ആദ്യന്തയ്ക്ക് മൊട്ടയടിച്ചു; ഒപ്പം കുടുംബത്തോടൊപ്പമുളള ചിത്രങ്ങളുമായി സ്‌നേഹ

യുവതലമുറ മാതൃകയാക്കുന്ന താര ദാമ്പത്യമാണ് നടന്‍ പ്രസന്നയുടേതും നടി സ്‌നേഹയുടേതും. വിവാഹവും ദാമ്പത്യ ജീവിതം ഒരുപോലെ മനോഹരമായി കൊണ്ടു പോവുകയാണ് ഇരുവരും. ഏറെ കാലത്തെ പ്രണയത്തിനൊടുവില്‍ 2012 ലായിരുന്നു സ്‌നേഹയുടെയും പ്രസന്നയുടെയും വിവാഹം. രണ്ടു മക്കളാണ് ഇവര്‍ക്ക്. മകന്‍ വിഹാനും മകള്‍ ആദ്യാന്തയും. മാസങ്ങള്‍ക്ക് മുന്‍പാണ് ഇവര്‍ക്ക് മകള്‍ ജനിച്ചത്.തെന്നിന്ത്യയിലെ ഒരു കാലത്തെ മുന്‍നിരനായികയായിരുന്നു  സ്‌നേഹ. 2000 സഹൂപോത സിനിമയില്‍ അഭിനയിച്ച് തുടങ്ങിയ താരം ഇപ്പോഴും സിനിമയില്‍ സജീവമാണ്.

തെന്നിന്ത്യയിലെ മുന്‍നിരനായികമാരില്‍ ഒരാളായി മുന്നേറുമ്പോഴും അന്യഭാഷയില്‍ സജീവമാണ് താരം. ഒരു ബ്രേക്ക് ഇല്ലാതെയാണ് സ്‌നേഹ സിനിമയില്‍ മുന്നേറുന്നത്. ഒരേ മുഖം, ദ ഗ്രേറ്റ് ഫാദര്‍ എന്നീ  ചിത്രങ്ങളിലാണ് മലയാളത്തില്‍ സ്‌നേഹ അവസാനമായി അഭിനയിച്ചത്. ഗര്‍ഭിണിയായിരുന്നപ്പോള്‍ മുതലുളള തന്റെ വിശേഷങ്ങളൊക്കെ താരം പങ്കുവച്ചിരുന്നു. മകള്‍ ജനിച്ച ശേഷം തന്റെ മെറ്റേര്‍ണിറ്റി ഫോട്ടോഷൂട്ടിന്റെ ചിത്രങ്ങളും താരം പങ്കുവച്ചിരുന്നു. 

ജനുവരി 24 നാണ് സ്‌നേഹ ഒരു പെണ്‍കുഞ്ഞിന് ജന്മം നല്‍കിയത്. ആദ്യന്ത എന്നാണ് മകള്‍ക്ക് പേരിട്ടിരിക്കുന്നത്. മകന്റെ പേര് വിഹാന്‍ എന്നാണ്. മക്കള്‍ക്കും പ്രസന്നയ്ക്കും ഒപ്പമുള്ള ചിത്രങ്ങളാണ് സ്‌നേഹ ഇപ്പോള്‍ സോഷ്യല്‍ മീഡിയയില്‍ പങ്കു വച്ചിരിക്കുന്നത്.വിവാഹശേഷം സിനിമയില്‍ നിന്നും ഇടവേള എടുത്തിരുന്ന സ്‌നേഹ പിന്നീട് അഭിനയത്തിലേക്കും വന്നിരുന്നു.