രാജമൗലി ചിത്രങ്ങളിലൂടെ മലയാളി പ്രേക്ഷകര്ക്കിടയില് ആരാധകര് ഏറെ ലഭിച്ച താരമാണ് കിച്ച സുദീപ് . ഈച്ചയിലും ബാഹുബലിയിലും ഒക്കെ വലുതും ചെറുതുമായ വേഷങ്ങള് കൈകാര്യം ചെയ്ത പ്രിയ താരം . കിച്ച സുദീപ് നായക വേഷത്തിലെത്തുന്ന ചിത്രമാണ് വിക്രാന്ത് റോണ. പൂര്ണമായും 3 ഡി യില് ഒരുങ്ങുന്ന ചിത്രം മലയാളം ഉള്പ്പടെ പല ഭാഷയില് പുറത്ത് വരും. ഹോളിവുഡ് നിലവാരത്തോടു കിട പിടിക്കുന്ന ഇന്ത്യന് ചിത്രമായി ജൂലൈ 28 ന് ലോകമെമ്പാടും 6000 സ്ക്രീനുകളില് വിക്രാന്ത് റോണ പ്രദര്ശനത്തിനെത്തും. ചിത്രത്തിന്റെ ട്രൈലറിനും പാട്ടുകള്ക്കും ഗംഭീര സ്വീകരണമാണ് ലഭിച്ചത്. ഇതിനോടകം തന്നെ 104 മില്യണ് കാഴ്ചക്കാരാണ് ചിത്രത്തിന്റെ പ്രൊമോഷന് കണ്ടെന്റുകള് കണ്ടത്.
അനൂപ് ഭണ്ടാരി സംവിധാനം ചെയ്യുന്ന ചിത്രം ഒരു ഫാന്റസി ആക്ഷന് ചിത്രമാണിത് . ശാലിനി ജാക്ക് മഞ്ജുവും അലങ്കാര് പാണ്ട്യനും ചേര്ന്നു നിര്മ്മിച്ച ചിത്രത്തില് സുദീപിന്റെ കിച്ച ക്രീയേഷന്സും നിര്മ്മാണത്തില് പങ്കാളിയാണ്. വില്യം ഡേവിഡ് ആണ് കാമറക്ക് പിന്നില്, ബി അജിനേഷ് ലോകനാഥ് ആണ് സംഗീത സംവിധായകന്.
ചിത്രം കേരളത്തിലെത്തിക്കുന്നത് ദുല്ഖര് സല്മാന്റെ വെയ്ഫറര് ഫിലിംസാണ്. കേരളത്തിലെ മുന്നിര ഡിസ്ട്രിബ്യൂഷന് കമ്പനികളില് ഒന്നായ വെയ്ഫറര് വിക്രാന്ത് റോണക്കായി വലിയൊരു റീലീസ് ആണ് പ്ലാന് ചെയ്യുന്നത്. ദുല്ഖര് ആദ്യമായി പ്രദര്ശനത്തിനെത്തിക്കുന്ന അന്യഭാഷാ പാന് ഇന്ത്യാ ചിത്രം എന്ന നിലയിലും ചിത്രത്തിന്റെ പ്രതീക്ഷകള് ഏറെയാണ്. വോക്സ് കോമും ഫിഫ് സ്റ്റുഡിയോസും ചേര്ന്നാണ് ചിത്രത്തിന്റെ മാര്ക്കറ്റിംഗ്. ആസ്വാദനത്തിന്റെ 3D മികവില് വിക്രാന്ത് റോണയെന്ന ദൃശ്യ വിസ്മയം സ്ക്രീനില് എത്താന് ഒരാഴ്ച മാത്രം ബാക്കി . കാണാം ഈ ഗംഭീര ദൃശ്യ വിരുന്ന് തിയേറ്ററുകളില് ജൂലൈ 28ന്
Premium Lifestyle and Entertainment website
'വിജയവും പരാജയവും മാറിമറിയും, ജീവിതത്തില് മുന്നോട്ട് പോവുകമാത്രമാണ് വഴി'; സന്തോഷവും സമാധാനവുമാണ് ഏറ്റവും വലിയ കാര്യം'; 40 വയസ്സ് ആയാല് എന്താണ് പ്രശ്നം;ഞാന് അത് ആസ്വദിക്കുകയാണ്; നിവിന് പോളിക്ക് പറയാനുള്ളത്
മികച്ച നടനുള്ള ദേശീയ പുരസ്കാരം ഏറ്റുവാങ്ങിയ ശേഷം മമ്മൂട്ടിയും സുല്ഫത്തും പോയത് സ്റ്റാച്യൂ ഓഫ് യൂണിറ്റി കാണാന്; പട്ടേല് പ്രതിമ സന്ദര്ശിക്കുന്ന താരകുടുംബത്തിന്റെ ചിത്രങ്ങള് വൈറല്