സമീപകാലത്ത് വന്‍ വിജയനേടിയ ചിത്രമാണ് ആര്‍.ഡി.എക്‌സ്. ഈ ചിതത്തിലെ താര ജോഡികളായ ഷെയ്ന്‍ നിഗം :- മഹിമാ നമ്പ്യാര്‍ എന്നിവരുടെ കഥാപാതങ്ങള്‍ക്കും ഏറെ സ്വീകാര്യതവര്‍ദ്ധിച്ചു.
ഈ താരജോഡികള്‍ക്ക് ഒന്നിച്ചഭിനയിക്കാന്‍ . വീണ്ടും അവസരം കൈവന്നിരിക്കുക യാണ്.
ലിറ്റില്‍ ഹാര്‍ട്ട്‌സ് എന്ന ചിത്രത്തിലാണ് ഇരുവരും ഇപ്പോള്‍ ഒന്നിച്ചഭിനയിക്കുന്നത്.
സാന്ദ്രാ തോമസ്റ്റും വില്‍സണ്‍ തോമസ്സും ചേര്‍ന്നു നിര്‍മ്മിച്ച് ആന്റോ ജോസ് പെരേരാ, എബി ട്രീസാ പോള്‍ എന്നിവര്‍സംവിധാനം ചെയ്യുന്ന ചിത്രമാണിത്..
കട്ടപ്പനയിലും പരിസരങ്ങളിലുമായി ഈ ചിത്രത്തിന്റെ ചിത്രീകരണം പുരോഗമിക്കുന്നു.
മഹിമയെ ആയിരുന്നില്ല ഈ ചിത്രത്തിലേക്ക് ആദ്യം കാസ്റ്റ് ചെയ്തിരുന്നത്. തമിഴിലെ മറ്റൊരു നടിയായിരുന്നു. ചില സാങ്കേതികമായ കാരണങ്ങളാല്‍ അവര്‍ക്ക് ചിത്രത്തില്‍ ജോയിന്റ് ചെയ്യാന്‍ കഴിയാതെ വന്നപ്പോഴാണ് വീണ്ടും പലരിലേക്കും അന്വേഷണം നടന്നത്. അത് എത്തിയത് മഹിമയിലായിരുന്നു വെന്ന് സാന്ദ്രാ തോമസ് പറഞ്ഞു.
ആര്‍.ഡി. എക്‌സിനു ശേഷം വീണ്ടും ഷെയിനുമായി ഒരു ചിത്രം ഉടനുണ്ടാകുമെന്ന് ഞാനും കരുതിയില്ലായിരുന്നുവെന്ന് മഹിമയും കട്ടപ്പനയിലെ ലൊക്കേഷനില്‍ വച്ചു പറഞ്ഞു. എല്ലാം ഒരു നിമിത്തം.
ഇടുക്കിയിലെ കാര്‍ഷിക മേഖലയുടെ പശ്ചാത്തലത്തില്‍ പ്രത്യേകിച്ചും ഏലത്തോട്ടങ്ങളുടെ പശ്ചാത്തലത്തിലൂടെയാണ് ഈ ചിത്രത്തിന്റെ കഥ നടക്കുന്നത്.
: അപ്പനും മകനും തമ്മിലുള്ള ബന്ധത്തിന്റെ കഥ. രണ്ടു കുടുംബങ്ങളിലായി നടക്കുന്ന വ്യത്യസ്ഥ പ്രണയം, ബന്ധങ്ങള്‍ ... ഇതെല്ലാം കൂടിച്ചേര്‍ന്ന ഒരു ചിത്രമാണിത്.
എല്ലാവിധ ആകര്‍ഷക ഘടകങ്ങളും കോര്‍ത്തിണക്കിയ ഒരു ക്ലീന്‍ എന്റെര്‍ടൈനര്‍.
തോട്ടം സൂപ്പര്‍വൈസറായ സിബി എന്ന കഥാപാതത്തെ ഷെയ്ന്‍ നിഗം അവതരിപ്പിക്കുന്നു.
ശോശ എന്നാണ് മഹിമയുടെ കഥാപാതത്തിന്റെ പേരു്. വിദേശത്തു പഠിക്കുന്ന ഒരു കുട്ടി.
ബാബുരാജ് മറ്റൊരു പ്രധാന കഥാപാതത്തെ അവതരിപ്പിക്കുന്നു.
രണ്‍ജി പണിക്കര്‍, ജാഫര്‍ ഇടുക്കി, മാലാ പാര്‍വ്വതി, രമ്യാ സുവി എന്നിവരും പ്രധാന വേഷങ്ങളിലുണ്ട്.
രാജേഷ് പിന്നാട നാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്.
സംഗീതം - കൈലാസ്.
ഛായാഗ്രഹണം - ലൂക്ക്
ജോസ്.
എഡിറ്റിംഗ് - നൗഫല്‍ അബ്ദുള്ള
കലാസംവിധാനം - അരുണ്‍ ജോസ്
മേക്കപ്പ് - പ്രദീപ് ഗോപാലകൃഷ്ണന്‍.
കോസ്റ്റ്യും ഡിസൈന്‍ - അരുണ്‍ മനോഹര്‍.
ക്രിയേറ്റീവ് ഡയറക്ടര്‍ - ദിപില്‍ ദേവ് -
ക്രിയേറ്റീവ് ഹെഡ് - ഗോപികാ റാണി.
പ്രൊഡക്ഷന്‍ ഹെഡ് - അനിതാ കപില്‍.
പ്രൊഡക്ഷന്‍ കണ്‍ട്രോളര്‍ - ഡേവിസണ്‍. സി.ജെ.
ക്രിസ്മസ്സിന് ഈ ചിത്രം പ്രദര്‍ശനത്തിനെ
ത്തുന്നു.
വാഴൂര്‍ ജോസ്.
Premium Lifestyle and Entertainment website
മാര്‍ക്കോ കണ്ട ശേഷം ഉണ്ണി മുകുന്ദനെയും ഹനീഫ് അദാനിയേയും അഭിനന്ദിച്ച് സൂര്യ 
ഇത് വിജയ് സാറിന്റെ അവസാനത്തെ സിനിമയാണ്; വീണ്ടും ഇങ്ങനെയൊരു അവസരം കിട്ടിയെന്ന് വരില്ല; പ്രേക്ഷകരും ഞങ്ങളുടെ കംബാക്കിനായി കാത്തിരിക്കുന്നു'; ജനനായകന്‍ ചെയ്യാനുള്ള കാരണം അതാണ്; പൂജ ഹെഗ്ഡെ പറയുന്നു