എന്ന് നിന്റെ മൊയ്തീനില്‍ പൃഥ്വിരാജിന്റെ അമ്മയായി അഭിനയിച്ചതിനെക്കുറിച്ച് തുറന്നു പറഞ്ഞ് നടി ലെന  

വ്യത്യസ്തത നിറഞ്ഞ കഥാപാത്രങ്ങളിലൂടെ മലയാള സിനിമയ്ക്ക് പ്രിയങ്കരിയായ താരമാണ് ലെന. നായിക കഥാപാത്രം എന്ന നിര്‍ബന്ധമില്ലാതെ അഭിനയ സാധ്യതയുള്ള മികച്ച വേഷങ്ങളിലൂടെ കഴിഞ്ഞ ഒരു പതിറ്റാണ്ടായി ലെന സിനിമയില്‍ നിറഞ്ഞു നില്‍ക്കുന്നു. തന്റെ സമപ്രായക്കാരായ താരങ്ങളുടെ അമ്മ വേഷം പോലും ലെന മികച്ചതാക്കി. ഇപ്പോള്‍ ഇത്തരം അമ്മ വേഷങ്ങളെക്കുറിച്ച് തുറന്നു പറഞ്ഞിരിക്കുകയാണ് ലെന.

അഭിനയിച്ച കഥാപാത്രങ്ങളില്‍ തന്നെ ഏറെ ആശങ്കപ്പെടുത്തിയത് 'എന്ന് നിന്റെ മൊയ്തീന്‍' എന്ന ചിത്രത്തിലെ പൃഥ്വിരാജിന്റെ അമ്മ വേഷമായിരുന്നുവെന്ന് പറയുകയാണ് ലെന. ഒരു അഭിമുഖത്തിലാണ് ലെന ഇക്കാര്യം തുറന്നു പറഞ്ഞത്.

എന്ന് നിന്റെ മൊയ്തീന്‍ എന്ന സിനിമയില്‍ ഡയറക്ടര്‍ വിമല്‍ എന്റടുത്ത് വന്നിട്ട് ഇന്ന ക്യാരക്ടറാണ്. പാത്തുമ്മ എന്നാണ് ക്യാരക്ടറിന്റെ പേര്, പൃഥ്വിരാജിന്റെ അമ്മയാണ് എന്നു പറഞ്ഞു. അപ്പോ ഞാന്‍ ചോദിച്ചു ഞാനും പൃഥ്വിരാജും ഒരേ പ്രായക്കാരാ, ഇതെന്തിനാ ഞാന്‍ ഇയാളുടെ അമ്മയായിട്ട് അഭിനയിക്കുന്നതെന്ന് ചോദിച്ചു. അല്ല ഇത് നിങ്ങള് ചെയ്‌തേ പറ്റൂ എന്ന് പറഞ്ഞു. അപ്പോ ഓട്ടോമാറ്റിക്കലി നമ്മള്‍ ആലോചിക്കുമല്ലോ?

എന്താ ഇപ്പോ ചെയ്യേണ്ടത്. ഡയറക്ടര്‍ വിമലാണെങ്കില്‍ വാശി പിടിച്ചിരിക്കയാണ്. ഇല്ല നിങ്ങളെ പറ്റൂ, ഈ ക്യാരക്ടര്‍ നിങ്ങളാണ് ചെയ്യേണ്ടത്'. പൃഥ്വിരാജിന്റെ അമ്മയുടെ ക്യാരക്ടര്‍ ചെയ്ത് അത് ആള്‍ക്കാര്‍ക്ക് ഉള്‍ക്കൊള്ളാന്‍ പറ്റണ്ടേ? അത് ആദ്യം എനിക്കുള്‍ക്കൊള്ളാന്‍ പറ്റണോല്ലോ?' - ലെന പറഞ്ഞു