തദ്ദേശ സ്വയംഭരണ തിരഞ്ഞെടുപ്പില്‍ മത്സരിച്ചപ്പോള്‍ തനിക്കുണ്ടായ അനുഭവങ്ങള്‍ വെളിപ്പെടുത്തിയിരിക്കുകയാണ് ബിഗ് ബോസ് മലയാളം സീസണ്‍ ഫൈവ് വിജയിയും ചലച്ചിത്ര സംവിധായകനുമായ അഖില്‍ മാരാര്‍. ഒരു സ്വതന്ത്ര സ്ഥാനാര്‍ത്ഥിയായിട്ടാണ് താന്‍ തിരഞ്ഞെടുപ്പില്‍ മത്സരിച്ചത്. എന്നാല്‍, രാഷ്ട്രീയ പാര്‍ട്ടികളെ പോലും അമ്പരപ്പിച്ചുകൊണ്ട് തനിക്ക് ലഭിച്ച വലിയ ജനപിന്തുണയുടെ ബലത്തില്‍, താന്‍ വിജയത്തിലേക്ക് അടുക്കുന്നു എന്ന് കണ്ടതോടെ എതിരാളികള്‍ അക്രമ രാഷ്ട്രീയം അഴിച്ചുവിട്ടു എന്നാണ് അഖില്‍ മാരാര്‍ പറയുന്നത്.
ഫെയ്‌സ്ബുക്ക് കുറിപ്പിന്റെ പൂര്‍ണ രൂപം: മറ്റൊരു തിരഞ്ഞെടുപ്പ് കാലം വരുമ്പോള്‍ 10 വര്‍ഷം മുന്‍പ് കോണ്‍ഗ്രസ്സിലെ ചിലരുടെ തീരുമാനങ്ങളോട് യോജിക്കാന്‍ കഴിയാതെ സ്വതന്ത്രന്‍ ആയി ബ്ലോക്ക് പഞ്ചായത്തില്‍ മത്സരിക്കാന്‍ ഞാന്‍ തീരുമാനിച്ചു... വളരെ കുറച്ചു സമയം മാത്രമായിരുന്നു അന്നുണ്ടായിരുന്നത്.. 150വോട്ട് നിനക്ക് കിട്ടില്ല എന്ന് വെല്ലുവിളിച്ചവര്‍ക്ക് മുന്നില്‍ ഞാന്‍ എന്റെ തിരഞ്ഞെടുപ്പ് പ്രവര്‍ത്തനങ്ങള്‍ ഒരാഘോഷമാക്കി..
ശിവകാശിയില്‍ പോയി പോസ്റ്റര്‍ അടിച്ചു...നൂറിലധികം ഫ്‌ളക്‌സ് അടിച്ചു.. ഫ്‌ലക്‌സുകള്‍ വെയ്ക്കാനുള്ള ഫ്രെയിം ഞാനും നമ്മുടെ പിള്ളേരും ചേര്‍ന്ന് അടിച്ചു.. രാവിലെ മുതല്‍ വോട്ട് പിടിക്കാന്‍ ഇറങ്ങും.. ഉച്ചയ്ക്ക് ശേഷം ഫ്‌ളക്‌സ് ബോര്‍ഡ് അടി.. രാത്രി പോസ്റ്റര്‍ ഒട്ടിക്കലും ഫ്‌ലക്‌സ് വെയ്ക്കലും.. പല വാര്‍ഡുകളിലും ഞാന്‍ ചര്‍ച്ച ആയി.. ബ്ലോക്ക് പഞ്ചായത്തില്‍ സ്വതന്ത്രന്‍ ജയിക്കും എന്ന പ്രതീതി വരെ സൃഷ്ട്ടിച്ചു.. ആ പ്രതീതി പാര്‍ട്ടികള്‍ക്കിടയില്‍ ജാഗ്രത സൃഷ്ട്ടിച്ചു..
എനിക്ക് വോട്ട് നല്‍കും എന്ന് പറഞ്ഞ പലകുടുംബങ്ങളിലും അവര്‍ കൃത്യമായി ഇടപെട്ടു.. എന്റെ പല പോസ്റ്ററുകളും, ഫ്‌ലക്‌സുകളും നശിക്കപ്പെട്ടു.. രണ്ടായാലും 150വോട്ട് കിട്ടില്ല എന്ന് വെല്ലുവിളിച്ചവരുടെ മുന്നില്‍ 1500 വോട്ടിലധികം നേടിയെടുക്കാന്‍ എനിക്ക് കഴിഞ്ഞു... എന്ത് കൊണ്ടാണ് എനിക്ക് ഈ വോട്ട് കിട്ടാന്‍ കാരണം എന്ന് ചോദിച്ചാല്‍ നേരിട്ടു സംസാരിച്ച വോട്ടര്‍മാര്‍ക്ക് ഞാന്‍ നല്‍കിയ വിശ്വാസം.. ജനങ്ങളെ വിശ്വാസത്തില്‍ എടുക്കാനും ആ വിശ്വാസം കാത്തു സൂക്ഷിക്കാനും കഴിയുക എന്നത് മാത്രമാണ് ഓരോ പൊതു പ്രവര്‍ത്തകനും ഉയര്‍ത്തി പിടിക്കേണ്ട ആദര്‍ശം... ജനങ്ങളെ മനസ്സിലാക്കുക സത്യത്തിനും നീതിയ്ക്കും വേണ്ടി പോരാടുക.. ജനവിധി തേടുന്ന എല്ലാ സ്ഥാനാര്‍ഥികള്‍ക്കും എന്റെ ആശംസകള്‍.
സാമൂഹ്യ മാധ്യമങ്ങളിലൂടെ അഖില്‍ മാരാര്‍ പങ്കുവെച്ച ഈ അനുഭവം വലിയ ചര്‍ച്ചയായിരിക്കുകയാണ്. പോസ്റ്റ് വൈറലായതോടെ അഖില്‍ മാരാറെ വിമര്‍ശിച്ചും പിന്തുണച്ചും നിരവധി പേര് രംഗത്തെത്തിയിട്ടുണ്ട്.
Premium Lifestyle and Entertainment website
കൂടെവിടെ അവസാനിച്ചിട്ട് രണ്ടര വര്‍ഷം;ചെല്ലമ്മ അവസാനിച്ചിട്ട് ഒന്നര വര്‍ഷവും; നടി അന്‍ഷിതയെ തേടി പുതിയ അവസരങ്ങള്‍ എത്തുന്നില്ലേ? സോഷ്യല്‍മീഡിയയില്‍ നടിയുടെ ഇടവേള ചര്‍ച്ചയാകുമ്പോള്‍
ജീവിതത്തിലെയും ഓര്‍മയിലെയും ആല്‍ബങ്ങളില്‍ ഒരിടത്തും അമ്മയും അച്ഛനും മാത്രം ഒന്നിച്ചുള്ള ഫോട്ടോ ഉള്ളതായി അറിയില്ല;അമ്മയെപ്പോലെ ചെറുപ്പത്തില്‍ വിധവ ആകേണ്ടിവന്ന, കഷ്ടപ്പാടുകള്‍ അനുഭവിക്കേണ്ടിവന്ന സാധാരണ അമ്മമാര്‍ക്ക് സന്തോഷം നല്‍കുന്ന വലിയ കാര്യം;നടി മഞ്ജു വിജീഷിന്റെ കുറുപ്പ്