ചെന്നൈ: തമിഴ്, തെലുങ്ക്, മലയാളം, കന്നഡ സിനിമകളില് അവിസ്മരണീയമായ പ്രകടനങ്ങളിലൂടെ പ്രേക്ഷകരെ കീഴടക്കിയ പ്രശസ്ത നടി സങ്കരമഞ്ചി ജാനകി എന്ന 'ഷൗകാര്' ജാനകി (94) ചെന്നൈയിലെ സ്വകാര്യ ആശുപത്രിയില് അന്തരിച്ചു. ഉച്ചയ്ക്ക് 1.59-നായിരുന്നു വിയോഗം. ഏഴ് പതിറ്റാണ്ടിലേറെ നീണ്ട അഭിനയജീവിതത്തില് നാല്പതിലധികം ഭാഷാ ചിത്രങ്ങളിലായി 400-ലേറെ സിനിമകളില് വേഷമിട്ടു.
1950-ല് എല്.വി. പ്രസാദ് സംവിധാനം ചെയ്ത 'ഷാവുകാരു' എന്ന തെലുങ്ക് ചിത്രത്തിലൂടെയാണ് ജാനകി സിനിമാരംഗത്തേക്ക് എത്തുന്നത്. ഈ ചിത്രത്തിന്റെ വിജയമാണ് പിന്നീട് 'ഷൗകാര്' ജാനകി എന്ന പേര് നല്കിയത്. മുന് തമിഴ്നാട് മുഖ്യമന്ത്രി എം.ജി. രാമചന്ദ്രന്റെ ഭാര്യയും നടിയുമായ വി.എന്. ജാനകിയുമായി പേരില് ആശയക്കുഴപ്പം ഒഴിവാക്കാന് കൂടിയാണ് അവര് ഈ പേര് സ്വീകരിച്ചത്.
പ്രധാന സിനിമകള് തമിഴ്: പണം പടുത്ത പാടു (1954), പുതിയ പറവൈ (1964), നീര്ക്കുമിഴി (1965), ഉയര്ന്ന മനിതന് (1968), എതിര് നീച്ചല് (1968), ഇരു കോടുഗള് (1969), കാവിയ തലൈവി (1970), തില്ലു മുള്ളു (1981), വെട്രി വിഴാ (1989). Also Read - ആദ്യ ഗെയിം നഷ്ടപ്പെട്ടിട്ടും ശക്തമായ തിരിച്ചുവരവ്; മികവുറ്റ സ്മാഷുകളും നെറ്റ് പ്ലേയും; ലോക രണ്ടാം റാങ്കുകാരായ ചൈനീസ് സഖ്യത്തെ അട്ടിമറിച്ചു; ലോക... തെലുങ്ക്: റോജുലു മാരായി (1955), കന്യാശുല്ക്കം (1955), പാണ്ഡുരംഗ മഹാത്മ്യം (1957), ഡോക്ടര് ചക്രവര്ത്തി (1964), അക്ക ചെല്ലെലു (1970), ബാഡി പന്ത്ലു (1972). 2023-ല് പുറത്തിറങ്ങിയ ബി.വി. നന്ദിനി റെഡ്ഡിയുടെ 'അന്നി മഞ്ചി ശകുനമുലേ' എന്ന തെലുങ്ക് ചിത്രത്തിലാണ് ജാനകി അവസാനമായി അഭിനയിച്ചത്.
തമിഴില് 2020-ല് സന്താനം നായകനായ 'ബിസ്കോത്ത്' ആണ് അവസാന ചിത്രം. കെ. ബാലചന്ദറുമായുള്ള സര്ഗ്ഗാത്മക കൂട്ടുകെട്ട് സംവിധായകന് കെ. ബാലചന്ദറുമായുള്ള സഹകരണമാണ് അവരുടെ കരിയറിലെ വഴിത്തിരിവായത്. നാടകങ്ങളിലൂടെ തുടങ്ങിയ ഈ കൂട്ടുകെട്ട് പിന്നീട് സിനിമയിലും വലിയ വിജയങ്ങള് സമ്മാനിച്ചു. 'കാവിയ തലൈവി'യില് അമ്മയായും മകളായും ഇരട്ടവേഷത്തില് മികച്ച പ്രകടനം കാഴ്ചവെച്ചു. 'ഭാമാ വിജയം', 'എതിര് നീച്ചല്', 'തില്ലു മുള്ളു' തുടങ്ങിയ ചിത്രങ്ങളിലൂടെ നായിക സങ്കല്പങ്ങള്ക്കപ്പുറം കഥാപാത്രങ്ങള്ക്ക് വൈകാരികമായ ആഴം നല്കാന് അവര്ക്കായി.
'പുതിയ പറവൈ'യിലെ അവിസ്മരണീയ വേഷം 1964-ല് ശിവാജി ഗണേശന് നിര്മ്മിച്ച് അഭിനയിച്ച 'പുതിയ പറവൈ'യിലെ ചിത്ര, സരസ എന്നീ ഇരട്ട കഥാപാത്രങ്ങള് ജാനകിയുടെ കരിയറിലെ മികച്ച പ്രകടനങ്ങളിലൊന്നാണ്. ശിവാജി ഗണേശനോടൊപ്പം തോളോടുതോള് ചേര്ന്ന് നില്ക്കുന്ന പ്രകടനമാണ് അവര് ഈ ചിത്രത്തില് കാഴ്ചവെച്ചത്. മുതിര്ന്ന താരങ്ങള്ക്കൊപ്പം ശിവജി ഗണേശന്, എം.ജി. രാമചന്ദ്രന്, ജെമിനി ഗണേശന്, രാജ്കുമാര്, എന്.ടി. രാമറാവു, അക്കിനേനി നാഗേശ്വര റാവു, പ്രേംനസീര്, കമല് ഹാസന്, രജനീകാന്ത്, മമ്മൂട്ടി തുടങ്ങി വിവിധ തലമുറകളിലെ പ്രമുഖ താരങ്ങള്ക്കൊപ്പം അവര് അഭിനയിച്ചു.
സിനിമയ്ക്ക് പുറമെ നാടക രംഗത്തും റേഡിയോ ആര്ട്ടിസ്റ്റ് എന്ന നിലയിലും അവര് സജീവമായിരുന്നു. കലൈമാമണി, ഫിലിംഫെയര് ലൈഫ് ടൈം അച്ചീവ്മെന്റ് അവാര്ഡ്, തമിഴ്നാട് സംസ്ഥാന ചലച്ചിത്ര അവാര്ഡ് തുടങ്ങി നിരവധി പുരസ്കാരങ്ങള് നേടിയിട്ടുണ്ട്. 2022-ല് ഭാരത സര്ക്കാര് പത്മശ്രീ നല്കി ആദരിച്ചു. 2021-ല് ദി ഹിന്ദുവിന് നല്കിയ അഭിമുഖത്തില് അവര് പറഞ്ഞിരുന്നു: 'ജീവിതം അനിശ്ചിതത്വങ്ങള് നിറഞ്ഞതാണ്. നാടകത്തിന്റെ തിരശ്ശീല വീഴുമ്പോള് നാം പുറത്തുപോകണം. സമാധാനത്തോടെ യാത്രയാകാന് സജ്ജരായിരിക്കുക; അതുമാത്രമാണ് എന്റെ ആഗ്രഹം.'
Premium Lifestyle and Entertainment website
ആ ചിരി ഇനിയില്ല; ഇന്സ്റ്റഗ്രാമിലെ വൈറല് താരമായ അമ്മുക്കുട്ടി അമ്മൂമ്മ യാത്രയായി; 106ാം വയസ്സില് വിടപറഞ്ഞത് മലയാളികളുടെ പ്രിയപ്പെട്ട സ്നേഹമുത്തശ്ശി; മരണം മോഹന്ലാലിനെ നേരില് കാണാനുള്ള ആഗ്രഹം ബാക്കിയാക്കി
ജയിച്ചാല് മാത്രം പോരാ, ജയിച്ചുകൊണ്ടിരിക്കണം'; ചാണക്യ തന്ത്രങ്ങളുമായി മോഹന്ലാല്; ശ്രദ്ധ നേടി പുതിയ പ്രൊമോ; ബിഗ്ബോസ് മലയാളം സീസണ് 8 സെപ്റ്റംബര് 6ന് ആരംഭിക്കും