ഒരിക്കല്‍ തനിക്കും ഇതുപോലൊരു ചിത്രം ചെയ്യാന്‍ കഴിയണമെന്ന് ആഗ്രഹിക്കുന്നു; കുമ്പളങ്ങി നൈറ്റ്സിനെക്കുറിച്ച് നടന്‍ കാര്‍ത്തിയുടെ ട്വീറ്റ് ഏറ്റെടുത്ത് മലയാള സിനിമാ പ്രേമികള്‍ 

ഒരു കൊച്ചു ചിത്രമെന്ന നിലയിലാണ് കുമ്പളങ്ങി നൈറ്റ്സിന് വലിയ സ്വീകാര്യതയാണ് ലഭിച്ചുകൊണ്ടിരിക്കുന്നത്. എല്ലാതരം പ്രേക്ഷകര്‍ക്കും ഇഷ്ടമാവുന്ന ഒരു ചെറിയ സിനിമയാണ് കുമ്പളങ്ങി നൈറ്റ്. അത് കൊണ്ട് തന്നെ ഇപ്പോഴും മികച്ച സ്വീകാര്യത ചിത്രത്തിനു ലഭിക്കുന്നത്. 
കേരളത്തിനു പുറമെ മറ്റു സംസ്ഥാനങ്ങളിലും വിദേശത്തും ചിത്രം പ്രദര്‍ശിപ്പിക്കുന്നുണ്ട്. കഴിഞ്ഞ ദിവസം സിനിമ കണ്ട ശേഷം തമിഴ് സൂപ്പര്‍താരം കാര്‍ത്തി ട്വീറ്റ് ചെയ്ത കാര്യങ്ങള്‍ ശ്രദ്ധേയമായി.

വളരെ മനോഹരമായ ചിത്രമാണ് കുമ്പളങ്ങി നൈറ്റ്സ്,തടസമില്ലാതെ ഒഴുകുന്ന ചിത്രം ഒരേസമയം ഭാവാത്മകവും തമാശ നിറഞ്ഞതുമാണ്. ഒരിക്കല്‍ തനിക്കും ഇതുപോലൊരു ചിത്രം ചെയ്യാന്‍ കഴിയുമെന്ന് ആഗ്രഹിക്കുന്നതായും കാര്‍ത്തി സിനിമയെക്കുറിച്ച് ട്വിറ്ററില്‍ ട്വീറ്റ് ചെയ്തു, കാര്‍ത്തിയുടെ ട്വീറ്റ് മലയാള സിനിമാ പ്രേമികള്‍ ഒന്നടങ്കം സോഷ്യല്‍ മീഡിയയില്‍ ഏറ്റെടുത്തിട്ടുണ്ട്.

കേരളത്തിനു പുറത്ത് സിനിമക്ക് ലഭിക്കുന്ന പിന്തുണയില്‍ സന്തോഷം പ്രകടിപ്പിച്ച് രംഗത്ത് വിന്നിരിക്കുകയാണ് ചിത്രത്തിന്റെ അണിയറ പ്രവര്‍ത്തകര്‍.കേരളത്തിനു പുറത്തുനിന്നും മികച്ച പ്രതികരണമാണ് കുമ്പളങ്ങി നൈറ്റ്സിന് ലഭിച്ചുകൊണ്ടിരിക്കുന്നത്. അത് ത്‌ന്നെയാണ് കാര്‍ത്തിക്‌ന്റെ ഈ ട്വീറ്റ് സൂചിപ്പിക്കുന്നത്. 

കുമ്പളങ്ങി എന്ന പ്രദേശത്തെ നാലു സഹോദരങ്ങളുടെ ജീവിതത്തിലൂടെയാണ് സിനിമയുടെ കഥ കടന്ന്‌പോകുന്നത്.റിയലിസ്റ്റിക്ക് രീതിയിലുളള അവതരണം കൊണ്ട് വളരെ പെട്ടെന്ന് തന്നെ പ്രേക്ഷകരുടെ ഇഷ്ട ചിത്രമായി കുമ്പളങ്ങി നൈറ്റ്സ് മാറിയിരുന്നു. ചിത്രത്തില്‍ അഭിനയിച്ച താരങ്ങളെല്ലാം തന്നെ മികച്ച പ്രകടനം തന്നെ കാഴ്ചവെച്ചു.