ലിയോയ്ക്ക് ശേഷം ഗോട്ടിലും വിജയ്‌ക്കൊപ്പം തൃഷയെത്തും; നടി വെങ്കട് പ്രഭു ചിത്രത്തില്‍ എത്തുക അതിഥി വേഷത്തില്‍

വെങ്കട് പ്രഭു സംവിധാനത്തില്‍ ഒരുങ്ങുന്ന വിജയ് ചിത്രം 'ദി ഗോട്ടി'ല്‍ തൃഷ എത്തുന്നുവെന്ന് റിപ്പോര്‍ട്ടുകള്‍. കാമിയോ വേഷത്തിലാണ് തൃഷ ചിത്രത്തില്‍ എത്തുന്നത്. തൃഷയുടെ രംഗങ്ങള്‍ ഇതിനോടകം തന്നെ ചിത്രീകരിച്ചുവെന്നും റിപ്പോര്‍ട്ടുകളുണ്ട്. 

അജിത്ത് നായകനായ 'മങ്കാത്ത' ആയിരുന്നു തൃഷ വെങ്കട് പ്രഭു സംവിധാനത്തില്‍ അഭിനയിച്ച അവസാന ചിത്രം. 13 വര്‍ഷങ്ങള്‍ക്ക് ശേഷമാണ് വീണ്ടും തൃഷ വെങ്കട് പ്രഭുവിന്റെ സംവിധാനത്തില്‍ അഭിനയിക്കുന്നത്.

ദി ഗോട്ടിന്റെ ചിത്രീകരണം 50 ശതമാനം പൂര്‍ത്തിയായെന്നാണ് റിപ്പോര്‍ട്ടുകള്‍. ശ്രീലങ്കയിലും ഇസ്താംബുളിലുമായി ചിത്രത്തിന്റെ ഷൂട്ടിംഗ് ബാക്കിയുണ്ടെന്നും ഏപ്രില്‍ അവസാനത്തോടെ മുഴുവന്‍ പൂര്‍ത്തിയാകുമെന്നാണ് അഭ്യൂഹങ്ങള്‍. ഈ വര്‍ഷം രണ്ടാം പകുതിയോടെ എന്തായാലും ചിത്രം പ്രദര്‍ശനത്തിന് എത്തും എന്നാണ് ട്രേഡ് അനലിസ്റ്റുകളുടെ നീരീക്ഷണം.

എന്നാല്‍ ഗോട്ടിന്റെ ക്‌ളൈമാക്‌സ് ചിത്രീകരണം നാളെ തിരുവനന്തപുരത്ത് ആരംഭിക്കും. 15 ദിവസത്തെ ചിത്രീകരണത്തോടെ ഗോട്ട് പൂര്‍ത്തായാകും . വിജയ് നാളെ രാത്രി എത്തിച്ചേരും.ചിത്രത്തിലെ അഭിനേതാവായ പ്രഭുദേവ ഇന്നലെ കേരളത്തില്‍ എത്തി . ചോറ്റാനിക്കര ക്ഷേത്രത്തില്‍ പ്രഭുദേവ ദര്‍ശനം നടത്തുകയും ചെയ്തു. പ്രശാന്ത്, അജ്മല്‍, ജയറാം, സ്‌നേഹ, ലൈല, വി.ടി. വി.ഗണേഷ്, യോഗി ബാബു, പാര്‍വതി നായര്‍ തുടങ്ങി നീണ്ട താര നിരയുണ്ട്. തെലുങ്ക് താരം മീനാക്ഷി ചൗധരി ആണ് നായിക.