ലാല്‍ ജോസ് സംവിധാനം ചെയ്ത 'മുല്ല' എന്ന ചിത്രത്തിലൂടെ മലയാള സിനിമയിലെത്തിയ താരമാണ് മീര നന്ദന്‍. ഒരു മ്യൂസിക്കല്‍ റിയാലിറ്റി ഷോയില്‍ മത്സരിക്കാനെത്തി പിന്നീട് ഷോയുടെ അവതാരകയായി മാറിയ മീരയെ സംവിധായകന്‍ ലാല്‍ ജോസാണ് സിനിമയിലേക്ക് കൊണ്ടുവന്നത്. 'മുല്ല'യ്ക്കു ശേഷം മലയാളം, തമിഴ്, തെലുങ്ക്, കന്നഡ ഭാഷകളിലായി 35 ലധികം സിനിമകളില്‍ താരം അഭിനയിച്ചു.
വിവാഹിതയാകുന്നു എന്ന വാര്‍ത്ത കഴിഞ്ഞ വര്‍ഷം സെപ്റ്റംബറിലാണ് നടി മീര നന്ദന്‍ ആരാധകരെ അറിയിച്ചത്. വിവാഹനിശ്ചയം കഴിഞ്ഞെങ്കിലും വിവാഹം ഒരു വര്‍ഷം കഴിഞ്ഞിട്ടേ ഉണ്ടാകു എന്ന് താരം പറഞ്ഞിരുന്നു. ഇപ്പോഴിതാ ബ്രൈഡല്‍ ഷവര്‍ ആഘോഷിക്കുന്ന ചിത്രങ്ങളാണ് മീര തന്റെ ഇന്‍സ്റ്റഗ്രാം പേജിലൂടെ ആരാധകരുമായി പങ്കുവയ്ക്കുന്നത്.
'ബ്രൈഡ് ടു ബി' എന്നിഴുതിയ 'സാഷ്', മനോഹരമായ വെള്ള വസ്ത്രത്തോടൊപ്പം ധരിച്ചാണ് മീര ചിത്രത്തില്‍ പോസു ചെയ്യുന്നത്. ആഘോഷങ്ങളില്‍ ഷാംപെയ്ന്‍ നുകരുന്നതിന്റെ ചിത്രങ്ങളും താരം പങ്കുവച്ചിട്ടുണ്ട്.
ലണ്ടനില്‍ ജനിച്ചു വളര്‍ന്ന ശ്രീജുവാണ് മീരയുടെ വരന്‍. വിവാഹം അറേഞ്ച്ട് മാര്യേജാണെന്നും, 16 വര്‍ഷങ്ങള്‍ക്ക് ശേഷം വിവാഹ നിശ്ചയത്തിനാണ് ശ്രീജു കേരളത്തില്‍ എത്തിയതെന്നും, അടുത്തിടെ ഒരു അഭിമുഖത്തില്‍ മീര പറഞ്ഞു.
Premium Lifestyle and Entertainment website
എല്ലാ ദിവസവും മുടങ്ങാതെ ജിമ്മില്‍ പോകും; മദ്യപാനമോ സിഗരറ്റ് വലിയോ ഇല്ല; മാസങ്ങള്‍ക്ക് മുമ്പ് ഉണ്ടായ പനി മൂലം ആശുപത്രിയില്‍ കിടന്നതല്ലാതെ മറ്റ് ആരോഗ്യ പ്രശ്‌നങ്ങള്‍ ഇല്ല; അനുജനെ ഹൃദയാഘാതത്തിന്റെ രൂപത്തില്‍ വിധി തട്ടിയെടുത്തത് വിശ്വസിക്കാനാവാതെ നടന്‍ ബൈജു എഴുപുന്ന
ഞെട്ടിക്കുന്ന പ്രകടനവുമായി വിജയ് സേതുപതി, ഒപ്പം സൂരിയും മഞ്ജു വാര്യരു; ആവേശമായി 'വിടുതലൈ പാര്‍ട്ട് 2' ട്രെയ്ലര്‍