ദുല്ഖര് സല്മാന്റെ വേഫെറര് ഫിലിംസ് നിര്മ്മിച്ച ഏഴാം ചിത്രമായ ' ലോക - ചാപ്റ്റര് വണ്:ചന്ദ്ര' യിലേ സൂപ്പര് ഹിറ്റായ 'ക്വീന് ഓഫ് ദ നൈറ്റ്' എന്ന ഗാനം പുറത്ത്. ഗാനത്തിന്റെ വീഡിയോ ഉള്പ്പെടെയാണ് റിലീസ് ചെയ്തിരിക്കുന്നത്. ജേക്സ് ബിജോയ് ഈണം നല്കിയ ഗാനം രചിച്ച് ആലപിച്ചത് സേബ ടോമി ആണ്. കല്യാണി പ്രിയദര്ശന് അവതരിപ്പിക്കുന്ന ചന്ദ്ര എന്ന കേന്ദ്ര കഥാപാത്രത്തെയാണ് ഈ ഗാനത്തിലൂടെ അവതരിപ്പിക്കുന്നത്.
നേരത്തെ ചിത്രത്തിന്റെ സൂപ്പര് ഹിറ്റായ ഒറിജിനല് സൗണ്ട് ട്രാക്ക് പുറത്ത് വിട്ടിരുന്നു. ജേക്സ് ബിജോയ് ഈണം നല്കി ബി കെ ഹരിനാരായണന് വരികള് രചിച്ച ചിത്രത്തിന്റെ ഒറിജിനല് ബാക്ക്ഗ്രൗണ്ട് സ്കോര് ആണ് റിലീസ് ചെയ്തത്. മലയാളത്തിലെ ഓള് ടൈം ബ്ലോക്ക്ബസ്റ്ററുകളില് ഒന്നായി മാറിയ ചിത്രം രചിച്ചു സംവിധാനം ചെയ്തത് ഡൊമിനിക് അരുണ്.
കല്യാണി പ്രിയദര്ശന്, നസ്ലന് എന്നിവര് പ്രധാന വേഷങ്ങള് അവതരിപ്പിച്ച ഈ ബിഗ് ബജറ്റ് ചിത്രം പാന് ഇന്ത്യന് വിജയമാണ് നേടുന്നത്. 250 കോടി ആഗോള കളക്ഷന് പിന്നിട്ട് കുതിപ്പ് തുടരുകയാണ് 'ലോക'. ചിത്രത്തിന്റെ തെലുങ്ക്, തമിഴ്, ഹിന്ദി പതിപ്പുകളും ഗംഭീര ബുക്കിങ്ങും ബോക്സ് ഓഫീസ് കളക്ഷനും നേടി മുന്നേറുകയാണ്. 5 ഭാഗങ്ങളുള്ള ഒരു സൂപ്പര് ഹീറോ സിനിമാറ്റിക് യൂണിവേഴ്സിലെ ആദ്യ ചിത്രമാണിത്.
ചന്തു സലിംകുമാര്, അരുണ് കുര്യന്, ശരത് സഭ, നിഷാന്ത് സാഗര്, വിജയരാഘവന് എന്നിവരും ചിത്രത്തിന്റെ താരനിരയിലുണ്ട്. ബിഗ് ബജറ്റ് ഫാന്റസി ത്രില്ലറായി ഒരുക്കിയ ചിത്രത്തിലെ ദുല്ഖര്, ടോവിനോ തുടങ്ങി അതിഥി താരങ്ങളുടെ ഒരു വലിയ നിരയും പ്രേക്ഷകരെ ത്രസിപ്പിക്കുന്നുണ്ട്. കേരളത്തില് ചിത്രം വമ്പന് റിലീസായി എത്തിച്ചതും വേഫെറര് ഫിലിംസ് ആണ്.
ഛായാഗ്രഹണം -നിമിഷ് രവി, സംഗീതം - ജേക്സ് ബിജോയ്, എഡിറ്റര് - ചമന് ചാക്കോ, എക്സിക്യൂട്ടീവ് പ്രൊഡ്യൂസേഴ്സ്-ജോം വര്ഗീസ്, ബിബിന് പെരുമ്പള്ളി, അഡീഷണല് തിരക്കഥ-ശാന്തി ബാലചന്ദ്രന്, പ്രൊഡക്ഷന് ഡിസൈനര്-ബംഗ്ലാന് , കലാസംവിധായകന്-ജിത്തു സെബാസ്റ്റ്യന്, മേക്കപ്പ് - റൊണക്സ് സേവ്യര്, കോസ്റ്റ്യൂം ഡിസൈനര്-മെല്വി ജെ, അര്ച്ചന റാവു, സ്റ്റില്സ്- രോഹിത് കെ സുരേഷ്, അമല് കെ സദര്, ആക്ഷന് കൊറിയോഗ്രാഫര്- യാനിക്ക് ബെന്, പ്രൊഡക്ഷന് കണ്ട്രോളര് - റിനി ദിവാകര്, വിനോഷ് കൈമള്, ചീഫ് അസോസിയേറ്റ്-സുജിത്ത് സുരേഷ്
"ലോക"യുടെ ഒറിജിനൽ സൗണ്ട് ട്രാക്ക് പുറത്ത്
ദുൽഖർ സൽമാൻ്റെ വേഫെറർ ഫിലിംസ് നിർമ്മിച്ച ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" യുടെ സൂപ്പർ ഹിറ്റായ ഒറിജിനൽ സൗണ്ട് ട്രാക്ക് പുറത്ത്. ജേക്സ് ബിജോയ് ഈണം നൽകി ബി കെ ഹരിനാരായണൻ വരികൾ രചിച്ച ചിത്രത്തിൻ്റെ ഒറിജിനൽ ബാക്ക്ഗ്രൗണ്ട് സ്കോർ ആണ് റിലീസ് ചെയ്തിരിക്കുന്നത്. സ്പോട്ടിഫൈ, ആമസോൺ പ്രൈം മ്യൂസിക്, യൂട്യൂബ്, ജിയോ സാവൻ, ഗാനാ, ആപ്പിൾ മ്യൂസിക് തുടങ്ങി പത്തോളം മ്യൂസിക് പ്ലാറ്റ്ഫോമുകളിൽ ഈ ഒറിജിനൽ സൗണ്ട് ട്രാക്ക് ലഭ്യമാണ്. ചിത്രത്തിൻ്റെ വിജയത്തിൽ വമ്പൻ പങ്ക് വഹിച്ച ഒരു ഘടകമാണ് ജേക്സ് ബിജോയ് നൽകിയ സംഗീതം. ചിത്രത്തിലെ ഗാനങ്ങളും പശ്ചാത്തല സംഗീതവും വലിയ പ്രേക്ഷക പ്രശംസയാണ് നേടിയത്. പാൻ ഇന്ത്യൻ തലത്തിലാണ് ചിത്രത്തിൻ്റെ പശ്ചാത്തല സംഗീതം ശ്രദ്ധിക്കപ്പെട്ടത്.
വമ്പൻ വിജയം നേടിയ ചിത്രം 250 കോടി ആഗോള കളക്ഷൻ പിന്നിട്ട് കുതിപ്പ് തുടരുകയാണ്. ബുക്ക് മൈ ഷോയിലും ഒരു മലയാള സിനിമയ്ക്ക് ലഭിച്ച ഏറ്റവും ഉയർന്ന ടിക്കറ്റ് വിൽപന സ്വന്തമാക്കിയാണ് "ലോക" പ്രദർശനം തുടരുന്നത്. മലയാളത്തിലെ ഓൾ ടൈം ബ്ലോക്ക്ബസ്റ്ററുകളിൽ ഒന്നായി മാറിയ ചിത്രം രചിച്ചു സംവിധാനം ചെയ്തത് ഡൊമിനിക് അരുൺ. കല്യാണി പ്രിയദർശൻ, നസ്ലൻ എന്നിവർ പ്രധാന വേഷങ്ങൾ അവതരിപ്പിച്ച ഈ ബിഗ് ബജറ്റ് ചിത്രം പാൻ ഇന്ത്യ തലത്തിലാണ് വമ്പൻ വിജയം നേടുന്നത്.
ചിത്രത്തിന്റെ തെലുങ്ക്, തമിഴ്, ഹിന്ദി പതിപ്പുകളും ഗംഭീര ബുക്കിങ്ങും ബോക്സ് ഓഫീസ് കളക്ഷനും നേടി മുന്നേറുകയാണ്. ബിഗ് ബജറ്റ് ഫാൻ്റസി ത്രില്ലറായി ഒരുക്കിയ ചിത്രത്തിൽ ദുൽഖർ, ടോവിനോ തുടങ്ങി അതിഥി താരങ്ങളുടെ ഒരു വലിയ നിര തന്നെയുണ്ട്. 5 ഭാഗങ്ങളുള്ള ഒരു സൂപ്പർ ഹീറോ സിനിമാറ്റിക് യൂണിവേഴ്സിലെ ആദ്യ ചിത്രമാണിത്.
Premium Lifestyle and Entertainment website
കല്യാണം കഴിഞ്ഞ് നാല് മാസത്തിനുള്ളില് ഞാന് ഗര്ഭിണി; പ്രസവിക്കുക എന്നത് പേടിയുള്ള കാര്യമായതിനാല് കല്യാണ ആലോചനകള് വേണ്ടെന്ന് വച്ചിട്ടുണ്ട്; കുഞ്ഞ് വന്നാല് അതിനെ സ്നേഹിക്കാന് പറ്റുമോ എന്നൊക്കെ തോന്നലുണ്ടായിരുന്നു; കുഞ്ഞ് വന്നതോടെ എല്ലാം മാറി; പുതിയ വിശേഷങ്ങളുമായി സോഷ്യല് മീഡിയ താരം ഗ്രീഷ്മ ബോസ്
മുന്ഷിയിലെ തലമുണ്ഡം ചെയ്ത് കോഴിയെയും പിടിച്ചുനില്ക്കുന്ന ഹാസ്യ കഥാപാത്രമായി പ്രേക്ഷക ഹൃദയത്തില്; ഏഷ്യാനെറ്റ് ന്യൂസിലെ രാഷ്ട്രീയ ആക്ഷേപഹാസ്യമായ മുന്ഷിയിലെ കഥാപാത്രമായെത്തുന്ന ഹരിന്ദ്രകുമാര് വിട വാങ്ങി; മരണം റോഡില് കുഴഞ്ഞ് വീണതിനെ തുടര്ന്ന്