മോഹന്‍ലാലിനെ നായകനാക്കി പൃഥ്വിരാജ് സുകുമാരന്‍ സംവിധാനം ചെയ്യുന്ന എമ്പുരാന്‍ എന്ന ചിത്രത്തിന്റെ ഓരോ അപ്‌ഡേറ്റും പ്രേക്ഷകര്‍ ആകാംഷയോടെയാണ് കാത്തിരിക്കുന്നത്. സിനിമയുടെ ചിത്രീകരണം തിരുവനന്തപുരത്ത് നടക്കുകയാണ്. ഇപ്പോഴിതാ സിനിമയില്‍ തമിഴ് താരം അര്‍ജുന്‍ ദാസും ഭാഗമാകുന്നതായുള്ള റിപ്പോര്‍ട്ടുകളാണ് വരുന്നത്.
എമ്പുരാനിലെ നടന്റെ കഥാപാത്രത്തെക്കുറിച്ചുളള വിവരങ്ങള്‍ ലഭ്യമല്ല. കൈതി, മാസ്റ്റര്‍, വിക്രം തുടങ്ങിയ സിനിമകളിലൂടെ ശ്രദ്ധേയനായ നടനാണ് അര്‍ജുന്‍ ദാസ്. നടന്റെ ആദ്യ മലയാളം ചിത്രമായിരിക്കും എമ്പുരാന്‍.
സുരാജ് വെഞ്ഞാറമൂട്, ഷറഫുദ്ദീന്‍, ഷൈന്‍ ടോം ചാക്കോ തുടങ്ങീ ലൂസിഫറില്‍ ഇല്ലാത്ത പല താരങ്ങളും എമ്പുരാനില്‍ ഉണ്ടെന്നുള്ളതും ശ്രദ്ധേയമാണ്. മഞ്ജു വാര്യര്‍, ടൊവിനോ തോമസ്, ഇന്ദ്രജിത്ത്, വിവേക് ഒബ്റോയി, സായ്കുമാര്‍, നന്ദു തുടങ്ങീ വന്‍ താരനിരയാണ് ചിത്രത്തില്‍ അണിനിരക്കുന്നത്. ഈ വര്‍ഷം അവസാനത്തോടെ ചിത്രം തിയേറ്ററുകളില്‍ എത്തുമെന്നാണ് പ്രതീക്ഷിക്കുന്നത്.
സുജിത്ത് വാസുദേവ് ആണ് ചിത്രത്തിന് ഛായാഗ്രഹണം നിര്‍വഹിക്കുന്നത്. ദീപക് ദേവാണ് സംഗീതം. ആശിര്‍വാദ് സിനിമാസും ലൈക പ്രൊഡക്ഷന്‍സും ചേര്‍ന്നാണ് എമ്പുരാന്‍ നിര്‍മ്മിക്കുന്നത്. മലയാളം, തമിഴ്, തെലുങ്കു,ഹിന്ദി, കന്നഡ എന്നീ ഭാഷകളിലാണ് ചിത്രം പ്രദര്‍ശനത്തിനെത്തുന്നത്.
Premium Lifestyle and Entertainment website
നന്ദി ദിനത്തിലെ വാടാമലരുകള്‍ (കവിത)
ഐം സോറി അയ്യപ്പാ.. ഞാന്‍ ഉള്ളില്‍ വന്താല്‍ യെന്നപ്പാ..';.ഗാനത്തിരെ പ്രതിഷേധവുമായി അയ്യപ്പ ഭക്തര്‍; സംവിധായകന്‍ പാ. രഞ്ജിത്തിനും ഇസൈവാണിക്കുമെതിരെ കേസെടുക്കണമെന്ന് ആവശ്യം; പരാതിയില്‍ ഇടപെട്ട് തമിഴ് നാട് സര്‍ക്കാര്‍