പൃഥ്വിരാജ് സുകുമാരന്‍ മോഹന്‍ലാലിനെ കേന്ദ്രകഥാപാത്രമാക്കി സംവിധാനം എമ്പുരാന്‍ തീയേറ്ററുകളില്‍ പ്രദര്‍ശനം തുടരുകയാണ്. മലയാളത്തിലെ ഏറ്റവും കളക്ഷന്‍ നേടിയ ചിത്രമെന്ന റെക്കോര്‍ഡ് ഇതിനോടകം ചിത്രം സ്വന്തമാക്കി കഴിഞ്ഞു. റിലീസാകുന്നതിന് മുന്നേ തന്നെ പ്രേക്ഷക മനസ്സുകളില്‍ ഇടം നേടാന്‍ ചിത്രത്തിലെ 'എമ്പുരാനേ' എന്ന ടൈറ്റില്‍ ഗാനത്തിനായി. ഇപ്പോഴിതാ ഗാനം ഇപ്പോള്‍ റിലീസ് ചെയ്തിരിക്കുന്നത്. ഗാനം പുറത്തിറങ്ങിയ വിവരം മോഹന്‍ലാലും, പൃഥ്വിരാജും തങ്ങളുടെ സോഷ്യല്‍മീഡിയാ പേജുകളിലൂടെ അറിയിച്ചു. എമ്പുരാനിലെ പലഭാഗങ്ങളാണ് വീഡിയോയില്‍ ഉള്‍പ്പെടുത്തിയിട്ടുള്ളത്.
പാട്ടിന്റെ യൂട്യൂബ് ലിങ്ക് ഉള്‍പ്പെടെ നല്‍കിക്കൊണ്ടാണ് പോസ്റ്റ്. ദീപക് ദേവ് സംഗീതം നല്‍കിയ ഗാനം എഴുതിയത് വിനായക് ശശികുമാറാണ്. ആനന്ദ് ശ്രീരാജ്, അലങ്കൃത മേനോന്‍, പൃഥ്വിരാജ് എന്നിവരാണ് ആലപിച്ചിരിക്കുന്നത്. പൃഥ്വിരാജിന്റെ മകള്‍ അലങ്കൃത ചിത്രത്തില്‍ ഗാനം ആലപിച്ചിട്ടുണ്ടെന്ന വിവരം നേരത്തേ പുറത്തുവന്നിരുന്നു. എമ്പുരാനേ എന്ന ഭാഗം ആലപിച്ചതില്‍ ഏറ്റവും ഹൃദ്യമായത് അലങ്കൃതയുടേതാണെന്ന അഭിപ്രായമാണ് പ്രേക്ഷകര്‍ക്ക്. ഒടുവിലിതാ തിയേറ്ററില്‍ സിനിമ കണ്ടവര്‍ക്ക് പുറമെ ഏവരിലേക്കും എമ്പുരാനേ എന്ന ഗാനം എത്തിയിരിക്കുകയാണ്.
ശ്രീ ഗോകുലം മൂവീസ്, ആശീര്‍വാദ് സിനിമാസ്, ലൈക്ക പ്രൊഡക്ഷന്‍സ് എന്നിവയുടെ ബാനറില്‍ ഗോകുലം ഗോപാലന്‍, ആന്റണി പെരുമ്പാവൂര്‍, സുഭാസ്‌കരന്‍ എന്നിവര്‍ ചേര്‍ന്നാണ് എമ്പുരാന്‍ നിര്‍മിച്ചത്. മുരളി ഗോപി രചന നിര്‍വഹിച്ച ചിത്രം മലയാള സിനിമയുടെ ചരിത്രത്തിലെ ആദ്യത്തെ ഐമാക്‌സ് റിലീസായി എത്തിയ സിനിമകൂടിയാണ്. തുടരും ചിത്രത്തിന്റെ അറൈവല്‍ ടീസര്‍ പുറത്ത് മലയാളം, തമിഴ്, ഹിന്ദി, തെലുങ്ക്, കന്നഡ എന്നീ ഭാഷകളിലാണ് സിനിമ പ്രദര്‍ശനത്തിനെത്തിയത്.
പൃഥ്വിരാജ്, മഞ്ജു വാര്യര്‍, ടൊവിനോ തോമസ്, ഇന്ദ്രജിത് സുകുമാരന്‍, സുരാജ് വെഞ്ഞാറമൂട്, ജെറോം ഫ്‌ലിന്‍, ബൈജു , സായ്കുമാര്‍, ആന്‍ഡ്രിയ ടിവാടര്‍, അഭിമന്യു സിങ്, സാനിയ ഇയ്യപ്പന്‍, ഫാസില്‍, സച്ചിന്‍ ഖഡ്കര്‍, നൈല ഉഷ, ജിജു ജോണ്‍, നന്ദു, മുരുകന്‍ മാര്‍ട്ടിന്‍, ശിവജി ഗുരുവായൂര്‍, മണിക്കുട്ടന്‍, അനീഷ് ജി മേനോന്‍, ശിവദ, അലക്‌സ് ഒനീല്‍, എറിക് എബണി, കാര്‍ത്തികേയ ദേവ്, മിഹയേല് നോവിക്കോവ്, കിഷോര്‍, സുകാന്ത്, ബെഹ്സാദ് ഖാന്‍, നിഖാത് ഖാന്‍, സത്യജിത് ശര്‍മ്മ, നയന്‍ ഭട്ട്, ശുഭാംഗി, ജൈസ് ജോസ് തുടങ്ങി വമ്പന്‍ താരനിരയാണ് അണിനിരക്കുന്നത്. ഗെയിം ഓഫ് ത്രോണ്‍സിലൂടെ ലോക പ്രശസ്തനായ ജെറോം ഫ്ളിന്നിന്റെ സാന്നിധ്യം ചിത്രത്തിന്റെ താരനിരക്ക് നല്‍കിയത് ഒരു ഇന്റര്‍നാഷണല്‍ അപ്പീലാണ്.
2023 ഒക്ടോബര്‍ 5 ന് ഫരീദാബാദില്‍ ചിത്രീകരണം ആരംഭിച്ച എമ്പുരാന്‍, യുണൈറ്റഡ് സ്റ്റേറ്റ്‌സ്, യു കെ, യുഎഇ , ചെന്നൈ, മുംബൈ, ഗുജറാത്ത്, ലഡാക്ക്, കേരളം, ഹൈദരാബാദ്, ഷിംല, ലേ എന്നിവയുള്‍പ്പെടെ വിവിധ സ്ഥലങ്ങളില്‍ ആയാണ് ഒരുക്കിയത്. ചിത്രത്തിന്റെ ഛായാഗ്രഹണം സുജിത് വാസുദേവും, എഡിറ്റിംഗ് നിര്‍വഹിച്ചത് അഖിലേഷ് മോഹനുമാണ്. മോഹന്‍ദാസ് കലാസംവിധാനം നിര്‍വഹിച്ച ചിത്രത്തിന് ആക്ഷന്‍ ഒരുക്കിയത് സ്റ്റണ്ട് സില്‍വയാണ്. നിര്‍മ്മല്‍ സഹദേവ് ആണ് ചിത്രത്തിന്റെ ക്രീയേറ്റീവ് ഡയറക്ടര്‍. പൂര്‍ണ്ണമായും അനാമോര്‍ഫിക് ഫോര്‍മാറ്റില്‍ ഷൂട്ട് ചെയ്ത ചിത്രത്തിന്റെ മൂന്നാം ഭാഗവും ഇതേ ഫോര്‍മാറ്റില്‍ തന്നെയാവും ഒരുക്കുക എന്നും സംവിധായകന്‍ പൃഥ്വിരാജ് വെളിപ്പെടുത്തുകയും ചെയ്തിരുന്നു.
Premium Lifestyle and Entertainment website
വിവാഹമോചിത, സിംഗിള്‍ മദര്‍; മുംബൈയിലെ ചെലവ് താങ്ങാനാകുന്നില്ല; സ്വന്തം നാട്ടില്‍ തിരികെ പോയി ഓണ്‍ലൈന്‍ തുണിക്കച്ചവടം തുടങ്ങി നടി