സുകുമാര്‍ സംവിധാനം ചെയ്യുന്ന പുതിയ ചിത്രം 'പുഷ്പ 2' വിന്റെ ഒഫീഷ്യല്‍ പോസ്റ്റര്‍ പുറത്തിറക്കി അണിയറപ്രവര്‍ത്തകര്‍. അല്ലു അര്‍ജ്ജുന്റെ പിറന്നാള്‍ തലേന്ന് ആണ് നിര്‍മ്മാതാക്കള്‍ പോസ്റ്റര്‍ പങ്കുവെച്ചത്. നടന്റെ സാമൂഹ്യ മാധ്യമങ്ങളിലും നിര്‍മ്മാതാക്കളുടെ പേജിലും പങ്കുവെച്ച പോസ്റ്ററിന് മികച്ച സ്വീകരണമാണ് ലഭിക്കുന്നത്.
സിനിമാപ്രേമികളും ആരാധകരും ഏറെ ആകാംക്ഷയോടെ കാത്തിരിക്കുന്ന അല്ലു അര്‍ജുന്‍ ചിത്രമാണ് ' പുഷ്പ 2'. ആദ്യ ഭാഗത്തിന്റെ വമ്പന്‍ വിജയത്തിന് ശേഷം റിലീസാകുന്ന രണ്ടാം ഭാഗത്തില്‍ പ്രേക്ഷകര്‍ക്ക് പ്രതീക്ഷകള്‍ ഏറെയാണ്. സാരി ഉടുത്ത് സ്വര്‍ണ മാലയും വളയും ധരിച്ച് തോളും ചെരിച്ച് നില്‍ക്കുന്ന പുഷ്പരാജിനെയാണ് പോസ്റ്ററില്‍ കാണാന്‍ കഴിയുന്നത്.
പോസ്റ്ററിനെ വിമര്‍ശിച്ചുകൊണ്ടും ഒരുപാട് കമന്റുകള്‍ എത്തുന്നുണ്ട്. 'എന്താണ് സുകുമാര്‍ ഇത്', 'കളിയാക്കിയതാണോ 'എന്നിങ്ങനെയാണ് കമന്റുകള്‍. അതേസമയം, ഇത് തിരുപ്പതി ഗംഗമ്മ ഉത്സവത്തിലെ ആചാരമാണെന്നും ഈ ഉത്സവത്തില്‍ സ്ത്രീകളും പുരുഷന്മാരും ഇത്തരത്തിലുള്ള വസ്ത്രം ധരിക്കണം, അതില്‍ പകുതി ശിവനും പകുതി പാര്‍വതിയുമാണെന്നാണ് ചിലരുടെ വാദം.
പുഷ്പ 2: ദ റൂള്‍' അനൗണ്‍സ്‌മെന്റ് നടത്തിയ വീഡിയോ റിലീസ് ചെയ്തിട്ടുണ്ട്.ആരാധകരെ ആവേശത്തിലാഴ്ത്തുന്ന വീഡിയോ ആണു പുറത്തുവന്നിരിക്കുന്നത്. ചന്ദനക്കടത്തുകാരനായ പുഷ്പയുടെ തിരിച്ചുവരവാണ് വീഡിയോയിലുള്ളത്.
കഴിഞ്ഞ ദിവസം എത്തിയ പുഷ്പ 2 വിന്റെ ഗ്ലിംപ്സ് വീഡിയോലേത്. 'വെര്‍ ഈസ് പുഷ്പ' എന്ന് ചോദിച്ചു കൊണ്ടെത്തിയ വീഡിയോ മണിക്കൂറുകള്‍ക്കുള്ളില്‍ 21 മില്യണ്‍ വ്യൂസ് നേടിയിട്ടുണ്ട്. ഒരുപാട് പ്രതീക്ഷയോടെയാണ് പ്രേക്ഷകര്‍ പുഷ്പയുടെ ഒരു അപ്ഡേറ്റിനായി കാത്തിരുന്നത്. എന്നാല്‍ പ്രതീക്ഷച്ചതല്ല കിട്ടിയത് എന്നാണ് പലരും അഭിപ്രായപ്പെടുന്നത്. 'ഡേയ് എന്നടാ പണ്ണി വച്ചിരിക്കെ' എന്ന നിരാശയാണ് ട്രെയ്ലര്‍ കണ്ടപ്പോ ഫീല്‍ ചെയ്തത് എന്നാണ് സോഷ്യല്‍ മീഡിയയിലൂടെ പ്രേക്ഷകര്‍ പ്രതികരിക്കുന്നത്.
സുകുമാര്‍ സംവിധാനം ചെയ്യുന്ന ചിത്രത്തില്‍ രശ്മിക മന്ദാനയാണ് നായിക. ഫഹദ് ഫാസില്‍, അനസൂയ, സുനില്‍, എന്നിവരും പ്രധാന വേഷങ്ങളില്‍ എത്തുന്ന ചിത്രം നിര്‍മ്മിച്ചിരിക്കുന്നത് മൈത്രി മൂവി മേക്കേഴ്സാണ്. സംഗീതം ഡി എസ് പി, പി ആര്‍ ഒ- ആതിര ദില്‍ജിത്ത്.
Premium Lifestyle and Entertainment website
മഞ്ചേരിയിലെ നാട്ടിന്‍ പുറത്തുകാരി പെണ്‍കുട്ടി; ചേട്ടന്‍ പ്രതീഷ് നന്ദന്‍ വഴിയാണ് ഓഡിഷന്; നീലക്കുയിലിലെ കസ്തൂരിയായെത്തി മിനിസ്‌ക്രിന്‍ പ്രേക്ഷകകുടെ പ്രിയങ്കരിയായസ്നിഷാ ചന്ദ്രന്റെ കഥ
മഹേഷ് നാരായണന്‍ ചിത്രത്തിന്റെ ഷൂട്ടിനായി ലാലേട്ടന്‍ ശ്രീലങ്കയിലെത്തി; നിര്‍മാതാവ് ആന്റോ ജോസഫിനൊപ്പം വിമാനത്താവളത്തിലെത്തിയ നടന്റെ ദൃശ്യങ്ങള്‍ സോഷ്യല്‍മീഡിയയില്‍ ഹിറ്റ്; ചിത്രത്തില്‍ ഫഹദും നയന്‍താരയും എത്തുമെന്നും അഭ്യൂഹം