ബ്രിട്ടീഷ് പ്രധാനമന്ത്രി ഋഷി സുനകിന്റെ 'യുകെ ഇന്ത്യ വീക്ക്' സത്കാരത്തില്‍ ഇന്ത്യയെ പ്രതിനിധീകരിക്കാന്‍ ബോളിവുഡ് താരം സോനം കപൂര്‍. യു കെ പ്രധാനമന്ത്രി ഋഷി സുനകിന്റെ ക്ഷണ പ്രകാരമാണ് ഇന്ത്യ വീക്കിന്റെ ഈ വര്‍ഷത്തെ സത്കാര ചടങ്ങില്‍ സോനം പങ്കെടുക്കുന്നത്.
10 ഡൗണിങ് സ്ട്രീറ്റിലെ പ്രധാനമന്ത്രിയുടെ ഔദ്യോഗിക വസതിയിലും ഓഫീസിലും നടക്കുന്ന സ്വീകരണത്തിലാണ് സോനം പങ്കെടുക്കുക. ജൂണ്‍ 26 ന് ആരംഭിച്ച് 30 വരെ ലണ്ടനില്‍ നടക്കുന്ന ഇന്ത്യ ഗ്ലോബല്‍ ഫോറത്തിന്റെ പ്രധാന പരിപാടിയാണ് യു കെ ഇന്ത്യ വീക്ക്. നേരത്തെ ചാള്‍സ് രാജാവിന്റെ കിരീട ധാരണ ചടങ്ങിലേക്കും സോനം കപൂറിന് ക്ഷണം ലഭിച്ചിരുന്നു.
രാഷ്ട്രീയം, വ്യാപാരം, ബിസിനസ്സ്, സുസ്ഥിരത, നവീകരണം എന്നിവയുള്‍പ്പെടെയുള്ള നിര്‍ണായക വിഷയങ്ങളെക്കുറിച്ച് സംസാരിക്കാനും യുകെയും ഇന്ത്യയും തമ്മിലുള്ള ദീര്‍ഘകാല പങ്കാളിത്തത്തെ ശക്തിപ്പെടുത്തുകയുമാണ് യു കെ ഇന്ത്യ വീക്കിന്റെ ലക്ഷ്യം.
കോവിഡ് 19 ന്റെ ആദ്യ തരംഗത്തിനിടെ ലണ്ടനിലേക്ക് താമസം മാറിയ സോനം പിന്നീട് ആനന്ദ് അഹൂജയെ വിവാഹം കഴിച്ച് ലണ്ടനില്‍ സ്ഥിരതാമസമാക്കി.ടോം മഖീജയുടെ വരാനിരിക്കുന്ന ബ്ലൈന്‍ഡ് ആണ് സോനത്തിന്റെ അടുത്ത ചിത്രം. കാഴ്ച വൈകല്യമുള്ള കഥാപാത്രത്തെയാണ് ചത്രത്തില്‍ സോനം അവതരിപ്പിക്കുന്നത്. പുരബ് കോഹ്ലി, വിനയ് പതക്ക്, ലില്ലെറ്റ് ദുബേ എന്നിവരാണ് സഹതാരങ്ങള്‍.
Premium Lifestyle and Entertainment website
പ്രണയിച്ചിരുന്ന പെണ്‍കുട്ടിക്ക് പേരിനൊരു ഭര്‍ത്താവ് മതിയായിരുന്നു; വിവാഹത്തിന് എട്ട് ദിവസം മുമ്പാണ് വിവാഹം വേണ്ടെന്ന് വയ്ക്കുന്നത്; എല്ലാം ഏര്‍പ്പാട് ചെയ്തിരുന്നു; ലക്ഷങ്ങളുടെ നഷ്ടമാണ് ഉണ്ടായത്; വെളിപ്പെടുത്തി ബിഗ് ബോസ് താരം ജിന്റോ
കഥാപാത്രത്തിനുള്ളിലെ സംഘര്‍ഷങ്ങളും സങ്കീര്‍ണതകളും എന്നെ എത്രയൊക്കെ ആകര്‍ഷിച്ചിട്ടുണ്ടോ അത്ര തന്നെ വെല്ലുവിളികളും സമ്മാനിച്ചിട്ടുണ്ട്;പ്രിയദര്‍ശിനി രാംദാസ് പങ്ക് വച്ചത്