്‍ എത്തിയിട്ട് 20 വര്‍ഷമായതിന്റെ ഓര്‍മ്മ പങ്കുവച്ച് നടനും തിരക്കഥാകൃത്തുമായ മുരളി ഗോപി. ലാല്‍ ജോസ് സംവിധാനം ചെയ്ത രസികനിലൂടെയാണ് മുരളി ഗോപി ആദ്യമായി വെള്ളിത്തിരയിലേക്ക് എത്തുന്നത്. ഫേസ് ബുക്കില്‍ പങ്കുവച്ച കുറിപ്പിലൂടെയാണ് താന്‍ സിനിമയില്‍ എത്തിയതിന്റെ 20 വര്‍ഷം ആഘോഷിച്ചത്. തന്നെ സ്നേഹിച്ചവര്ക്കും വെറുത്തവര്‍ക്കും നന്ദി പറയുകയാണ് മുരളി ഗോപി.
മുരളി ഗോപിയുടെ കുറിപ്പ് ഇങ്ങനെ
എന്റെ ആദ്യ ചലച്ചിത്രം തിയേറ്ററുകളില്‍ എത്തിയിട്ട് 20 വര്‍ഷം തികയുന്ന ഈ വേളയില്‍, തിരിഞ്ഞു നോക്കുമ്പോള്‍ ആദ്യം ഓര്‍മ്മവരുന്നത് ഈ ഷോട്ടാണ്. ''രസികന്റെ'' ലൊക്കേഷന്‍.
കൊച്ചിയിലെ രവിപുരത്തെ ഒരു കോളനി. മേഘാവൃതമായ പകല്‍.
ഗ്രൗണ്ട് ലെവലില്‍ രാജീവ് രവി ഫ്രെയിം വെച്ചു. ലാല്‍ ജോസ് പറഞ്ഞു: ''വലത് കാല്‍ വച്ച് കയറിക്കോ...നടന്നോ...'' ഞാന്‍ കയറി. നടന്നു. നാളിതുവരെ, എന്റെ സിനിമാപ്രവര്‍ത്തനങ്ങളെ പ്രോത്സാഹിപ്പിച്ചവര്‍ക്ക് നന്ദി. നിരുത്സാഹികള്‍ക്കും നന്ദി.
പുകഴ്ത്തിയവര്‍ക്കും ഇകഴ്ത്തിയവര്‍ക്കും നന്ദി. സ്നേഹിച്ചവര്ക്കും വെറുത്തവര്‍ക്കും നന്ദി. കടന്ന് വന്ന വഴികളില്‍, വെളിച്ചവും ഊര്‍ജ്ജവും നല്‍കിയ നിങ്ങളേവരുടെയും മുന്നില്‍ എന്റെ വന്നതും വരാനിരിക്കുന്നതുമായ എല്ലാ ശ്രമങ്ങളും സമര്‍പ്പിച്ചുകൊണ്ട് യാനം തുടരട്ടെ...
മോഹന്‍ലാല്‍ നായകനായി പൃഥ്വിരാജ് സംവിധാനം ചെയ്ത ചിത്രത്തിന് തിരക്കഥ ഒരുക്കിയത് മുരളി ഗോപിയാണ്. ആരാധകര്‍ ആകാംക്ഷയോടെയും പ്രതീക്ഷയോടെയും കാത്തിരിക്കുന്ന ചിത്രം എമ്പുരാനാണ് മുരളി ഗോപിയുടേതായി ഇനി വരാനിരിക്കുന്ന ചിത്രം. അടുത്ത വര്‍ഷം മാര്‍ച്ച് 27 ന് ലോകമെമ്പാടുമുള്ള തിയേറ്ററുകളില്‍ എമ്പുരാന്‍ പ്രദര്‍ശനത്തിന് എത്തും.
Premium Lifestyle and Entertainment website
ആര്‍ത്തവം നിന്നതും, ബ്രെസ്റ്റിലെ മുഴയുമൊക്കെയായപ്പോള്‍ വീണ്ടും ഗര്‍ഭിണിയാണോ എന്ന് സംശയിച്ച് ടെസ്റ്റ്; എന്നാല്‍ ഗര്‍ഭമല്ല ക്യാന്‍സര്‍ ആണെന്ന് കേട്ടപ്പോള്‍ തകര്‍ന്നു; മിനി സ്‌ക്രീന്‍ താരം ലിന്റു റോണി പങ്ക് വച്ചത്
എട്ട് വര്‍ഷം കാത്തിരുന്ന് സ്വന്തമാക്കിയ പ്രണയവുമായി നീ യാത്രയായപ്പോള്‍ ഞങ്ങള്‍ക്ക് നഷ്ടമായത് കളങ്കമില്ലാത്ത നിന്റെ സൗഹൃദം; കോന്നി വാഹനാപകടത്തില്‍ വിട പറഞ്ഞ നവദമ്പതികള്‍ക്ക് അനുശോചനക്കുറിപ്പുമായി സീരിയല്‍ നടി സയനാ കൃഷ്ണ