തമിഴകത്തിലെ ഏറ്റവും അധികം ആരാധക ശ്രദ്ധയുള്ള താരദമ്പതികള്‍ ആണ് ആര്യയും സയേഷയും. 2021 ജൂലൈ മാസത്തിലാണ് ഇരുവര്‍ക്കും ഒരു പെണ്‍കുഞ്ഞ് ജനിക്കുന്നത്. ഇപ്പോഴിതാ മകള്‍ പിറന്ന മാസങ്ങള്‍ക്ക് ശേഷം ഇരുവരും തങ്ങളുടെ കുഞ്ഞിനെ ആരാധകര്‍ക്ക് മുന്നില്‍ പരിചയപ്പെടുത്തുകയാണ്.
ഞങ്ങളുടെ മകള്‍ അരിയാന എന്ന കുറിപ്പോടുകൂടിയാണ് മകളുടെ ചിത്രം സയേഷ പങ്കുവെച്ചത്. മകള്‍ സയേഷയെ പോലെ തന്നെയാണല്ലോ കാണാന്‍ എന്നാണ് ചിത്രത്തിന് താഴെ ആരാധകര്‍ കമന്റ് ചെയ്യുന്നത്.
എന്നാല്‍ താരദമ്പതികള്‍ ഒരു കുഞ്ഞു ജനിക്കാന്‍ പോകുന്ന കാര്യം സോഷ്യല്‍ മീഡിയയില്‍ വെളിപ്പെടുത്തിയിരുന്നില്ല. കുഞ്ഞു ജനിച്ചതിനുശേഷം ആദ്യമായാണ് ഇരുവരും തങ്ങളുടെ കുഞ്ഞിന്റെ ഫോട്ടോ സോഷ്യല്‍ മീഡിയയിലൂടെ പങ്കുവയ്ക്കുന്നത്.
2019 മാര്‍ച്ച് 9 നായിരുന്നു ഇരുവരുടെയും വിവാഹം. 2018ല്‍ പുറത്തിറങ്ങിയ ഗജനികാന്ത് എന്ന ചിത്രത്തില്‍ ആയിരുന്നു ഇരുവരും ഒരുമിച്ച് അഭിനയിച്ചത്.
തെലുങ്ക് ചിത്രത്തിലൂടെയാണ് സയേഷ അഭിനയരംഗത്തേക്ക് ചുവടുവയ്ക്കുന്നത്. തെലുങ്ക് ചിത്രം അഖില്‍ ആയിരുന്നു താരത്തിന്റെ അരങ്ങേറ്റ ചിത്രം. ശേഷം 2017 ല്‍ അജയ് ദേവ്ഗണിന്റെ ശിവായ് എന്ന ചിത്രത്തിലൂടെ താരം ബോളിവുഡിലേക്ക് അരങ്ങേറ്റം കുറിച്ചിരുന്നു.
ഇരുവരും തമ്മില്‍ മുമ്പ് പരിചയമുണ്ടായിരുന്നു എങ്കിലും ഇവരുടേത് പ്രണയ വിവാഹമല്ല. സയേഷയുടെയും ആര്യയുടെയും അറേഞ്ച്ഡ് മാരേജ് ആണെന്ന് ഒരു അഭിമുഖത്തില്‍ സയേഷയുടെ അമ്മ പറഞ്ഞിരുന്നു. ഏറ്റവും ഒടുവില്‍ ഇരുവരും ഒന്നിച്ച് എത്തിയ ചിത്രം സൂര്യ നായക കഥാപാത്രമായി എത്തിയ കാപ്പാന്‍ എന്ന ചിത്രം ആയിരുന്നു.
ശക്തി സൗന്ദര്‍ രാജയുടെ സംവിധാനത്തില്‍ ഒരുങ്ങിയ ക്യാപ്റ്റനാണ് ആര്യയുടെതായി അവസാനം ആരാധകര്‍ക്ക് മുന്നില്‍ തിയേറ്ററുകളില്‍ എത്തിയ ചിത്രം. ആര്യയുടെ മുപ്പത്തിനാലാമത് ചിത്രത്തിന്റെ പോസ്റ്റര്‍ അണിയറ പ്രവര്‍ത്തകര്‍ കഴിഞ്ഞദിവസം പുറത്തുവിട്ടിരുന്നു.
Premium Lifestyle and Entertainment website
വീട്ടുകാരുടെ സമ്മതത്തിന് കാത്തിരുന്നത് 13വര്‍ഷം;പ്രണയം തുടങ്ങിയ നാള്‍ മുതല്‍ കേട്ടത് ഹിന്ദു ചെറുക്കന്‍ അല്ലെ നീ ക്രിസ്റ്റനും എന്ന്;ഇണക്കങ്ങളും പിണകങ്ങളും ഒകെ ആയിട്ടുള്ള നീണ്ട 10,14 വര്‍ഷങ്ങള്‍;ഗീതാഗോവിന്ദത്തിലെ കാഞ്ചനയായി എത്തുന്ന ജോഷിനി തരകന്‍ വിവാഹവിശേഷം പങ്ക് വച്ചതിങ്ങനെ
പൊലീസ് വേഷത്തില്‍ തകര്‍പ്പന്‍ പ്രകടനവുമായി ആസിഫ് അലി; ഇന്‍വെസ്റ്റിഗേഷന്‍ ത്രില്ലറില്‍ കന്യാസ്ത്രീയായി അനശ്വര രാജനും; പ്രതീക്ഷ നല്‍കി 'രേഖാചിത്രം' ട്രെയ്ലര്‍