യോദ്ധ, റോജ, ഒറ്റയാള്‍പട്ടാളം, ഫൂല്‍ ഓര്‍ കാണ്ഡേ, ജെന്റില്‍മാന്‍ തുടങ്ങിയ ചിത്രങ്ങളിലൂടെ ഇന്ത്യന്‍ സിനിമയിലെ തിളങ്ങുന്ന നായികയായിരുന്നു മധുബാല. സിനിമയില്‍ നിന്നും മാറി നിലിക്കുന്ന നടി ഇപ്പോള്‍ വാര്‍ത്തകളില്‍ നിറയുന്നത് ഒരു ആഗ്രഹ സഫലീകരണത്തിന്റെ പേരിലാണ്.
നടി മധുബാല തന്റെ 54-ാം വയസില്‍ സ്‌കൈ ഡൈവിംഗ് നടത്തിയിരിക്കുകയയാണ്്. ന്യൂസിലാന്‍ഡിലെ പ്രശസ്തമായ തപോ ടാന്‍ഡം സ്‌കൈ ഡൈവിംഗ് സെന്ററില്‍ വച്ചാണ് മധുബാല 12000 അടി ഉയരത്തില്‍ സ്‌കൈ ഡൈവിംഗ് നടത്തിയത്. താരത്തിനൊപ്പം ബിഗ് ബോസ് തെലുങ്ക് രണ്ടാം സീസണ്‍ ജേതാവ് കൗശല്‍ മന്ദയും ഉണ്ടായിരുന്നു. കണ്ണപ്പ എന്ന സിനിമയുടെ ചിത്രീകരണത്തിന്റെ ഭാഗമായാണ് താരം ന്യൂസിലാന്‍ഡിലെത്തിയതെന്നാണ് വിവരം.
കെ. ബാലചന്ദര്‍ സംവിധാനം ചെയ്ത അഴകനിലൂടെ സിനിമയിലെത്തിയ മധുബാല മണിരത്‌നത്തിന്റെ റൊമാന്റിക് ചിത്രം റോജയിലൂടെയാണ് ആരാധകരുടെ ഇഷ്ടതാരമായി മാറിയത്. മലയാളത്തില്‍ ഒറ്റയാള്‍ പട്ടാളം, യോദ്ധ എന്നോടിഷ്ടം കൂടാമോ നീലഗിരി, സംസാരം ആരോഗ്യത്തിന് ഹാനികരം എന്നീ ചിത്രങ്ങളിലും അഭിനയിച്ചിട്ടുണ്ട്. ഹിന്ദി, തെലുങ്ക്കന്നട സിനിമകളിലും വേഷമിട്ട മധുബാല ജയലളിതയുടെ ബയോപിക് ചിത്രമായ തലൈവരില്‍ ശ്രദ്ധേയ പ്രകടനമാണ് കാഴ്ച വച്ചത്. 1999 ലായിരുന്നു ബിസിനസുകാരനായ ആനന്ദ് ഷായുമായുള്ള വിവാഹം. ടീനേജ് പ്രായക്കാരായ കിയ, അമേയ എന്നിവരാണ് മക്കള്‍.
Premium Lifestyle and Entertainment website
ഒരു അഡാറ് ഭൂതം; നായകനായും സംവിധായകനായും വിസ്മയിപ്പിച്ച് മോഹന്‍ലാല്‍; വിസ്മയ കാഴ്ച്ചകളുമായി വെര്‍ച്വല്‍ 3ഡി ട്രെയിലര്‍ കാണാം
എ ആര്‍ റഹ്മാനും ഭാര്യയും വേര്‍പിരിയുന്നു; ഏറെ വിഷമത്തോടെയെടുത്ത തീരുമാനം; പരസ്പര സ്നേഹം നിലനില്‍ക്കുമ്പോഴും അടുക്കാനാകാത്ത വിധം അകന്നുപോയെന്ന് സൈറയുടെ വാര്‍ത്താകുറിപ്പ്; താരദമ്പതികള്‍ വേര്‍പിരിയുന്നത് 29 വര്‍ഷത്തെ ദാമ്പത്യത്തിന് ശേഷം