അടുത്തിടെ നടന്‍ ഷൈന്‍ ടോം ചാക്കോ പ്രണയത്തിലാണെന്ന വാര്‍ത്ത പ്രചരിച്ചിരുന്നു. താരം തന്റെ സോഷ്യല്‍ മീഡിയയില്‍ പങ്കുവച്ച ചിത്രമായിരുന്നു ഇതിന് കാരണം. ഒരു പെണ്‍കുട്ടിക്കൊപ്പം റൊമാന്റിക് പോസില്‍ നില്‍ക്കുന്ന ചിത്രമായിരുന്നു താരം പങ്കുവച്ചത്. ഇതോടെയാണ് ഷൈന്‍ പ്രണയത്തിലാണെന്ന വാര്‍ത്തകള്‍ എത്തിയത്.
ഈ പെണ്‍കുട്ടി ആരാണ് എന്നായിരുന്നു ആരാധകരുടെ സംശയം. ഇപ്പോഴിതാ, തന്റെ പുതിയ സിനിമ 'ഡാന്‍സ് പാര്‍ട്ടി'യുടെ ഓഡിയോ ലോഞ്ചില്‍ താരത്തോടൊപ്പം എത്തിയിരിക്കുകയാണ് ഈ പെണ്‍കുട്ടി. ഉടന്‍ വിവാഹിതരാവുന്ന ആളുകളെന്ന് വിളിച്ചാണ് ഷൈനിനെയും കൂട്ടുകാരിയെയും ചിത്രത്തിന്റെ സംവിധായകനായ സോഹന്‍ സീനുലാല്‍ വേദിയിലേക്ക് ക്ഷണിച്ചത്.
കാമുകിക്കൊപ്പം ഷൈന്‍ ടോം ഓഡിയോ ലോഞ്ചിനെത്തി എന്ന അടിക്കുറിപ്പോടെ നിരവധി വീഡിയോകളാണ് യൂട്യൂബിലും മറ്റും പ്രചരിക്കുന്നത്. തനൂജ എന്നാണ് ഷൈന്‍ ടോമിന്റെ സുഹൃത്തിന്റെ പേര്. തനൂജയുമായുള്ള ബന്ധമെന്തെന്ന് വേദിയില്‍ വച്ചും നടന്‍ വ്യക്തമാക്കിയില്ല. എന്നാല്‍ ഇരുവരും പ്രണയത്തിലാണെന്ന സൂചന ഇരുവരോടുമൊപ്പമുള്ള അടുത്ത വൃത്തങ്ങള്‍ സൂചിപ്പിക്കുന്നു.
സുഹൃത്തിനെ പരിചയപ്പെടുത്താമോ എന്ന് മാധ്യമങ്ങള്‍ ചോദിച്ചെങ്കിലും ഷൈന്‍ ഒഴിഞ്ഞു മാറുകയായിരുന്നു. 'തനു' എന്നാണ് കുട്ടിയുടെ പേരെന്നു മാത്രം ഷൈന്‍ പറയുകയുണ്ടായി.
തന്റെ ഇന്‍സ്റ്റഗ്രാം പേജിലൂടെ തനൂജയ്ക്കൊപ്പമുള്ള വീഡിയോ ഷൈന്‍ ടോം പങ്കുവെച്ചിട്ടുണ്ട്. ഷൈന്‍ ടോമിന്റെ സ്റ്റൈലിസ്റ്റ് ആയ സബി ക്രിസ്റ്റിയും ഇരുവരും ഒന്നിച്ചുള്ള ഫോട്ടോകള്‍ ഷൈന്‍ ടോമിനെ ടാഗ് ചെയ്ത് പോസ്റ്റ് ചെയ്തു. ലവ് സ്മൈലിയാണ് ചിത്രത്തിന് അടിക്കുറിപ്പായി നല്‍കിയിരിക്കുന്നത്. താരങ്ങളും ആരാധകരുടമക്കം നിരവധിപ്പേരാണ് ഇരുവര്‍ക്കും ആശംസകള്‍ അറിയിച്ചുകൊണ്ട് എത്തുന്നത്.
Premium Lifestyle and Entertainment website
'സ്വകാര്യതയെ മാനിച്ചുകൊണ്ട് ഒരു മുന്‍വിധിയിലും എത്തരുത്''; എ ആര്‍ റഹ്മാന്റെ വിവാഹമോചനത്തിന് പിന്നാലെ ബാന്‍ഡിലെ ബാസിസ്റ്റ് മോഹിനി ഡേയും ഭര്‍ത്താവും വേര്‍പിരിഞ്ഞു; പരസ്പര ധാരണയിലാണ് വേര്‍പിരിയലെന്നും എല്ലാവരും പിന്തുണക്കണമെന്നും അഭ്യര്‍ത്ഥന 
നടുക്കടലില്‍ അനുമതിയില്ലാതെ സിനിമ ഷൂട്ടിംഗ് നടത്തി; രണ്ട് ബോട്ടുകള്‍ പിടിച്ചെടുത്തു; സംഭവം ചെല്ലാനത്ത്