ദുല്‍ഖര്‍ സല്‍മാന്‍ നായകനായി സെല്‍വമണി സെല്‍വരാജ് സംവിധാനം ചെയ്യുന്ന ചിത്രമായ 'കാന്ത' എന്ന ചിത്രത്തിലൂടെ തമിഴില്‍ അരങ്ങേറ്റം കുറിക്കുകയാണ് ഭാഗ്യശ്രീ ബോര്‍സെ. ചിത്രത്തില്‍ ഭാഗ്യശ്രീയുടെ ക്യാരക്ടര്‍ പോസ്റ്റര്‍ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍.
മികച്ച ചിത്രങ്ങള്‍ മലയാളത്തില്‍ നിര്‍മിച്ചിട്ടുള്ള വേഫേറര്‍ ഫിലിംസ് നിര്‍മിക്കുന്ന ആദ്യ അന്യഭാഷ ചിത്രം കൂടിയാണ് 'കാന്ത'. തമിഴില്‍ ഒരുക്കിയ ചിത്രം മലയാളം, തെലുങ്ക്, ഹിന്ദി ഭാഷകളിലും റിലീസിനെത്തും. ദുല്‍ഖര്‍ സല്‍മാന്റെ ഉടമസ്ഥതയിലുള്ള വേഫേറര്‍ ഫിലിംസ്, റാണ ദഗ്ഗുബതിയുടെ ഉടമസ്ഥതയിലുള്ള സ്പിരിറ്റ് മീഡിയ എന്നിവര്‍ ചേര്‍ന്നാണ് ഈ ബഹുഭാഷാ ചിത്രം നിര്‍മ്മിക്കുന്നത്.
ദുല്‍ഖര്‍ സല്‍മാന്‍, ജോം വര്‍ഗീസ്, റാണ ദഗ്ഗുബതി, പ്രശാന്ത് പോട്ട്‌ലൂരി എന്നിവരാണ് ചിത്രത്തിന്റെ നിര്‍മ്മാതാക്കള്‍. 'ദ ഹണ്ട് ഫോര്‍ വീരപ്പന്‍' എന്ന നെറ്റ്ഫ്‌ലിക്‌സ് ഡോക്യുമെന്ററി സീരീസ് ഒരുക്കി ശ്രദ്ധ നേടിയ തമിഴ് സംവിധായകന്‍ ആണ് സെല്‍വമണി സെല്‍വരാജ്.
1950 കാലഘട്ടത്തിലെ മദ്രാസിന്റെ പശ്ചാത്തലത്തിലാണ് കാന്തയുടെ കഥ അവതരിപ്പിക്കുന്നത് എന്നാണ് സൂചന. ദുല്‍ഖര്‍ സല്‍മാന്‍, ഭാഗ്യശ്രീ ബോര്‍സെ എന്നിവരോടൊപ്പം റാണ ദഗ്ഗുബതി, സമുദ്രക്കനി എന്നിവരാണ് ചിത്രത്തിലെ മറ്റു പ്രധാന താരങ്ങള്‍.
ഭാഗ്യശ്രീ കഥാപാത്രത്തിനായി ചെയ്ത പ്രയത്‌നങ്ങള്‍ സിനിമ മേഖലയില്‍ ചര്‍ച്ചയാവുകയാണ്. ചിത്രീകരണത്തിന്റെ തുടക്ക സമയത്ത് തമിഴ് അറിഞ്ഞിരുന്നില്ലെങ്കിലും കഥാപാത്രത്തിനായി തമിഴ് ഭാഷ പഠിക്കുകയും അവതരിപ്പിക്കുകയും ചെയ്തു. ചിത്രത്തിലെ ഓരോ ഫ്രയിമിയിലും ഭാഗ്യശ്രീ സൃഷ്ടിച്ച മായാജാലങ്ങള്‍ കാണാം.
രണ്ട് ശ്രദ്ധേയമായ നിര്‍മ്മാണ കമ്പനികളെ ഒരുമിപ്പിച്ചു കൊണ്ട് വരുന്ന ചിത്രം കൂടിയാണ് കാന്ത. തന്റെ മുത്തച്ഛന്‍ ഡി. രാമനായിഡുവിന്റെ മഹത്തായ പാരമ്പര്യം മുന്നോട്ട് കൊണ്ട് പോകുന്ന സ്പിരിറ്റ് മീഡിയയുമായി റാണ ദഗ്ഗുബതിയും മറുവശത്തു മലയാളം സൂപ്പര്‍സ്റ്റാര്‍ മമ്മൂട്ടിയുടെ മകന്‍ ദുല്‍ഖര്‍ സല്‍മാന്‍ നയിക്കുന്ന വേഫെയറര്‍ ഫിലിംസും ചേര്‍ന്നാണ് ഈ ചിത്രത്തെ യാഥാര്‍ഥ്യമാക്കി തീര്‍ക്കുന്നത്.
ഇന്ത്യന്‍ സിനിമയിലെ ഒരു നൂറ്റാണ്ടിലേറെയുള്ള ഈ കൂട്ടായ പാരമ്പര്യം ഒരുമിച്ചു ചേര്‍ന്ന്, അവരുടെ അതിശയകരമായ കഴിവിലൂടെ കാന്ത എന്ന അവിസ്മരണീയമായ ഒരു ചലച്ചിത്ര കാഴ്ച വാഗ്ദാനം ചെയ്യുന്നു. അതിശയിപ്പിക്കുന്ന രൂപകല്‍പ്പനയും പ്രചോദനാത്മകമായ ഇമേജറിയും കഥാപാത്രങ്ങളും പ്രമേയങ്ങളും ഉപയോഗിച്ച് പ്രേക്ഷകരുടെ കാത്തിരിപ്പിന് ആവേശം വര്‍ധിപ്പിക്കുന്ന രീതിയിലാണ് അപ്‌ഡേറ്റുകള്‍ പുറത്തുവരുന്നത്. ചിത്രത്തിന്റെ ട്രെയിലറും കൂടുതല്‍ വിശദാംശങ്ങളും വരും മാസങ്ങളില്‍ വെളിപ്പെടുത്തും.
ഛായാഗ്രഹണം- ഡാനി സാഞ്ചസ് ലോപ്പസ്, സംഗീതം- ഝാനു ചന്റര്‍, എഡിറ്റര്‍- ലെവെലിന്‍ ആന്റണി ഗോണ്‍സാല്‍വേസ്, കലാസംവിധാനം- രാമലിംഗം, വസ്ത്രാലങ്കാരം- പൂജിത തടികൊണ്ട, സഞ്ജന ശ്രീനിവാസ്. പിആര്‍ഒ- ശബരി.
Premium Lifestyle and Entertainment website
പ്രപ്പോസ് ചെയതത് താനെന്ന് മേഘ; ബ്രേക്കപ്പ് കഴിഞ്ഞ് സിഗ്മ അടിച്ച് നില്‍ക്കുകയായിരുന്നതിനാല്‍ റിജക്ട് ചെയ്‌തെന്ന് സല്‍മാന്‍; മിഴി രണ്ടിലും സീരിയലില്‍ നിന്ന് പിന്മാറേണ്ടി വന്നപ്പോഴും സംസാരിച്ചത് മേഘ; സീരിയല്‍ ലൊക്കേഷനില്‍ മൊട്ടിട്ട പ്രണയകഥ വിവാഹത്തിലെത്തിയ കഥപറഞ്ഞത് മേഘയും സല്‍മാനും
സുരേഷ് കുമാര്‍ പറഞ്ഞത് ഭരണസമിതിയുടെ തീരുമാനം'; ആന്റണി പെരുമ്പാവൂരിന് മറുപടിയുമായി പ്രൊഡ്യൂസേഴ്സ് അസോസിയേഷന്‍; 'നാഥനില്ലാ കളരി'യല്ലെന്ന് അമ്മ; പത്രസമ്മേളനത്തിലെ പരാമര്‍ശത്തിന് അതൃപ്തിയറിയിച്ച് താരസംഘടന; ആന്റണിക്ക് പിന്തുണയറിയിച്ച് പോസ്റ്റ് ഷെയര്‍ ചെയ്ത് മോഹന്‍ലാലും