തിയ്യേറ്ററുകളില്‍ മികച്ച പ്രതികരണം നേടി മുന്നേറുകയാണ് ഐശ്വര്യ രാജേഷ് പ്രധാനവേഷത്തില്‍ എത്തിയ കനാ. ഒരു സാധാരണ നാട്ടിന്‍ പുറത്തുകാരിയില്‍ നിന്ന് ലോകം അറിയുന്ന ക്രിക്കറ്റ് താരത്തിലേക്കുള്ള ഒരു പെണ്‍കുട്ടിയുടെ യാത്രയാണ് കനായുടെ പ്രമേയം. നവാഗതനായ അരുണ്‍ കാമരാജ് സംവിധാനം ചെയ്തിരിക്കുന്ന ഈ ചിത്രം നിര്‍മിച്ചത് നടന്‍ ശിവകാര്‍ത്തികേയനാണ്. സത്യരാജ് , ശിവകാര്‍ത്തികേയന്‍ തുടങ്ങിയവരും ചിത്രത്തില്‍ വേഷമിടുന്നു.
കനായുടെ വിജയാഘോഷത്തിനിടെ ഐശ്വര്യ നടത്തിയ ഒരു പരാമര്‍ശമാണ് ഇപ്പോള്‍ വിവാദമായിരിക്കുന്നത്. ചില സിനിമകള്‍ വിജയമല്ലെങ്കില്‍ അണിയറ പ്രവര്‍ത്തകര്‍ വ്യാജ വിജയാഘോഷങ്ങള്‍ സംഘടിപ്പിക്കാറുണ്ട്. ഈ പ്രവണതയെ പരിഹസിക്കുന്നതായിരുന്നു ഐശ്വര്യയുടെ പരാമര്‍ശം. തമാശരൂപേണയാണ് താരം സംസാരിച്ചതെങ്കിലും ചില സിനിമാ പ്രവര്‍ത്തകര്‍ക്കിടയില്‍ ഇത് കടുത്ത നീരസമുണ്ടാക്കി. സംഭവം വിവാദമായപ്പോള്‍ പരസ്യമായി മാപ്പ് പറഞ്ഞ് രംഗത്ത് എത്തിയിരിക്കുകയാണ് താരം.
കാനയുടെ വിജയാഘോഷ പരിപാടിയില്‍ ഞാന്‍ പറഞ്ഞത് വെറും തമാശയായിരുന്നു. സിനിമകളെയോ അല്ലെങ്കില്‍ വ്യക്തികളെയോ ഞാന്‍ അതിലൂടെ പരിഹസിക്കാന്‍ ഉദ്ദേശിച്ചിരുന്നില്ല. ആരെയും വേദനിപ്പിക്കാന്‍ പറഞ്ഞതല്ല. നമ്മുടെ ഇന്‍ഡസ്ട്രിയിലെ എല്ലാ സിനിമകളും സൂപ്പര്‍ഹിറ്റ് ആകണമെന്ന് ആഗ്രഹിക്കുന്ന ഒരു വ്യക്തിയാണ് ഞാന്‍. ഒരു സിനിമ വിജയമാക്കുന്നതിന് പിന്നിലെ ബുദ്ധിമുട്ട് എത്രത്തോളം വലുതാണെന്ന് എനിക്കറിയാം. എന്റെ പരാമര്‍ശം നിങ്ങളെ വേദനിപ്പിച്ചുവെങ്കില്‍ മാപ്പ്- ഐശ്വര്യ ട്വീറ്റ് ചെയ്തു.
Premium Lifestyle and Entertainment website
നാടക പ്രവര്‍ത്തകരുടെ ദുരന്തത്തില്‍ ദുഃഖം താങ്ങാനാകാതെ സഹപ്രവര്‍ത്തകര്‍; ദേവ കമ്മ്യൂണിക്കേഷന്‍സിലെ അഞ്ജലിയും ജെസ്സിയും ഓര്‍മ്മയാകുമ്പോള്‍
ചാനലില്‍ വര്‍ക്ക് ചെയ്തിരുന്ന വേറൊരു പെണ്‍കുട്ടി വരുമെന്നാണ് വിചാരിച്ചത്; ഞാന്‍ ചെന്ന് അഭിമുഖത്തിനായി ഇന്‍ട്രോ പറഞ്ഞതോടെ ഷൗട്ട് ചെയ്തു;നമ്മള്‍ ഒരുപാട് ആരാധിക്കുന്ന വ്യക്തിയില്‍ നിന്നും ഉണ്ടായ മോശം അനുഭവം പങ്ക് വച്ച് നടന്‍ കൂടിയായ ആര്‍ ജെ ഗദ്ദാഫി