നീണ്ട ഇടവേളക്ക് ശേഷം വാപ്പയുടെ ചിത്രത്തില്‍ നായകനായെത്തുന്നു ഫഹദ്...!

നീണ്ട ഇടവേളക്ക് ശേഷം ഫാസില്‍ നിര്‍മ്മിക്കുന്ന ചിത്രത്തില്‍ നായകനായി ഫഹദ് ഫാസില്‍ എത്തുന്നു. ദിലീഷ് പോത്തന്‍ സംവിധാനം ചെയ്യുന്ന പുതിയ ചിത്രത്തിലാണ് ഇരുവരും ഒന്നിക്കുന്നത്. സിനിമയുടെ അണിയറ പ്രവര്‍ത്തനങ്ങള്‍ പുര്‍ത്തികരിച്ചു വരുന്നതായ് ഫാസില്‍ ക ഴിഞ്ഞ ദിവസം പീപ്പിള്‍ റ്റിവിയോട് പറഞ്ഞു. 

നീണ്ട കാലത്തെ ഇടവേളക്ക് ശേഷമാണ് വീണ്ടും ഒരു ചിത്രം നിര്‍മ്മിക്കാന്‍ ' ഫാസില്‍ ഇപ്പോള്‍ തയ്യാറെടുക്കുന്നത്. നിലവിന്‍ രണ്ട് മലയാള ചിത്രങ്ങളില്‍ അഭിനയിക്കുന്ന തിരക്കിലാണ് ഫാസില്‍. കുഞ്ഞാലി മരക്കാര്‍ എന്ന ബിഗ് ബജറ്റ് ചിത്രത്തിലും. പ്രഥ്വിരാജിന്റെ സിനിമയിലുമാണ് ഇപ്പോള്‍ ഇദ്ദേഹം അഭിനയിച്ചുകൊണ്ടിരിക്കുന്നത്.

2002 ഏപ്രില്‍ 12നാണ് ഫാസിലിന്റെ കൈയെത്തും ദൂരത്ത് എന്ന ചിത്രത്തിലൂടെ ഫഹദ് ഫാസില്‍ എന്ന സിനിമ നടന്റെ ആദ്യ ചിത്രം പുറത്തിറങ്ങുന്നത്. ചിത്രം കാര്യമായ ചലനങ്ങളൊന്നും ഉണ്ടാക്കിയില്ലെങ്കിലും അതിലെ മനോഹരമായ ഗാനങ്ങള്‍ ശ്രദ്ധിക്കപ്പെട്ടു. തുടര്‍വിദ്യാഭ്യാസത്തിനായി വിദേശത്തേക്ക് തിരിച്ച ഫഹദ് പിന്നീട് ഏഴുവര്‍ഷങ്ങള്‍ക്കുശേഷമാണ് ചലച്ചിത്രരംഗത്തേക്ക് തിരിച്ചുവന്നത്. പിന്നിട് നിരവധി ചിത്രങ്ങളിലൂടെ ഫഹദ് തന്റെ കഴിവ് തെളിയിച്ചു.