നിങ്ങളെക്കുറിച്ചോര്‍ക്കുമ്പോള്‍ അഭിമാനവും സന്തോഷവും തോന്നുന്നു, ഇത് ശരിക്കും അര്‍ഹിച്ചത് തന്നെ; ശോഭനയെ പ്രശംസിച്ച് ലിസി

ഇത്തവണ പത്മഭൂഷണ്‍ പുരസ്‌കാരം ലഭിച്ചവരുടെ ലിസ്റ്റില്‍ ശോഭനയും ഇടം പിടിച്ചിരുന്നു. പ്രതീക്ഷിച്ചില്ല ഈ പുരസ്‌കാരം എന്നായിരുന്നു ശോഭന പ്രതികരിച്ചത്. നൃത്തത്തിലെയും സിനിമയിലെയും സംഭാവനകള്‍ പരിഗണിച്ചായിരുന്നു താരത്തിന് പുരസ്‌കാരം ലഭിച്ചത്. സെലിബ്രിറ്റികളും ആരാധകരുമെല്ലാം ശോഭനയ്ക്ക് അഭിനന്ദനം അറിയിച്ചിരുന്നു. പ്രിയപ്പെട്ടവരുടെ ആശംസകള്‍ ഷെയര്‍ ചെയ്ത് താരം നന്ദി അറിയിച്ചിരുന്നു.

ശോഭനയ്ക്കൊപ്പമുളള ഫോട്ടോ പങ്കുവെച്ചായിരുന്നു ലിസി സന്തോഷം പങ്കുവെച്ചത്. പത്മവിഭൂഷന്‍, പത്മഭൂഷന്‍, പത്മശ്രീ പുരസ്‌കാര ജേതാക്കള്‍ക്ക് അഭിനന്ദനങ്ങള്‍. നിങ്ങളെ ഓര്‍ത്ത് അഭിമാനവും, അതേപോലെ സന്തോഷവും. ശരിക്കും അര്‍ഹിക്കുന്നത് എന്നുമായിരുന്നു ലിസി കുറിച്ചത്. 

നിരവധി പേരായിരുന്നു ലിസിയുടെ ഫോട്ടോയുടെ താഴെയായി ശോഭനയെ അഭിനന്ദിച്ച്എത്തിയിട്ടുള്ളത.എയിറ്റീസ് താരങ്ങളുടെ കൂട്ടായ്മയില്‍ സജീവമാണ് ശോഭനയും ലിസിയും. ഇടയ്ക്കിടയ്ക്കുള്ള ഒത്തുചേരലിന്റെ വിശേഷങ്ങള്‍ ഇവരെല്ലാം പങ്കുവെക്കാറുണ്ട്. ഒന്നിച്ച് കൂടാന്‍ കിട്ടുന്ന അവസരങ്ങളൊന്നും പാഴാക്കാറില്ലെന്നാണ് എല്ലാവരും പറയാറുള്ളത്.