വിജയ് നായകനായി എത്തുന്ന വെങ്കിട്ട് പ്രഭു ചിത്രം ഗോട്ടിന്റെ പുതിയ വിശേഷങ്ങള്‍ അറിയുവാനായി കാത്തിരിക്കുകയാണ് ആരാധകര്‍. സംഗീത സംവിധായകന്‍ യുവന്‍ ശങ്കര്‍ രാജ അടുത്തിടെ ഒരു പരിപാടിയില്‍ വെച്ച് അപ്ഡേറ്റ് കൈമാറി.
സിനിമയില്‍ രണ്ട് ഗാനങ്ങള്‍ വിജയ് ആലപിച്ചിട്ടുണ്ട് എന്നാണ് യുവന്‍ പറയുന്നത്.ഏപ്രില്‍ 14 ന് ദളപതി വിജയ് ആലപിച്ച ആദ്യ സിംഗിള്‍ 'വിസില്‍ പോഡു'പുറത്തുവന്നിരുന്നു. മറ്റൊരു ഗാനം കൂടി നിര്‍മാതാക്കള്‍ ഒരുക്കിയിട്ടുണ്ട്.
തമിഴ്നാട്ടില്‍ നടന്ന ഒരു പരിപാടിക്കിടെ ഗോട്ട് സിനിമയുടെ വിശേഷങ്ങളും വിജയ്യുടെ പുതിയ പാട്ടും യുവന്‍ ശങ്കര്‍ രാജ പങ്കുവയ്ക്കുന്നതിന്റെ ദൃശ്യങ്ങള്‍ സമൂഹമാദ്ധ്യമങ്ങളില്‍ ശ്രദ്ധിക്കപ്പെടുകയാണ്. ആദ്യമായി ഒരു സിനിമയില്‍ ദളപതി രണ്ട് പാട്ടുകള്‍ പാടിയിരിക്കുകയാണെന്ന യുവന്റെ വാക്കുകള്‍ ആരാധകര്‍ ആര്‍പ്പുവിളികളോടെയാണ് ഏറ്റെടുത്തത്.
സിനിമയുടെ റിലീസിനോട് അനുബന്ധിച്ച് ചിത്രത്തിന്റെ വലിയൊരു ഓഡിയോ ലോഞ്ച് ഉണ്ടാകുമെന്നും യുവന്‍ വെളിപ്പെടുത്തി.
പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്.നിര്‍മ്മാതാവ് അര്‍ച്ചന കല്‍പത്തി തന്റെ ഇന്‍സ്റ്റാഗ്രാം സ്റ്റോറിയില്‍ ഇതുമായി ബന്ധപ്പെട്ട വിവരങ്ങള്‍ പങ്കുവെച്ചിരുന്നു.ഹോളിവുഡ് വിഎഫ്എക്സ് ടീമാണ് ചിത്രത്തിന്റെ വിഷ്വല്‍ എഫക്ടില്‍ പ്രവര്‍ത്തിക്കുന്നത് എന്ന വിവരമാണ് നിര്‍മ്മാതാവ് പുറത്തുവിട്ടിരിക്കുന്നത്. നിരവധി വിഎഫ്എക്സ് സീക്വന്‍സുകള്‍ ചിത്രത്തിലുണ്ടെന്നാണ് ലഭ്യമാകുന്ന വിവരം.
Premium Lifestyle and Entertainment website
സിനിമയില്‍ അവസരം തേടുന്നവരെ വലയിലാക്കും, രതിചിത്രത്തില്‍ അഭിനയിപ്പിക്കും; ശില്‍പ ഷെട്ടിയുടെ ഭര്‍ത്താവ് രാജ് കുന്ദ്രയുടെ വീട്ടിലും ഓഫിസുകളിലും ഉള്‍പ്പെടെ 15 ഇടത്ത് റെയ്ഡ്
ശങ്കര്‍-രാം ചരണ്‍ ചിത്രം 'ഗെയിം ചേഞ്ചര്‍'; പ്രണയാതുരരായി റാം ചരണും കിയാരയും;'നാനാ ഹൈറാനാ' ഗാനത്തിന്റെ ലിറിക് വീഡിയോ എത്തി