ഏറെ പ്രേക്ഷക നിരൂപക ശ്രദ്ധ പറ്റിയ ചിത്രമായ 'ലാപതാ ലേഡീസ്' നെതിരെ കോപ്പിയടി ആരോപണം. കിരണ്‍ റാവു സംവിധാനം ചെയ്ത് 2024-ല്‍ ഇറങ്ങിയ ലാപതാ ലേഡീസ്. ലോസ്റ്റ് ലേഡീസ് എന്ന പേരില്‍ ആഗോളതലത്തില്‍ പുറത്തിറങ്ങിയ ചിത്രം കഴിഞ്ഞ വര്‍ഷത്തെ ഓസ്‌കാര്‍ എന്‍ട്രിയടക്കം നിരവധി നേട്ടങ്ങളും കരസ്ഥമാക്കിയിരുന്നു. ബുര്‍ഖ സിറ്റി എന്ന അറബിക് ഹ്രസ്വചിത്രത്തില്‍ നിന്ന് പ്രചോദനം ഉള്‍ക്കൊണ്ടാണ് ലാപതാ ലേഡീസ് ഒരുക്കിയിരിക്കുന്നതെന്നാണ് ആരോപണം.
നിരവധി സോഷ്യല്‍ മീഡിയ ഉപയോക്താക്കളാണ് രണ്ട് ചിത്രങ്ങളും തമ്മിലും സാമ്യതകള്‍ ചൂണ്ടിക്കാട്ടി പോസ്റ്റുകള്‍ പങ്കുവെച്ചിട്ടുള്ളത്. 19 മിനിറ്റ് ദൈര്‍ഘ്യമുള്ള ഈ ഹ്രസ്വ ചിത്രം 2019ലാണ് പുറത്തിറങ്ങിയത്. ഫാബ്രിസ് ബ്രാഖിനാണ് ഹ്രസ്വ ചിത്രത്തിന്റെ സംവിധാനം.ആമിര്‍ഖാന്‍ പ്രൊഡക്ഷന്‍സും ജിയോ സ്റ്റുഡിയോയും ചേര്‍ന്ന് നിര്‍മിച്ച ചിത്രത്തില്‍ പുതുമുഖങ്ങളായിരുന്നു പ്രധാനകഥാപാത്രങ്ങളെയെല്ലാം അവതരിപ്പിച്ചത്.
പ്രതിഭ റാന്‍ട, നിതാന്‍ഷി ഗോയല്‍, സ്പര്‍ഷ് ശ്രീവാസ്തവ, രവി കിഷന്‍, ഛായ കദം തുടങ്ങിയവരാണ് ചിത്രത്തില്‍ പ്രധാന വേഷത്തിലെത്തിയത്. ബോളിവുഡിന്റെ സ്ഥിരം ബിഗ് ബഡ്ജറ്റ് കാഴ്ചകളില്‍ നിന്നും മാറി ഉത്തരേന്ത്യന്‍ ഗ്രാമങ്ങളുടെ നേര്‍ചിത്രം കാട്ടിത്തന്ന ലാപതാ ലേഡീസ് വലിയ ചര്‍ച്ചയായിരുന്നു. ചിത്രം ഇക്കഴിഞ്ഞ ഐഐഎഫ്എയിലും അവാര്‍ഡുകള്‍ വാരിക്കൂട്ടിയിരുന്നു.
മികച്ച സിനിമ, മികച്ച കഥ, മികച്ച തിരക്കഥ, മികച്ച സംവിധായിക, മികച്ച എഡിറ്റിങ്, മികച്ച സംഗീതസംവിധായകന്‍, മികച്ച നടി, മികച്ച നവാഗത നടി, മികച്ച സഹനടന്‍ എന്നിങ്ങനെ അവാര്‍ഡുകള്‍ വാരിക്കൂട്ടിയ ചിത്രം ഇപ്പോള്‍ വലിയ വിമര്‍ശനത്തിനാണ് പാത്രമായിക്കൊണ്ടിരിക്കുന്നത്. ഇന്ത്യയുടെ ആത്മാവ് തൊട്ടറിഞ്ഞ ലാപതാ ലേഡീസ് 2019-ല്‍ ഇറങ്ങിയ ഒരു അറബി ഹ്രസ്വചിത്രത്തിന്റെ കോപ്പിയടിയാണെന്നാണ് സോഷ്യല്‍മീഡിയയുടെ പുതിയ കണ്ടെത്തല്‍.
പുതുതായി വിവാഹം കഴിച്ച ഒരു ചെറുപ്പക്കാരന്‍ ബുര്‍ഖ ധരിച്ച തന്റെ ഭാര്യ, മറ്റൊരു സ്ത്രീയുമായി മാറിപ്പോയതായി മനസിലാക്കുകയും പിന്നീട് അവളെ കണ്ടെത്താന്‍ ശ്രമിക്കുന്നതുമാണ് ബുര്‍ഖ സിറ്റിയുടെ കഥ. ബുര്‍ഖ ധരിച്ച പെണ്‍കുട്ടിയെ കണ്ടെത്താന്‍ സഹായിക്കുന്ന രസികനായ പോലീസ് ഉദ്യോഗസ്ഥനടക്കം ഈ ഹ്രസ്വചിത്രത്തിലുമുണ്ട്. ലാപതാ ലേഡീസിന്റെ സംവിധായിക കിരണ്‍ റാവുവിനെതിരെ വലിയ വിമര്‍ശനങ്ങളാണ് സാമൂഹ്യ മാധ്യമങ്ങളില്‍ ഉയരുന്നത്.
ഇത് തെളിയിക്കുന്ന തരത്തിലുള്ള ബുര്‍ഖ സിറ്റിയിലെ സീനുകളും സാമൂഹികമാധ്യമങ്ങളില്‍ വൈറലാവുകയാണ്. കിരണ്‍ റാവു ബോളിവുഡിനേയും പ്രേക്ഷകരേയും പറ്റിക്കുകയായിരുന്നു എന്ന തരത്തിലാണ് ചര്‍ച്ചകള്‍ നടക്കുന്നത്. കിരണിന് അല്‍പമെങ്കിലും നാണമുണ്ടെങ്കില്‍ ലാപതാ ലേഡീസിന് ലഭിച്ച പുരസ്‌കാരങ്ങളെല്ലാം തിരിച്ചുനല്‍കണമെന്നും വിമര്‍ശകര്‍ ആവശ്യപ്പെടുന്നു. എന്നാല്‍ സംഭവത്തെക്കുറിച്ച് ഇതുവരെയും സിനിമയുമായി ബന്ധപ്പെട്ട ആരും പ്രതികരിച്ചിട്ടില്ല.
Premium Lifestyle and Entertainment website
സൗകര്യമില്ല ചേട്ടാ.. ഇപ്പോള്‍ കയറാന്‍';വിവാഹം കഴിഞ്ഞ് മടങ്ങവേ ചുറ്റും നിന്ന ഓണ്‍ലൈന്‍ മാധ്യമങ്ങള്‍ക്ക് നേരെ പൊട്ടിത്തെറിച്ച് വീണാ നായര്‍; വിവാഹം കഴിഞ്ഞ് ഭര്‍ത്താവിന്റെ വീട്ടിലേക്ക് മടങ്ങുന്ന വീഡിയോ സോഷ്യലിടത്തില്‍ വൈറലാകുമ്പോള്‍
നടന്‍ രവികുമാര്‍ അന്തരിച്ചു; അര്‍ബുദരോഗം ബാധിച്ച് ചികിത്സയിലിരിക്കെ മരണം വിളിച്ചത് 80 കളിലെ നായക, വില്ലന്‍ വേഷങ്ങള്‍ കൈകാര്യം ചെയ്ത നടന്‍