ശങ്കര്‍ രാമകൃഷ്ണന്‍ തിരക്കഥ രചിച്ച് സംവിധാനം ചെയ്യുന്ന റാണി എന്ന ചിത്രത്തിന്റെ ട്രയിലര്‍ ആഗസ്റ്റ് ഇരുപത്തിയെട്ട് തിങ്കളാഴ്ച്ച (ഉത്രാടം തിരുനാള്‍) വൈകിട്ട് ആറുമണിക്ക് പ്രശസ്ത നടന്‍ പ്രഥ്വിരാജ് സുകുമാരന്റെ ഒഫീഷ്യല്‍ പേജിലൂടെ പ്രകാശനം ചെയ്തിരിക്കുന്നു.
എം.എല്‍.എ ധര്‍മ്മരാജന്‍ മരണപ്പെട്ട വിവരത്തിലൂടെയാണ് ട്രയിലറിന്റെ തുടക്കം പിന്നീട് അതിന്റെ ഉദ്വേഗം നിറഞ്ഞു നില്‍ക്കുന്ന അന്വേഷണത്തിന്റെ പുരോഗതി പ്രേക്ഷകനെ മുള്‍മുനയില്‍ നിര്‍ത്തും വിധത്തിലാണന്നത് ചിത്രം ത്രില്ലര്‍ സ്വഭാവത്തിലുള്ളതാണന്നു വ്യക്തം.
തികഞ്ഞ ഇന്‍വസ്റ്റിഗേറ്റീവ് ത്രില്ലര്‍ എന്നു തന്നെ ഈ ചിത്രത്തെക്കുറിച്ചു പറയാം.മികച്ച പ്രതികരണത്തോടെയാണ് പ്രേക്ഷകര്‍ ഈ ട്രയിലറിനെ ഏറ്റെ ത്തിരിക്കുന്നത്.
അന്യഭാഷാചിത്രങ്ങളും വലിയ താരപ്പൊലിമ നിറഞ്ഞ ചിത്രങ്ങളും നമ്മുടെ പ്രദര്‍ശനശാലകളില്‍ നിറഞ്ഞു നില്‍ക്കുമ്പോള്‍ കഥയുടെ പിന്‍ബലത്തിലൂടെ എത്തുന്ന റാണി എന്ന ചിത്രത്തിന് ഏറെ പ്രസക്തിയുണ്ട്.കാമ്പുള്ള ഒരു കഥയുടേയും തിരക്കഥയുടേയും സഹായത്തോടെ എത്തുന്ന ഈ ചിത്രം ശക്തമായ സ്ത്രീപക്ഷ സാന്നിദ്ധ്യത്തിലൂടെ പ്രതികാരത്തിന്റെ കഥ പറയുകയാണ് ഈ ചിത്രം.താരപ്പൊലിമയുള്ള ബ്രഹ്‌മാണ്ഡ ചിത്രമായാലും താരതമ്യേന താരപ്പൊലിമ കുറവായ ചിത്രമായാലും ചിത്രത്തിന്റെ അടിസ്ഥാന ഘടകം എന്നു പറയുന്നത് കാമ്പുള്ള ചിത്രങ്ങളാണ്. അത്തരം ചിത്രങ്ങളെ എന്നും പ്രേക്ഷകര്‍ സ്വീകരിക്കുമെന്നതില്‍ തര്‍ക്കമില്ല.' റാണിയുടെ കാര്യത്തില്‍ ഇതിന് ഏറെ പ്രാധാന്യമുണ്ട്.
സിനിമ എന്നും ആസ്വാദന കലയാണ്. സിനിമയുടെ ആസ്വാദനത്തില്‍ പ്രദര്‍ശന ശാലകള്‍ക്കുള്ള പങ്ക് ചെറുതല്ല. ഈ ചിത്രം പ്രദര്‍ശനശാലകളില്‍ക്കൂടി പ്രേക്ഷകരെ ആകര്‍ഷിക്കുവാനുള്ളതാണ്. ഇതു 'മനസ്സിലാക്കിക്കൊണ്ടുള്ള ഗിമിക്‌സുകള്‍ ഇല്ലാത്ത സത്യസന്ധമായ മാക്കറ്റിംഗ് വിഭാഗത്തിലൂടെ പ്രേക്ഷകരിലേക്ക് ഈ ചിത്രത്തെ എത്തിക്കുവാനുള്ള ശ്രമത്തിലാണ് ഈ ചിത്രത്തിന്റെ അണിയറ പ്രവര്‍ത്തകര്‍.
ബുദ്ധിയും, കൗശലവും, തന്ത്രവും മെനഞ്ഞ് സ്ത്രീശക്തി പ്രതികാരത്തിന് പുതിയ പുതിയ പരിവേഷം നല്‍കുന്നത് ഈ ചിത്രത്തിന്റെ ഏറെ ഹൈലൈറ്റായിരിക്കും.
ഉര്‍വ്വശി, ഭാവന, ഹണി റോസ്, അനുമോള്‍, മാലാ പാര്‍വ്വതി എന്നീ പ്രമുഖ താരങ്ങള്‍ സ്ത്രീപക്ഷത്തിന്റെ മാറ്റുവര്‍ദ്ധിപ്പിക്കുന്നു '
ദേശീയ പുരസ്‌ക്കാര ജേതാവ് ഇന്ദ്രന്‍സ്, ഗുരു സോമസുന്ദരം ,മണിയന്‍ പിള്ള രാജു, അശ്വിന്‍ ഗോപിനാഥ്, കൃഷ്ണന്‍ ബാലകൃഷ്ണന്‍, അബി.സാബു, ആമി പ്രഭാകരന്‍ എന്നിവരും അണിനിരക്കുന്നു.
സംഗീതം - മേന മേലത്ത്.
ഛായാഗ്രഹണം - വിനായക് ഗോപാലന്‍.
എഡിറ്റിംഗ് - അപ്പു ഭട്ടതിരി .
കലാസംവിധാനം -അരുണ്‍ വെഞ്ഞാറമൂട് .
ചീഫ് അസ്സോസ്സിയേറ്റ് ഡയറക്ടര്‍ - ഷിബു ഗംഗാധരന്‍.
നിര്‍മ്മാണ നിര്‍വ്വഹണം.ഹരി വെഞ്ഞാറമൂട് .
മാജിക്ക് വെയില്‍ പ്രൊഡക്ഷന്‍സിന്റെ ബാനറില്‍ ശങ്കര്‍ രാമകൃഷ്ണന്‍, വിനോദ് മേനോന്‍ ,ജിമ്മി ജേക്കബ് എന്നിവര്‍ നിര്‍മ്മിക്കുന്ന ഈ ചിത്രത്തിന്റെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായി വരുന്നു.
വാഴൂര്‍ ജോസ്.
Premium Lifestyle and Entertainment website
എഫ്ബിയില്‍ കുറിപ്പിട്ട പെണ്‍കുട്ടിക്ക് എന്തു കൊണ്ട് പോലീസില്‍ പരാതി നല്‍കാന്‍ ധൈര്യമുണ്ടായില്ല? 14 പേര്‍ക്കെതിരെ പോസ്റ്റിട്ട യുവതി തനിക്കെതിരെ മാത്രം പരാതി നല്‍കി; വാദങ്ങള്‍ ചുറ്റിക്കറങ്ങിയത് ആ പോസ്റ്റില്‍; ഹേമാ കമ്മറ്റി 'ധൈര്യം' ഫലം കണ്ടില്ല; സിദ്ദിഖിന് മുന്‍കൂര്‍ ജാമ്യം അനുവദിക്കുമ്പോള്‍ സുപ്രീംകോടതി പറയുന്നത് 
വീട്ടുകാരുടെ സമ്മര്‍ദ്ദത്തില്‍ കല്ല്യാണത്തെ പറ്റി ഒരു ഘട്ടത്തില്‍ ആലോചിച്ചിരുന്നു; പിന്നീട് ബോധവും ബുദ്ധിയും വെച്ചപ്പോള്‍ വേണ്ടെന്ന് മനസിലായി; ഒരുപാട് ആലോചിച്ചെടുത്ത തീരുമാനം; കല്ല്യാണം കഴിക്കില്ല; ആളുകള്‍ സന്തോഷത്തിലല്ല; ഐശ്വര്യ ലക്ഷ്മി