ഹൃദയത്തിന് ശേഷം വിനീത് ശ്രീനിവാസന്‍ സംവിധാനം ചെയ്യുന്ന പുതിയ ചിത്രമാണ് വര്‍ഷങ്ങള്‍ക്ക് ശേഷം. പ്രണവ് മോഹന്‍ലാലാണ് ചിത്രത്തില്‍ നായകനായി എത്തുന്നത്. ചിത്രത്തിന്റെ പ്രഖ്യാപനത്തിന് ശേഷം പുതിയ അപ്‌ഡേറ്റുകള്‍ക്കായി കാത്തിരിക്കുകയാണ് പ്രേക്ഷകര്‍. ഇപ്പോഴിതാ സിനിമയുടെ ചിത്രീകരണം പൂര്‍ത്തിയാക്കിയതായി അറിയിച്ചിരിക്കുയാണ് അണിയറപ്രവര്‍ത്തകര്‍. ഇത് അറിയിച്ചുകൊണ്ടുള്ള വീഡിയോയും അണിയറപ്രവര്‍ത്തകര്‍ പുറത്ത് വിടുകയും ചെയ്തു.
40 ദിവസം കൊണ്ടാണ് ചിത്രം പൂര്‍ത്തീകരിച്ചിരിക്കുന്നതെന്ന് സംവിധായകന്‍ വിനീത് ശ്രീനിവാസന്‍ വീഡിയോയില്‍ പറഞ്ഞു.നമ്മുടെ സിനിമ ഇന്നത്തോടു കൂടി തീര്‍ന്നിരിക്കുകയാണ്. വര്‍ഷങ്ങള്‍ക്ക് ശേഷം 40 ദിവസങ്ങള്‍ കൊണ്ടാണ് പൂര്‍ത്തീയാക്കിയിരക്കുന്നത്. ശരിക്കും പറഞ്ഞാല്‍ ഒരുപാട് ദിവസം ഷൂട്ട് ചെയ്യാനുള്ള മെറ്റീരിയല്‍ ഉള്ള ചിത്രമാണിത്. എന്നാല്‍ എല്ലാ ഡിപ്പാര്‍ട്ട്‌മെന്റ് ഒരുമയോട് പ്രവര്‍ത്തിച്ചതുകൊണ്ടാണ് ചിത്രം വേഗത്തില്‍ പൂര്‍ത്തിയാക്കാന്‍ സാധിച്ചത്. 300ല്‍ അധികം ജൂനിയര്‍ ആര്‍ട്ടിസ്റ്റിനെ വെച്ച് രാവിലെ ഏഴ് മണിക്ക് ഫസ്റ്റ് ഷോട്ട് എടുത്തിട്ടുണ്ട്. എല്ലാ ഡിപ്പോര്‍ട്ട്‌മെന്റിന് നന്ദി അറിയിക്കുന്നു. എല്ലാവരും നല്ല പണി എടുത്തിട്ടുണ്ട്. അതിന്റെ റിസള്‍ട്ട് സിനിമയിലുണ്ടാകുമെന്ന് പ്രതീക്ഷിക്കുന്നു' പാക്കപ്പ് വീഡിയോയില്‍ വിനീത് ശ്രീനിവാസന്‍ പറഞ്ഞു.
ധ്യാന്‍ ശ്രീനിവാസന്റെ പിറന്നാള്‍ ദിനത്തില്‍ 'വര്‍ഷങ്ങള്‍ക്ക് ശേഷം' എന്ന ചിത്രത്തിന്റെ ഷൂട്ടിങ് പൂര്‍ത്തിയാക്കിയ സന്തോഷം പങ്കുവച്ച് വിനീത് ശ്രീനിവാസന്‍. കുറിപ്പും പങ്ക് വ്ച്ചു.
ധ്യാനിന്റെ ജന്മദിനമായ ഇന്ന് പുലര്‍ച്ചെ 2 മണിക്ക് ഞങ്ങള്‍ 'വര്‍ഷങ്ങള്‍ക്ക് ശേഷം' എന്ന ചിത്രത്തിന്റെ ഷൂട്ടിങ് പൂര്‍ത്തിയാക്കി. ചെയ്യുന്ന കാര്യങ്ങളില്‍ ആത്മാര്‍ത്ഥതയും അഭിനിവേശമുള്ള ഒരു കൂട്ടം ആളുകളുടെ ഒരു സൈന്യം തന്നെ എന്നോടൊപ്പമുണ്ട് എന്നുള്ളതില്‍ ഞാന്‍ ദൈവത്തോട് നന്ദിയുള്ളവനാണ്. എല്ലാ കാര്യങ്ങളും കൃത്യമായി ആസൂത്രണം ചെയ്താല്‍ സിനിമാ നിര്‍മ്മാണ പ്രക്രിയ എത്ര മനോഹരമായി പൂര്‍ത്തിയാക്കാന്‍ കഴിയുമെന്ന് എനിക്ക് തെളിയിച്ചു തന്ന സിനിമയാണിത്. നിങ്ങള്‍ പ്രകൃതിയെയും വെളിച്ചത്തിന്റെ കിരണങ്ങളേയും ബഹുമാനിക്കുമ്പോള്‍ അത് നിങ്ങള്‍ക്ക് അമൂല്യമായ ഒന്ന് മടക്കിനല്‍കും. അത് നിങ്ങള്‍ക്ക് അതിന്റെ മാജിക് കാണിച്ചുതരും. എന്നെ സംബന്ധിച്ചിടത്തോളം 'വര്‍ഷങ്ങള്‍ക്കു ശേഷം' എന്ന സിനിമ അത് എനിക്ക് ഒന്നുകൂടി വെളിപ്പെടുത്തിത്തന്നു. ഞങ്ങളുടെ ചിത്രം 2024 ഏപ്രിലില്‍ റിലീസ് ചെയ്യും. ഫസ്റ്റ് ലുക്ക് പോസ്റ്റര്‍ ഇന്ന് ഏതാനും മണിക്കൂറുകള്‍ക്കുള്ളില്‍ പുറത്തിറങ്ങും.'' വിനീത് ശ്രീനിവാസന്‍ കുറിച്ചു.
അന്‍പതിലധികം ലൊക്കേഷനുകളും 132 അഭിനേതാക്കളും ഇരുനൂറ് പേരോളമടങ്ങുന്ന ക്രൂവുമായിരുന്നു ചിത്രീകരണത്തില്‍ പങ്കെടുത്തത്. ആയിരത്തിലധികം ജൂനിയര്‍ ആര്‍ട്ടിസ്റ്റുകളും ചിത്രത്തില്‍ സഹകരിച്ചിട്ടുണ്ട്. 'ഹൃദയ'ത്തിന് ശേഷം മെറിലാന്‍ഡ് സിനിമാസിന്റെ ബാനറില്‍ വിശാഖ് സുബ്രഹ്മണ്യമാണ് വര്‍ഷങ്ങള്‍ക്ക് ശേഷം നിര്‍മിക്കുന്നത്.
നിവിന്‍ പോളി ചിത്രത്തില്‍ അതിഥി കഥാപാത്രമായി എത്തും. പ്രണവിനും കല്യാണിക്കും ധ്യാന്‍ ശ്രീനിവാസനുമൊപ്പം അജു വര്‍ഗീസ്, ബേസില്‍ ജോസഫ്, നീതാ പിള്ള, അര്‍ജുന്‍ ലാല്‍, നിഖില്‍ നായര്‍, ഷാന്‍ റഹ്മാന്‍, നീരജ് മാധവ് എന്നിങ്ങനെ വലിയ താരനിര തന്നെ ചിത്രത്തില്‍ അണിനിരക്കുന്നുണ്ട്. വിനീത് ശ്രീനിവാസനും ചിത്രത്തില്‍ ഒരു കഥാപാത്രം ചെയ്യുന്നുണ്ട്. 2024 ഏപ്രിലില്‍ ചിത്രം റിലീസ് ചെയ്യും.
Premium Lifestyle and Entertainment website
സിദ്ധിഖിന് മുന്‍കൂര്‍ ജാമ്യം അനുവദിച്ചു സുപ്രിംകോടതി; പരാതി നല്‍കാന്‍ എട്ട് വര്‍ഷം വൈകിയത് ചൂണ്ടിക്കാട്ടി കോടതിയുടെ നടപടി; ഫേസ്ബുക്ക് പോസ്റ്റില്‍ പീഡനം പരാമര്‍ശിക്കാത്ത കാര്യവും മുഖവിലക്കെടുത്തു കോടതി; കേസ് അന്വേഷണത്തിന്റെ ഭാഗമായി അറസ്റ്റു ചെയ്താല്‍ ജാമ്യം നല്‍കണമെന്നും നിര്‍ദേശം 
കൊവിഡ് വന്നതിനുശേഷം മൂന്ന് വര്‍ഷമായി ലങ്‌സിന്റെ കപ്പാസിറ്റി കുറവായിരുന്നു;ശ്വസിക്കാന്‍ ബുദ്ധിമുട്ടും കിതപ്പുമുണ്ടായിരുന്നു; മൂക്കിന് വളവും മാംസത്തിന്റെ വളര്‍ച്ചയും ഉണ്ടെന്ന് കണ്ടെത്തി; സര്‍ജറിയാണ്; തന്റെ രോഗാവസ്ഥയെക്കുറിച്ച് ഡോ റോബിന്‍ പങ്ക് വച്ചത്